Thupiakkikna 32:5 - Zo Bible

⁵ hinanle a letat a tate in ama tungah gamtat sie-in, amate pen a lampiel le a lungkawi khang mite ahi uhi.

LAISIENGTHOU CL Bible (BSI)

⁵ Atungah na ginum sih ua, Amite chitaah zong na hi sih uhi, Khangthulimlou leh Nam lepchiete na hi uhi.

Zokam International Version

⁵ Ama tungah amaute a siattat uh hangin a maizum nading uh hi a, ama tate hi nawn loin lungsim kawi le lungsim khel khang mite a ahi uh hi.

Thupiakkikna 32:5 ပူးပေါင်းရင်းမြစ်များ

Piancilna 6:12

Tuale Pasien in leitung pen a kisie-in a mu hi; bangzieh ahei cile leitungah mi zosie a siehuoi-in a gamta uhi.

Phatna-late 78:8

amate, a lungkhau a ledo khang mite, Pasien tunga lungsim kip nei lo, lungsim muonhuoi lo khang mite ahi, a pu a pate utawh a kibang sih ding uhi.

Paikhiatna 32:7

Topa in Moses kungah, “Thakhatin kumsuh in! Egypt leitang pana na peitopi na mite a lelamin a gamta sieng ta uhi;

Paunakte 8:8

Ka kam pana ka gen zosie thuman vive ahi hi; tuate sungah thu kuolgen le thukawilieng bangma om lo hi.

Isaiah 1:4

Ah, mawnei minam, khielna netcip mite, sietna a bawlte’ suonlehlahte, a gamtatsie tapate, amate in Topa a nuasie ta vua, Israel Siengtho Pa simmaw-in, a elngat kilkel uhi!

Isaiah 63:8

Azieh pen ama in, “Amate pen ka mi tahtah ahi vua, zuouthu tawh na sem lo ding tapate ahi uhi,” a ci hi; ama pen

Hosea 9:9

Gibeah hun lai ma bangin amau le amau nahpi tahin kisie uhi. Ama in amau’ khielna phawh ding a, a mawnate uh ziehin amate dan a pie ding hi.

Zephaniah 3:7

Keima in, “Tua khuopi in ei giing valon ding a, tua khuopi in thuhilna a mang ding hi; a tunga ka tunsah na zosie a mangngil sih ding hi,” ka ci hi. Ahi vangin a sepna zosie vuah a sie lam sep ding thalawp zaw uhi.

Misimna 23:21

Ama in Jacob tungah vangsietna a mu sih a; ama in Israel-te lahah gimna zong a mu sih hi. Topa amau’ Pasien, amate tawh a omton a, amate lahah ama pen kumpipa ci-in kitangko hi.

Matthew 16:4

A gilo le angkawm khang mite in lim lamdang ngen uhi, ahi vangin amate tungah Jonah’ lim longal bangma lim kipie lo ding hi,” a ci hi. Tua ciengin amate nuasie-in a peikhie hi.

Matthew 17:17

Jesu in, “No upna nei lo a letat khangmite aw, note tawh bang tanve hing om ding ka hei? Bang tanvei note hing thuohpi ding ka hei? Ka kungah ama hing peipi un,” a ci hi.

Matthew 3:7

Ahi vangin ama in Pharisee-te le Sadducees-te a tampi khat a ki-baptize dinga ang pei a mu ciengin amate kungah, “No muoltan suonte! Ang tung ding thangpaina pan na tai nadingun koi in ang hil ahei?

Luke 9:41

Jesu in, “Upna nei lo, a letat khang mite aw, bang tanvei note hing ompi-in hing thuoh zo lai ding ka hei? Tam munah na tapa hing peipi in,” ci-in a dawng hi.

John 8:41

Note na hi ule na pa uh’ sep banga a sem tahtah na hi uhi,” a ci hi. Amate in, “Ko zawlta ka hi sih uhi; kote in Pasien mama ahi Pa khat beh ka nei uhi,” a ci uhi.

Nasepte 2:40

Tuale Peter in adang thu kiselna tampi tawh teci pangin, “Tami a gilo khang mite panin kihunkhie un,” ci-in amate a hanthawn hi.

Nasepte 7:51

“No a lungkhau, na lungsim ule na bil vua tep kitan lo mite aw, na pu na pate uh’ gamtat bang lienin na gamta vua, Hlagau Siengtho na langpang ngitnget uhi.

2 Corinth-te 11:3

Ahi vangin gulpi in a ngienku tawh Eve a na sol bangin Khris tungah a dih le a siengtho na kipumpiehna panun na ngaisutnate uh na pielsah khah ding uh ka lung a himaw hi.

Thupiakkikna 31:29

Azieh pen ka si nua ciengin nang siet gamtat valon ding vua, kang thupieh lampi panin na piel ding lam uh ka thei hi. Mailam hun ciengin Topa muna-ah siet gamtatin na khut utawh na bawlsate uh ziehin ama lungthahsah ding na hi ziehun na tung vuah gimna ang tung ding hi,” a ci hi.

Thupiakkikna 32:20

Ama in: Keima in a kung panun ka mai ka phuol ding a, a tawpna-ah amate bang ang suoh vuoi ka en ding h; bangzieh ahei cile amate pen a letat khang mite ahi vua, muon tah lo tate ahi uhi.

Thupiakkikna 4:16

lim khatpopo, pasal tawh kisun ahi a, numei tawh kisun ahi zongin,

Thupiakkikna 4:25

Note in tu le ta nei zo-in no le no khum gamah ngaimuongin na op zaw ciengun, na khatpopo tawh kisunin a kikhengtawm milim na bawlna ule, Topa na Pasien uh’ mitmu-in sil hoi lo na bawlna ziehun ama na lungthahsah uleh,

Thupiakkikna 9:24

Ama in note ang thei zaw a kipan Topa langpangin na ledo ngitnget uhi.

Philippi-te 2:15

tua hile lungsim kawi le a letat khang mite laizangah mukawh om lo, nuol bei le khielna a nei lo Pasien’ tate na suoh ding vua, leitungah aasi bangin na tang ding uhi.

Thukhente 2:19

Hizongle thukhente a si sielin amate nuatawn kia-in a pu a pate sangin a sie zaw-in a gamta vua, pasien dangte’ nua zui-in a mai vuah kunin a bie uhi. A gamtatnate uh ahi a, a lungkhauhnate uh ahi zongin a khie tuon sih uhi.