Thupiakkikna 17:16 - Zo Bible

¹⁶ Tua nangawn zong ama’ aituomin sakol tampi nei thei lo ding hi. Topa in na kung vuah, “Khum lampi-ah na kilekia ngai sih ding uhi,” ang cisa ahi ziehin, ama in sakol lei be dingin Egypt gamah mite a peisahkia sih ding hi.

LAISIENGTHOU CL Bible (BSI)

¹⁶ Hinanleh aman sakol tampi nei atup ding ahi sih a, sakol tampi anei theina ding in mite Izipt gam a anua sawlkia ding zong ahi sih hi; Mangpa’n lah Tubansie khum gamah na kinuale kia nawn sih ding uhi, chiin na kung uah ana genta ngal a.

Zokam International Version

¹⁶ Tua banah kumpipa in ama aituamin sakol tampitak a nei thei kei ding hi, tua bang hileh TOPA in, "Tua lampi tawnin na kileh kik nawn kei ding uh hi," ci khin ahi manin sakol leithuah dingin Egypt ah mite a kilehsak kik kha ding hi.

Thupiakkikna 17:16 ပူးပေါင်းရင်းမြစ်များ

2 Samuel 8:4

David in sakol galkap tulkhat le zasagi le lei galkap tul sawmni man hi. David in leengkai sakol zosie a kapzahui vatsan a, hinanle leeng zakhat adingin a kicing a hen hi.

1 Kumpite 1:5

Tu-in Haggith’ tapa Adonijah ama le ama kitawi sangin, “Kei kumpi ka hi ding hi,” a ci hi; ama in ama adingin sakol leengte le sakol tung tuongte, le a mai-a tai ding mi sawmnga kithawisah hi.

1 Kumpite 4:26

Solomon in a sakol leengte dingin buh a nei ciet sakol tul sawmli le sakol tunga tuong mi tul sawm le tulni zong nei hi.

1 Kumpite 5:6

Tua ahi ziehin keima adingin Lebanon taamtah singte a kiphua thei nading thupie in. Keima’ nasemte le nangma’ nasemte in a semton ding vua, na nasemte dinga na se zaza thaman nang tungah kang pie ding hi; azieh pen ko kungah Sidon-te banga sing sui siem khat beh a op lo lam na thei hi,” a ci hi.

2 Khangthute 1:16

Solomon sakolte zong Egypt gam le Kue gam pana kila ahi hi; kumpipa’ sumbawlte in a man ding pie-in Kue panin tuate a nga uhi.

2 Khangthute 9:25

Solomon in sakolte le leengte koina buh tulli, le sakol tul sawm le tulni nei a, tuate leeng khuopite sungah koi a, Jerusalem khuo-a ama kungah zong koi hi.

Phatna-late 20:7

Mi pawlkhat in lengte kisahtheipi-in, pawlkhat in sakolte a kisahtheipi vua, hinanle eite’ kisahtheipi pen ahile Topa i Pasien uh’ min ahi bo hi.

Paikhiatna 13:17

Pharaoh in mite a peisah ciengin Philistia gam lam naizaw tamaleh, Pasien in tua lamah amate peipi lo hi; azieh pen Pasien in, ‘Mite in gal le sa tuoh uleh a lungsim uh kikhelin Egypt gamah kinuale thei kha ding uhi,” ci-in ngaisun hi.

Paikhiatna 13:18

Tuaci’n Pasien in San Tuipi lam manaw-in senel gam lamah mite a kuol peipi hi. Israel-te gal do dinga a kithawisa-in Egypt gam panin a peito uhi.

Paikhiatna 14:13

Ahi vangin Moses in mite kungah, “Zau sih unlen ding kip un. Tuale en un, tuni-in Topa in note dinga ang sep ding a hutkhietna mu un; azieh pen tuni-a na mu uh Egypt-te na mukia ngai nawn sih ding uhi.

Isaiah 2:7

A gam uh ngun le kham tawh kidim a, amau’ goute in tawp hun ci nei lo hi; a gam uh sakol tawh kidim a, a lengte un zong tawp hun nei lo hi.

Jeremiah 42:19

Judah a omlai teng aw, Topa in note kungah, Egypt gamah pei sih un, ci-in ang gen zo hi. Tuni-a na tung vua kang hil thute teltahin kithei ta un.

Ezekiel 17:15

Ahi vangin amate in sakolte le galkap tampite a pieh thei nadingin Egypt gamah palai sawlin ama a ledo hi. Ama a lawcing diei mah? Tua banga a sem mi pa a suohta zo diei mah? Thuciemna palsat napi suohta veve ding amah?

Hosea 11:5

Egypt gamah amate a kilekia ding vua, Assyria-te pen amau’ kumpi hi ding hi. Bangzieh ahei cile ka kungah amate ang kilekia nuom sih uhi.

Hosea 14:3

Assyria in ei hundam lo ding hi; sakolte tungah ka tuong sih ding uhi; ka khut utawh ka bawlsate uh kungah, ‘Kote’ Pasien,’ ka ci nawn sih ding uhi. Nangma sungah tagate in hepina a mu uhi,” ci un.

Micah 5:10

Topa in a cina ah, khum ni ciengin na kung panin na sakolte sumaimangin, na sakol leengte ka susie ding hi;

Thupiakkikna 28:68

Na mukia nawn sih ding uhi, ci-a kang kamciemsa lampi ahi Egypt gamah Topa in tembaw tawh ang peipikia ding hi; tua sunga na galte kung vuah sila numei le sila pasal dingin na kizua ding vua, ahi vangin koima in ang lei sih ding uhi.

1 Samuel 8:11

Ama in, “Note tunga ang uh ding kumpipa’ gamtatzie ding teng tam bang ahi hi: Ama in na tapate uh la-in leengte-ah nasemin a sakol nasem ding, a leengte mai-ah a tai dingin se ding hi;