Thupiakkikna 13:13 - Zo Bible

¹³ mi ginalo pawlkhat note lah panin peikhie dawhin, “Va pei-in na thei ngai nai lo uh pasien dangte va bie ta vai,” ci-in khuopi sunga a tengte a puikhiel lam na zah uleh,

LAISIENGTHOU CL Bible (BSI)

¹³ Khum khopi a mite, na thei ngailou uh pasien dangte be dingin apuimang chi na thei u’leh;

Zokam International Version

¹³ note lakah tua bang migilo khangin amau khuapi sungah mite lam khialh nadingin, "Eite pai-in pasian dangte va bia ni," (na theih ngei loh uh pasiante) ci-a a makaih khialh lam na zak uh leh

Thupiakkikna 13:13 ပူးပေါင်းရင်းမြစ်များ

1 John 2:19

Amate pen ei kung pana a peikhie ahi uhi, ahi vangin amate ei pawl ahi sih uhi; ei pawl hi uleh ei tawh ang omton peisuoh ding uhi. Ahi vangin a peikhietna panun amate khat mama zong ei pawl ahi lo lam ei theiciensah hi.

Thupiakkikna 13:2

a gen uh tua theisahna limte le hilkholna limte ang tangtun a, tuale amate in, “Adang pasien-te zui-in (na thei ngai lo uh pasien-te) tuate bie vai,” ang ci uleh,

Jude 1:19

Tua bang mite pen hlagau nei lo, kikhenna a piengsah a tahsa tai mite ahi uhi.

2 Corinth-te 6:15

Khris in Beliar tawh bang thukimna nei ahei? Ahi sihle thu um mi khat in thu um lo mi khat tawh bang neiton ahei?

John 8:44

No pen na pa uh dawimangpa kung pana ang pei na hi vua, na pa uh’ deina banga bawl ding na teel uhi. Ama pen a cil a patin mithat pa ahi a, ama sungah thuman thutah a op lo ziehin thuman thutah a tukip sih hi. Ama in zuouthu a gen ciengin ama’ pienzie tawh kituohin a gen hi, bangzieh ahei cile ama zuou gen pa le mizuou theite’ pa ahi hi.

1 Kumpite 21:13

Mi ginalo ni pei-in ama tawh kigalsai-in a to uhi; tuale mipite mai-ah mi ginalote in ama’ mawna a sui vua, “Naboth in Pasien le kumpipa samsie hi,” a ci uhi. Tuaci’n amate in khuopi pulamah ama kaiphitin suong tawh a seplia uhi.

1 Kumpite 21:10

ama tawh kimaingatin mi ginalo ni koi-in ama langpangin a mawna suisah unlen, ‘Nang in Pasien le kumpipa na samsie hi,’ cisah un.

2 Samuel 20:1

Tu-in Benjamin mi, Bichri’ tapa Sheba a kici mi ginalo khat khum sungah na om kha hi. Ama in pengkul mutin, “David sungah tanh i nei sih a, Jessi’ tapa sungah gamh i nei sih hi! Israel aw, mi zosie na puonbuh vuah pei un!” ci-in a kiko hi.

2 Samuel 16:7

Shimei in a samsiet kawmin, “Peimang! Peimang! Tuol thatpa! Mi ginalo Pa!

1 Samuel 25:17

Tua ahi ziehin tu-in tam thu thei inlen, na bawl ding kingaituo in; azieh pen ama khansie-in koima’n hopi thei lo ahi ziehin ka pu ule a innkuon zosie tungah sietna tunsah ding kingaituo zo ta hi,” a ci hi.

1 Samuel 2:12

Tu-in Eli’ tapate pen mi ginalote ahi uhi; amate in Topa ahi a,

Thukhente 20:13

Tua ziehin kote in tu-in amate thatin Israel sung pan sietna ka hepkhiet thei nadingun Gibeah-a mi ginalote ei pie un,” a ci uhi. Ahi vangin Benjamin-te in a unau Israel-te’ thu gen a ngai sih uhi.

Thukhente 19:22

Amate a kiguolnop suo laitahun-khuopi sunga mi tatsie honkhat in tua inn a kui-im vua, a kotkhah a tum gawp uhi. Innteh puvuoi pa kungah, “Na inn sunga ang lut mipa ka luppi thei nadingun hing pusuohsah in,” a ci uhi.

Thupiakkikna 13:6

Na sanggampa, na pa’ tapa, ahi sihlna nu’ tapa, ahi sihle nangma’ tapa, ahi sihle nangma’ tanu, ahi sihle na kawilai na zi, ahi sihle na it pen na guolpa nangawn in ang dapzawl a, nangma le na pu na pate un a thei ngai lo uh pasiente, na kim na pam uh a nai a gamla, leimong khat pan mong khat a om mite in a bieh pasien dangte khatpo, “Va pei-in va bie ta vai,” ang ci leh,

1 John 3:10

Tam bang danin Pasien’ tate le dawimangpa’ tate a kilang hi: A dihin gamta loin a sanggamte a it lo zosie pen Pasien kung pana ang pei ahi sih hi.

2 Khangthute 13:7

tuale Rehoboam pen khangno lai a, thukhentat thei nai loin amate a nan zo lo hun laitahin, a kimvelah kimanna a nei lo mi ginalo honkhat kikhawmin Solomon’ tapa Rehoboam a dem bawl uhi.

2 Kumpite 17:21

Ama in David innkuon panin Israel a khenkhiet zaw ciengin amate in Nebat’ tapa Jeroboam kumpi-in a koi uhi. Jeroboam in Topa a zuina panin Israel notmangin mawna lienpi a bawlsah hi.

2 Samuel 23:6

Ahi vangin Pasien thei lote ahi uleh a kipaimang ling kungte tawh kibang hi; bangzieh ahei cile khut guoh tawh amate kitham thei lo hi;

1 Samuel 25:25

Ka pu in tam mi khansie Nabal thupi ngaisut malmal sin; azieh pen a min banga ama a gamta ahi lel bo hi; a min Nabal ahi a, ama mimaw ahi bo hi; ahi vangin ka pu in nang sawl tangvalte keima na nasemnu in ka na mukha sih hi.

1 Samuel 10:27

Hizongle kimanna a nei lo mi pawlkhat in, “Tam pa in ei bangci hut zo ding ahei?” a ci uhi. Amate in ama a simmaw vua, ama kungah letsong a tawi sih uhi. Hinanle ama a sip dide hi. Tu-in ahile Ammon-te’ kumpipa Nahash in Gad-te le Reuben-te nasie tahin a bawlsie hi. Ama in a zietlam mit ciet uh kheipieh a, Israel hun ding mi pie lo hi. Ammon-te’ kumpipa Nahash in Israel-te a zietlam mit a kheipieh lo Jordan kuom tengah koima a om sih hi. Ahi vangin Ammon-te’ kung panin pasal tul sagi a suohta vua, Jabesh-gilead ah a lut uhi.

Thupiakkikna 4:19

Van lamah dahto-in Topa na Pasien un muncin tengah vannuoi mite dinga a piehsa ni, hla le aasite, le vantung na zosie na etto ciengun tua nate lamah kihei-in a mai vuah kunin, amau’ na na sep khah lo nadingun kidawm un.

Thupiakkikna 13:12

Topa na Pasien un tenna dinga ang pieh khuopi khat popo-ah,

Thupiakkikna 13:14

a thu na kan ding vua, limtahin sittelna na nei ding uhi. Note lahah tua bang a kidahhuoi na a kisem tahpi ahile,

Thupiakkikna 17:4

na kung vuah tuate ang kigenin a thu na zah uleh limtahin na kantel ding vua, Israel-te sungah tua bang kidahhuoi nate a pieng tahpi ma ahile,