Thupiakkikna 34:8 - Zo Bible

⁸ Ni sawmthum sung Israel-te in Moab zanglei-ah Moses a kaa uhi; tua ciengin Moses zieha kaana le mauna teng a veng hi.

LAISIENGTHOU CL Bible (BSI)

⁸ Tualeh Israel taten Mosi khu Moab phaijang ah ni sawmthum sung a suun uhi, tuachi’n Mosi suunna leh kaana nite ahing beita hi.

Zokam International Version

⁸ Israel-te in Moab zanglei ah kahna le thumna hun a bei mateng ni sawmthum sung Moses adingin a dah uh hi.

Thupiakkikna 34:8 ပူးပေါင်းရင်းမြစ်များ

Piancilna 50:3

amate in tami bawl nadingin ni sawmli sung hun a zang uhi, bang ding ahei cile tua khu zatui nu nadinga a kisam hun ahi hi. Tuale Egypt-te in ni sawm sagi sung ama kaa uhi.

Misimna 20:29

Mihon buppi in Aaron si a mu bepun Aaron ziehin Israel’ innkuon sung mi zosie ni sawmthum sung a kap uhi.

Piancilna 50:10

Jordan gun galkhat, Atad’ bucilna phuol a tun ciengun, khum munah nahpitahin a kap uhi; tuale ama in a pa ziehin ni sagi sung dana hun a zang hi.

Nasepte 8:2

Pasien’ thu-a kipumpieh mite in Stephen a vui vua, ama ziehin nahpi tahin a kap uhi.

Isaiah 57:1

Mi thuman pa mangthai a, koima in ngaisutin nei lo hi; koima’ thei lo kalin a thutah mite kilamang hi. Azieh pen tuosietna panin midihte kilakhie a,

1 Samuel 25:1

Tu-in Samuel a si hi; tuale Israel zosie a kikhawm vua, ama ziehin kapin mau-in a om uhi. Amate in Ramah-a a inn ah ama a vui uhi. Tua ciengin David tho-in Paran senel gamah a peisuh hi.

Thupiakkikna 34:7

Moses a si-in kum za le kum sawmni pha hi; a mit miel nai loin a tha zong kie nai lo hi.

Thupiakkikna 34:9

Moses in ama tungah a khut ngam zo ahi ziehin Nun’ tapa Joshua lungsim pilna tawh kidim hi; tuale Israel-te in ama’ thu a mang vua, Topa’ thupiehsa bangin a gamta uhi.

2 Samuel 11:26

Uriah’ zi in a pasal si a zah bepin a pasal ziehin da-in a kap hi.