Thupiakkikna 13:6 - Zo Bible

^6-7 Na sanggampa, na pa’ tapa, ahi sihlna nu’ tapa, ahi sihle nangma’ tapa, ahi sihle nangma’ tanu, ahi sihle na kawilai na zi, ahi sihle na it pen na guolpa nangawn in ang dapzawl a, nangma le na pu na pate un a thei ngai lo uh pasiente, na kim na pam uh a nai a gamla, leimong khat pan mong khat a om mite in a bieh pasien dangte khatpo, “Va pei-in va bie ta vai,” ang ci leh,

LAISIENGTHOU CL Bible (BSI)

⁶ “Na sanggampa, na nu tapa ahiei, na tapa ahiei, na tanu ahiei, na pom lai na zi ahiei, na lawm nangma hinna banga na ngaivawt ahiei nangawn in zong, simthama ahing solbawl ua, kisa vaiin, nangleh napu leh paten zong athei ngailou, pasien dangte na sem vai chia aguh a ahing zawl u’leh;

Zokam International Version

⁶ Na sanggampa tektek, na tanu na tapa tektek, na it na zi tektek le na kithuahpih na lawmpa tektek in hong zolsimin, "Va pai-in pasian dangte va bia ni," (nang na hi-a, na pate ahi zongin a theih ngei loh pasiante,

Thupiakkikna 13:6 ပူးပေါင်းရင်းမြစ်များ

Piancilna 16:5

Tua ciengin Sarai in Abram kungah, “Kei tunga a manlo-a ei kibawlna pen nang tungah tung taheh! Na kawi dingin ka sila numei kang pie a, ama in a gai lam a kithei bepin kei ei simmaw bawl hi. Topa in nang le kei kikalah thu khen taheh!” a ci hi.

2 Samuel 1:26

Nang ziehin ka lung a kham hi, sanggam Jonathan aw; nei itna a gol sengin, nei itna lamdang a, numei’ itna sangin lienzaw hi.

1 Kumpite 18:40

Elijah in amate kungah, “Baal’ kamsangte man un; khat zong suotasah sih un,” a ci hi. Tua ciengin amate in a man uhi; tuale Elijah in Kishon Lui-ah zawpisuhin tua munah amate that sieng hi.

2 Kumpite 11:18

Tua ciengin Baal biehinn sungah gam mi zosie pei-in a biehinn a phelmang uhi; amate in a maitamte le a milimte sukehin tua maitamte mai-ah Baal siempu Mattan a that uhi. Siempu pa in Topa’ biehinnah a cingte a koi hi.

2 Khangthute 15:13

Israel Pasien, Topa a sui lo poma, a khang hile, a teh hile, pasal hile, numei hile kithat ding hi.

2 Khangthute 23:17

Tua ciengin Baal’ inn sungah mi zosie lutin a inn a phelpieh uhi; ama’ maitamte le a milimte satcimin tua maitamte mai-ah Baal siempu Mattan a that uhi.

Job 31:27

ka lungsim ei dap zol ahi ta a, ka kam in ka khut ei daptawp ta hi.

Paikhiatna 13:3

Moses in mite kungah, “Na sal tanna Egypt gam panin na pei ni uh ahi tami ni phawh un, azieh pen Topa in a thahat khut tawh khum mun panin note ang peipi hi; tol kisaw anlum kine lo ding hi.

Paikhiatna 32:27

Tuale ama in a kung vuah, “Topa, Israel-te’ Pasien in, ‘No a koimapo in na pang vuah namsau kikuo ciet un! Giephuol cin tengah tunkot khat pan tunkot khatah kile kawikawi unlen, a koimapo in na sanggampa, na guolpa, le na vengpa that ciet un,’ ci hi,” a ci hi.

Paunakte 18:24

Lawm hoi kipang kimkhat om a, hinanle lawm hoi tahtah pen sanggamte sangin hoizaw hi.

Paunakte 5:20

Ka ta aw, bang dinga numei dang khat na lunggul a, angkawm numei khat’ kanglum na va kawi tah ahei?

Jeremiah 28:15

Kamsang Jeremiah in kamsang Hananiah kungah, “Ngai vawi, Hananiah, Topa in nang ang sawl lopi, tam mite zuouthu na umsah hi.

Jeremiah 28:16

Tua ahi ziehin Topa in tam bangin ci hi: Keima in lei maitang panin kang hemmang ding hi. Nang in Topa langpanna thu na gen zo tah ziehin kum ni sungin na si ding hi,” a ci hi.

Jeremiah 44:3

azieh pen amate in ahi a, note in na hi vua, na pu na pate un ahi zongin a thei ngai lo uh pasien-te’ na semin a kung vuah biehnate tawi-in gitlona a bawl ziehun keima ei thangpaisah uhi.

Zechariah 13:3

Kamsang khat po ang pienkia leh a pienna a nu le a pa in amate kungah, “Topa’ minin zuouthu gen na hi ziehin na hing sih ding hi,” ci ding uhi; tuale amate in mailam thu a gen ciengun a pienna a nu le a pa in amate dawtlia ding uhi.

2 Corinth-te 5:16

Tua ahi ziehin tu-a kipanin kote in mihing mudan tawh koima ka mu nawn sih uhi; hun khat lai-in mihing mudan tawh Khris ka na thei ngai vangun, tua bang danin ama ka thei nawn sih uhi.

Galatia-te 2:4

Ahi vangin amate in sila ei suosah thei nadingun kote in Khris Jesu sunga ka nei uh suotahna thu a kandap dingin a zuou thei thu umte ang daplut zieha tua banga kibawl ahi hi.

Ephesa-te 4:14

Eite i hi ule mihingte’ ngiensiemna le a pilkhel a zuouthu gelna uh ahi thuhilna hui namcin in ei mutna zieha a hawisuh a hawito kawikawi naupangte i hi nawn sih uhi.

Thupiakkikna 11:32

tuni-a na mai vua kang koipieh thukhamte le ngaina kipte zosie limtaha na zui ding uh ahi hi.

Thupiakkikna 13:2

a gen uh tua theisahna limte le hilkholna limte ang tangtun a, tuale amate in, “Adang pasien-te zui-in (na thei ngai lo uh pasien-te) tuate bie vai,” ang ci uleh,

Thupiakkikna 17:12

Topa na Pasien uh’ kungah a na sem dinga kikoi ahi siempu pa’ thu ahi a, thukhenpa’ thu ahi zongin mang loin a valkai-a a gamta mi poma kithat ding hi. Tuaci’n Israel-te sung panin sietna na hemkhie ding uhi.

Thupiakkikna 18:20

Hizongle kamsang khat in kei thupieh lopi-in ka min tawh thu a gen ngam a, ahi sihle pasien dangte’ min tawh thu a gen leh, tua kamsangpa si ding hi,” ei ci hi.

Thupiakkikna 19:19

adang khat tungah ama in bawl dinga a sawm bang lienin ama tungah na bawl ding uhi. Tuaci’n note sung panin sietna na hemkhie ding uhi.

Thupiakkikna 21:21

Tua ciengin khuo pasal zosie in suong tawh ama seplia ding uhi. Tuaci’n na laizang vuah sietna na hemkhie ding uhi; tuale Israel-te zosie in za-in zau ding uhi.

Thupiakkikna 22:21

amate in a pa’ kotbieng ah tua ngahnu nu peipi-in khuopi pasalte in suong tawh seplia ding uhi. Bangzieh ahei cile ama in a pa’ inn sungah pahtatna tawh Israel-te lahah maizumna a tun hi. Tua bangin note sung panin sietna na hemkhie ding uhi.

Thupiakkikna 24:7

Mi khat in Israel midang khat a guhdap a, sila bangin a bawl ahi a, a zua ahi zongin a kimat leh tua guta pa kithat ding hi. Tuaci’n note lah panin sietna na hemkhie ding uhi.

Thupiakkikna 28:54

Note lahah mi pien hoi le a kimipisah penpen pa in zong a sanggam, a kawilai a it a zi, a si nukhia pen a tate nangawn zong an a pie nuom sih ding hi.

Thupiakkikna 29:18

Note lahah numei ahi a, pasal ahi a, innkuon ahi a, minam khat ahi zongin tua minamte’ pasien-te bie dingin Topa i Pasien kung panin a lungsim kihei om kha thei ding hi. Note lahah a gunei singhui khat huihla-in a ga khalawng khat ang ga kha thei ding hi.

Thupiakkikna 8:14

no le no kiliensah pai sih unlen, saltanna Egypt gam pana ang peipi Topa na Pasien mangngilh sih un.

Colosse-te 2:4

Thu hoi lim a sut mawh vangin thuman lote tawh koima in note ang sol zo lo nadinga tami thu kang gen ahi hi.

Joshua 7:13

Mite na siensuo khu zom inlen, ‘Zing cieng adingin no le no kisiensuo ciet un; azieh pen Topa, Israel Pasien in, ‘Israel-te aw, na lah vuah a ki-ap vante om hi; note lah panin a ki-ap vante na lah masangsie-un na galte uh mai-ah na ding zo sih ding uhi,” a ci hi.

2 Peter 2:1

Hizongle mite lahah kamsang zuoute a na op bang tehtehin note lahah zong sie zuoute ang om ding a, amate in sietna a piengsah thei ngaisutnate ang dap lutpi ding uhi. Amate a lei pa ahi a pupa nangawn a niel ding vua, amate mama in thakhatin sietna a thuohlaw ding uhi.

Kilaakna 12:9

A gol mama gulhiempi, dawimangpa le Satan a kici leitung buppi a sol pa, tanglai gulpi lei ah kikhiesuh hi, ama pen a vantungmite tawh kikhiesuh hi.

Kilaakna 13:14

Ama in amasa gamsa tanga a kibawlsah lim lamdangte tawh leitunga a tengte sol a, namsau tawh a liemsa hi napi a hingkia ahi gamsa’ lim khat a bawl nadingun amate thu a pie hi;

Kilaakna 20:3

kuohawmpi sungah sepsuhin kum tulkhat a tawp masangsie minamte a sol nawn lo nadingin tawh kilin ama tungah a ciemte hi. Tua zaw ciengin bakhat sung ama kihla ding hi.

Thukhente 10:6

Topa muna-ah Israel-te a siet gamtatkia vua, Aram-te’ pasien-te, Sidon-te’ pasien-te, Moab-te’ pasien-te, Ammon-te’ pasien-te, le Philistia-te’ pasien-te ahi Baal-te le Astaroth-te a bie uhi. Amate in tua bangin Topa nuasie-in ama a bie sih uhi.

Thukhente 2:13

Amate in Topa nuasie-in Baal le Astartes pasien-te a bie uhi.

Thukhente 20:13

Tua ziehin kote in tu-in amate thatin Israel sung pan sietna ka hepkhiet thei nadingun Gibeah-a mi ginalote ei pie un,” a ci uhi. Ahi vangin Benjamin-te in a unau Israel-te’ thu gen a ngai sih uhi.

Thukhente 5:8

A tha pasien-te a kiteel ciengin, tunkotah gal a om hi. Israel tul sawmlite lahah lum le tei a kimu amah?

1 Samuel 18:1

David in Saul a hopi zaw-in Jonathan’ lungsim le David’ lungsim kikhiton a, Jonathan in ama’ pumpi za-in ama a it hi.

1 Samuel 18:3

Tua ciengin Jonathan in a pumpi za-in David a it ziehin ama tawh thuciemna khat a bawl hi.

1 Samuel 20:17

Jonathan in zong ama a itna David tungah kiciempha kia hi; azieh pen ama’ pumpi a it za-in ama a it hi.