Thupiakkikna 3:24 - Zo Bible

²⁴ “Topa Pasien aw, na nasempa tungah na lietna le na hatnate ang lah pan na hi na bo hi; vantungah ahi a, leitungah ahi zongin tua bang nasepte le sil thupite nangma bawl banga a bawl thei bang pasien om ahei!

LAISIENGTHOU CL Bible (BSI)

²⁴ Aw Mangpa Pasian, na suohpa kungah na thupidan leh na khut thahat dan na musah pan ta hi; aziehpen Nang banga, tambang sil bawlthei leh hattah lei leh van ah pasien koi a um ei mah?

Zokam International Version

²⁴ Thuneipen TOPA aw, na nasempa tungah na liatna le na khut thahatna na laklak khin hi. Vantung ah ahi a leitungah ahi zongin nang hih bangin vangliatna a hih thei bang pasian om ahi hiam?

Thupiakkikna 3:24 ပူးပေါင်းရင်းမြစ်များ

2 Samuel 7:22

Tua ahi ziehin Topa Pasien aw, ka bil vua ka zahsa zosie uh bangin nang na lien hi; azieh pen nang bang koima om lo a, nang simlo Pasien dang om lo hi.

1 Kumpite 8:42

(azieh pen amate in a lien mama na min, na banhat, le na banzahnate a za ding uhi), tami biehinn lamah thu ang nget ciengin,

2 Khangthute 6:14

Ama in, “Israel Pasien, Topa aw, thuciemna zui-in a lungsim zosie utawh nangma’ thu ang mang na nasemte tungah itna kip a lah nang bang Pasien dang vantungah hile, leitungah hile a om sih hi.

Nehemiah 9:32

“Tua ahi ziehin tu-in a vanglien, a thahat le a giinhuoi, thuciemna le itna kip a tudet kohaw’ Pasien aw, nangma in Assyria kumpite huna kipan tuni dongin ka kumpite uh, ka uliente uh, ka siempute uh, ka kamsangte uh, ka pu ka pate ule na mi zosiete tunga ang tung gimna zosie ei zangkhai ngaisutpieh malmal sin.

Phatna-late 106:2

Topa’ nasepna lienpite koi in gen thei ding a, ama’ phatna zosie koi in pulah thei ding ahei?

Phatna-late 145:3

Topa lien hi, nahpitaha phat ding ahi hi; ama’ lietna pen kan zawh ding hi lo hi.

Phatna-late 145:6

A lien a lamdang na silbawlte kitangko ding a, keima in nangma’ lietna ka pulah ding hi.

Phatna-late 150:2

A vanglien ama’ sepnate ziehin ama phat un; tepi om lo a lietna tawh kituohin ama phat un!

Phatna-late 35:10

Ka gu ka tang teng zosie in, “Topa aw, nang tawh a kibang koi a om ahei? Nang in amate dinga a thahat mite kung panin mi thanemte na hunkhie a, nang in amate a bawlsie mite panin a thanem le a tasamte na hunkhie hi,” a ci ding uhi.

Phatna-late 71:19

le na dihna in van sangpite tung dong banto hi. Na lienpite a sem zo Pasien aw, nang tawh kibang koi om ahei?

Phatna-late 86:8

Topa aw, pasien-te lahah nang tawh a kibang koima om lo a, nangma’ sepsa tawh a kibang nasep khat zong om lo hi.

Phatna-late 89:6

Azieh pen vante lahah Topa tawh tekah thei ding koi om ahei? Van mite lahah Topa tawh kibang koi om a,

Phatna-late 89:8

Vanglien Topa Pasien aw, nang banga vanglien koi om ahei? Nangma’ citahna in nangma ang kimkot hi.

Paikhiatna 15:11

“Topa aw, pasien-te lahah nangma tawh kibang koi om ahei? Sienthona-ah a lien, thupina-ah a lipkhap huoi, na lamdangte a bawl, nangma tawh kibang koi om ahei?

Paikhiatna 8:10

Ama in, ”Zing cieng,” a ci hi. Moses in, “Topa kohaw’ Pasien tawh a kibang koima om lo hi, ci na thei nadingin na ci bang hi taheh!

Paikhiatna 9:14

Bangzieh ahei cile leitung buppi-ah keima tawh a kibang koima khat beh om lo hi, ci na thei nadingin keima in tami hunin nang, na uliente, le na mite tungah ka pul natna zosie kang tungsah ding hi.

Isaiah 40:18

Tua ahile note in Pasien koi tawh tekah ding a, ama tawh tekah dingin a kisutpi bang pen ahei?

Isaiah 40:25

Tua ahile kei koi tawh ei tekah ding na hi uh ahei? Ahi sihle ka kikimpi koi pen ahei? Siengtho Pa in ci hi.

Jeremiah 10:6

Topa aw, nang tawh a kibang koima a om sih hi; nang na lien a, na min vanglienin a thahat hi.

Daniel 3:29

Tua ahi ziehin keima in tam bang thupieh khat ka bawl hi: Koi mi, koi nam, koi hamin ham zongle Sharach, Meshach, le Abednego-te’ Pasien a gensie tapo a khut a keng ki-ehmal ding a, a innte uh kisusie ding hi; azieh pen tam banga mi hunkhie thei pasien dang om lo hi,” a ci hi.

Misimna 23:23

A tahtahin ci leih Jacob do nading bum a om sih a, Israel-te do nadingin aisanna a om sih hi; tu-in Israel le Jacob tungah, ‘Pasien in a bangci sep ahei mu un,’ kici ding hi.

Thupiakkikna 11:2

Note in na phaw ding vuah tuni-in na tate uh (na Topa Pasien uh’ khalna a thei nai lo ahi sihle a mu nai lo na tate uh hi loin), a vanglietna, a thahatna, le a kizah a banhat,

Thupiakkikna 3:23

Keima in khum hunin zong Topa kungah tam bangin ka thum hi:

Thupiakkikna 32:3

Bangzieh ahei cile Topa’ min ka tangko ding hi; eite’ Pasien tungah vanglietna pie un!