Thupiakkikna 29:9 - Zo Bible

⁹ Tua ahi ziehin na sepna uh bangkim ah na lamzan thei nadingun tami thuciemna kammalte limtahin zui un.

LAISIENGTHOU CL Bible (BSI)

⁹ Tuaziehin na silbawl zousie ua na lamzan theina dingun tam thuhun thute pom unlen zui un.

Zokam International Version

⁹ Note na hihna peuhpeuh uah na daupai nadingun hih thukhun kammalte limtakin zui un.

Thupiakkikna 29:9 ပူးပေါင်းရင်းမြစ်များ

1 Kumpite 2:3

Moses’ thukham sunga kigiel bangin Topa na Pasien’ thuhilnate kemcingin a lampite tawn inlen, a thukhamte, a thupiehte, a biehna ngainate, le a teci pannate zui siem in. Tua bangin bawl po lacin na sepna zosie le na kiheina zosie-ah na dau ang pei ding hi.

Thupiakkikna 4:6

Limtahin tuate zui un, azieh pen tami in mite tungah na pilna ule na thu khinkhai theina uh ang talang ding a, amate in tam thukham zosie a zah ciengun, “A tahtahin tam minam liente pen a pil le thu khinkhai thei mite hi bo vuoi!,” ang ci ding uhi.

Luke 11:28

Ahi vangin ama in, “Pasien’ thu za-a a zui mite hampha zaw uhi,” a ci hi.

Joshua 1:7

Tha hatin hang inlen, ka nasempa Moses ang pieh thukham zosie tawh kizui-in na gamtat ding limtahin ngaisun in; na peina popo-ah na lawcin thei nadingin zietlam ahi a, veilam ahi zongin piel sin.

Thupiakkikna 29:1

Tam teng pen Topa in amate tawh Horeb ah a na bawlsa a thuciemna banah Israel-te tawh Moab ah thuciemna a bawl nadinga Moses a thupieh thuciemna kammalte ahi hi.

Jeremiah 50:5

Amate in Zion lam nga-in tua khuopi zotna lampi a dong ding vua, a kimangngil ngai nawn lo ding tawntung thuciemna tawh Topa kung zuonin ang kipawl ding uhi.

Phatna-late 25:10

Ama’ thuciemna le a thupiehte a zuite adingin, Topa’ lampi zosie pen itna kip le citahna ahi hi.

Thupiakkikna 29:10

Topa na Pasien un tuni-a note tawh a bawl ahi Topa na Pasien uh’ thuciemna sungah na lut thei nadingun, tuni-in ama in ama’ mi dinga ang kipsah thei nading, le na tung vuah ang ciemna le na pu na pate uh Abraham, Isaac, le Jacob tungah a kiciemna bangin na Pasien uh ahi thei nadingin na minam lutangte uh, na upate uh, na uliente uh, Israel pasal zosie, na tate uh, na zite uh, na giephuol sung vua om pemtate, na sing uh ang tompieh, na tui uh ang tawipiehte a kipan note zosie tuni-in Topa na Pasien uh’ mai-ah na ding uhi.

Joshua 1:8

Na kam le tami thukham laibu na kilawisah sih ding hi; tua sunga kigiel teng zosie tawh kizui-in limtaha na gamtat thei nadingin sun le zanin na lung ngaingai ding hi. Tua hile na ma vang ding a, na lawcing ding hi.

2 Khangthute 31:21

Ama in Topa’ biehinn nasepna zosie le thukham le thupiehnate tawh kizui-in a sepna-ah ama’ Pasien sui-in, a lungsim zosie tawh a sem hi; tuale a maa a vang hi.

Thupiakkikna 5:3

Topa in i pu i pate tawh tam thuciemna a bawl hi loin tuni-a a hinglai eite zosie tawh zong a bawl ahi hi.

Thupiakkikna 31:12

Amate in za-in Topa na Pasien uh zatah a, tami thukham sunga kammal zosie limtahin a zui thei nadingun nupi, papi, naupangte le na khuo sung vua a teng pemtate khawm in.

Joshua 8:35

Joshua in Moses’ thupieh kammal zosie Israel mi honpi zosie, numeite, nausente le amate lahah a teng pemtate zosie mai-ah a sim lo khat zong om lo hi.

Joshua 24:1

Tua ciengin Joshua in Shechem-ah Israel minam zosie a kaikhawm a, a upate, a makaite, a thukhente, le a vaihawmte hlan hi; tuale Pasien mai-ah amate ciet a kipulah uhi.

2 Khangthute 20:13

Tua laitahin Topa mai-ah Judah zosie a zite, a tasente, le a naupangte utawh a ding uhi.