Thupiakkikna 12:5 - Zo Bible

⁵ Topa na Pasien un na minam zosie uh sung panin ama’ min koi nadingin teelin ama op nadinga a bawlna mun na suizaw ding uhi. Khum munah na pei ding vua,

LAISIENGTHOU CL Bible (BSI)

⁵ Hinanleh Mangpa na Pasian un, na nam zousie lah ua amin umna dinga aguot min na sui zaw ding ua khunah na peizawding uhi.

Zokam International Version

⁵ Ahi hangin TOPA note Pasian in na beh khempeuh uh lakah ama Min koihin a ten nadingin a teelna mun na zong ding uh hi. Tua munah pel loin na pai ding uh a;

Thupiakkikna 12:5 ပူးပေါင်းရင်းမြစ်များ

1 Kumpite 12:27

Jerusalem-a Topa’ biehinn-ah biehpiehna pie dingin tam mite kuonto den uleh a pupa uh Kumpi Rehoboam lamah a lungsim uh kiheikia ding hi; amate in kei ei thatin Judah Kumpi Rehoboam kungah a kilekia ding uhi,” a ci hi.

1 Kumpite 14:21

Tu-in Solomon’ tapa Rehoboam in Judah uh hi. Gam a uh patin Rehoboam kum sawmli le khat pha a, ama’ min koi nadinga Topa in Israel minam zosie sung pana a teel khuopi Jerusalem-ah kum sawm le sagi sung uh hi. A nu’ min Naamah ahi a, Ammon-te ahi hi.

1 Kumpite 8:16

‘Egypt pan ka mi Israel-te ka peipi ni-a patin khum munah ka min a op zing nadingin Israel minamte lahah biehinn khat lam nading khuopi khat zong ka teel sih hi; hinanle ka mi Israel-te a uh dingin David ka teel hi,’ a ci hi.

1 Kumpite 8:20

Tu-in Topa in a bawlsa a thuciemna a tudet hi; azieh pen ka pa David tangin kei ka khang hi; Topa ciemsa bangin Israel kumpi topha tungah to-in Israel Pasien, Topa’ min dingin biehinn ka lam zo hi.

1 Kumpite 8:27

“Hinanle Pasien leitungah a teng tahtah diei mah? Vantung le vantung a sangpen nangawn in nang hing dawl lo ahile keima lamsa tami biehinn in bangza-in nang hing dawl lo zaw kan lai ding ahei!

1 Kumpite 8:29

‘Khum sungah ka min a om ding hi,’ na cina mun biehinn lam sun le zanin en zing inlen, tam muna keima na nasempa thungetnate ei za in.

2 Kumpite 18:22

Ahi vangin note in keima kungah, ‘Topa ka Pasien ka suong uhi,’ na ci uleh Hezekiah in a munsangte le a maitamte hepkhiet piehin Judah le Jerusalem kungah, “Jerusalem-a tami maitam mai-ah na bie ding uhi,” a ci pa pen ama hi lo amah?

1 Khangthute 22:1

Tua ciengin David in, “Tam munah Topa Pasien’ biehinn om ding a, tam munah Israel mite’ meihal biehna maitam om ding hi,” a ci hi.

2 Khangthute 7:12

Tua ciengin zan lai-in Solomon kungah Topa kilah a, ama kungah, “Na thungetna ka za zo ta a, keima’ biehpiehna inn dingin tami mun ka teel zo hi.

Ezra 3:2

tua ciengin Jozadak’ tapa Jeshua le a siempu seppite, Shealtiel’ tapa Zerubbabel le a sanggamte kipanin Pasien’ mi Moses’ thukham sunga a kigiel bangin meihal biehna dingin Israel Pasien’ maitam a bawl uhi.

Ezra 6:12

Tami ka thupieh a khel nuom, ahi sihle Jerusalem-a Pasien’ biehinn a susie nuom kumpi khatpo ahi a, mi khatpo ahi zongin a op leh, ama’ min om na dinga tua mun a bawl Pasien in tua mipa thalpai taheh. Keima Darius in thukip kang pie hi; tua khu kukaltaha sep ding ahi hi,” a ci hi.

Ezra 7:17

Tua ciengin tami sum tawh pilvang tahin bawngtangte, tuutangte, tuunote, an tawh a biehnate ule dawnthei a biehnate na lei ding vua, Jerusalem-a na Pasien uh’ biehinn sunga maitam tungah tuate na pie ding uhi.

Nehemiah 1:9

hizongle ka kunga nang kilekia vua, ka thupiehnate na zui uleh, a gamla pen leimong dongah nawdawhin om nan locin, keima in khum panin kang kaikhawmkia ding a, ka min om nadinga ka teelsa munah note kang zawpi ding hi,’ ci-a na thugen hing phawhkia bo in.

Phatna-late 78:68

Hizongle ama in a it Zion Muol, Judah minamte a teel hi.

Paikhiatna 15:2

Topa khu ka zaitha le ka thahatna ahi a, ama ka hutdamna a suoh zo hi. Ama ka Pasien ahi a, ama ka phat ding hi. Keima in ka pa’ Pasien phatin ama ka liensah ding hi.

Paikhiatna 20:24

Keima dingin lei maitam khat beh na bawl uh a ngai a, tuami tungah na meihal biehnate ule thunuoma na biehnate uh ahi na tuute ule na bawngtangte utawh biehpiehna pie un; ka min ka kiphawsahna muncin tenga na kung vuah keima hing pei-in thupha kang pie ding hi.

Paikhiatna 25:22

Hepina topha tung, thuciemna singkuong tunga om Cherub nite kikal panin nang kang kimupi ding a, khumi munah Israel-te adinga ka thupiehte zosie a unpi-in nangma tungah kang pie ding hi.

Jeremiah 26:2

Topa in tam bangin ci hi: Topa’ biehinn huong sungah va ding ta’nlen Topa’ biehinn sungah a bie dinga ang pei Judah khuopite zosie va hopi in; gen dinga kang sawl zosie amate tungah gen in; kam khat zong hen nei sin.

Jeremiah 7:12

Tu-in a cila ka min ka tensahna Shiloh-a keima’ munah va pei ta unlen, ka mi Israel-te gitlona zieha ka silbawl va en ta un.

Jeremiah 7:14

ka mina a kilo, na muon uh tami biehinn le note tung le na pu na pate uh tunga kang pieh tami mun khu Shiloh-a ka bawl bangin ka bawl ding hi.

Siampi Laibu 17:4

Topa’ biehbuh mai-a Topa kungah biehna khat ahi dingin kikhopna puonbuh lutna-ah tuate a peipi sih leh, ama in tua sisan a luongsah khielna a lukhuh ding hi; ama in si luongsah zo ahi ziehin a mite lah panin ama kihemkhie ding hi.

Misimna 7:89

Kikhopna buh sungah Topa tawh kiho dingin Moses a lut ciengin cherub ni gel kikal thuciemna singkuong tunga om hepina topha tung panin ama a hopi awging a za hi; tua bang awging in Moses a hopi hi.

Thupiakkikna 12:11

Topa na Pasien un ama’ min ten nadinga a teelna munah kang thupieh zosie na peipi ding uhi: Tua teng pen na meihal biehnate ule na biehpiehnate uh, na sawm-ah-khatte ule na silpiehte uh, Topa tunga na kamciemsa uh ahi na deituom uh letsong zosie ahi hi.

Thupiakkikna 12:13

Na tuona mun po vuah na meihal biehnate na pieh lo nadingun kidawm un.

Thupiakkikna 12:18

Topa na Pasien un a teel nading mun, na Topa Pasien uh mai-ah, note le na tanu na tapate uh, na sila pasalte, na sila numeite, le na khuopi sung vua a teng Levi-te in na ne ding vua, na sepna zosie vuah Topa na Pasien uh mai-ah na kipah ding uhi.

Thupiakkikna 12:4

Tua bang dan tawh Topa na Pasien uh na bie sih ding uhi.

Thupiakkikna 14:23

Topa na Pasien uh na zatah zing thei nadingun, ama’ min ten nadinga a teelna mun Topa na Pasien uh’ mai-ah na an uh, na lenggazu uh, na sathau uh sawm-ah-khat le na bawnghonte ule na tuuhon tacilte uh na ne ding uhi.

Thupiakkikna 14:24

Hizongle Topa na Pasien un thupha ang pieh ciengin, na Topa Pasien un a min koi nadinga a teel mun khu na kung panun a gamlat seng ziehin sawm-ah-khat na puoh zawh sih uleh,

Thupiakkikna 15:20

Topa in a teelna munah a kum kumin Topa na Pasien uh mai-ah na innkuonpite utawh na ne ding uhi.

Thupiakkikna 16:11

Topa na Pasien uh mai, ama’ min om nadinga Topa na Pasien un a teel ding munah, noma le na tapate, na tanute, na sila pasalte, na sila numeite, na khuopite sunga om Levi-te, note lahah a om gamdang mite, pa nei lote, le meigong numeite tawh na lungdam ton ding uhi.

Thupiakkikna 16:15

Topa in a teel nading munah Topa na Pasien vua dingin ni sagi sung pawi na bawl ding uhi. Azieh pen Topa na Pasien un na hlawsa ule na sepna zosie vuah thupha hing pie ding ahi ziehin pawi na bawl hamtang ding uhi.

Thupiakkikna 16:2

Topa in ama’ min ten nadinga a teel ding munah tuuhon pan ahi a, bawnghon pan ahi zongin Topa na Pasien vua dingin peisan pawi biehpiehna na pie ding uhi.

Thupiakkikna 16:6

Topa na Pasien un ama’ min a ten nadinga a teelna mun behah nitum zaw nitah, Egypt gam pana na peikhiet uh hunin peisan pawi biehpiehna na lui ding uhi.

Thupiakkikna 16:7

Topa na Pasien un a teel ding munah huonin na ne ding uhi; zingmawng ciengin na puonbuh vuah na peikia thei ding uhi.

Thupiakkikna 17:8

Na khuo sung vuah mi khatlekhat kithana, mi khatlekhat dih kituna, mi khatlekhat kivuoh kisatnate ang op a, note dingin thu hamsa seng ang op leh, Topa na Pasien un a teel ding munah thakhatin peito-in,

Thupiakkikna 18:6

Levi-te khat in Israel gamah a tenna, na khuopite uh khat popo nuasie-in Topa’ teelna munah a nop hun hunin ang pei thei ding hi.

Thupiakkikna 26:2

Topa na Pasien un ang pieh ding leitanga pieng ga zosie panin a ga masa pawlkhat la-in law khat sungah na koi ding vua, Topa na Pasien un ama’ min om nadinga a teelna munah na pei ding uhi.

Thupiakkikna 31:11

ama’ teel nading mun Topa na Pasien uh mai-ah a kilaa dingin Israel-te zosie ang pei ciengun, amau’ zahin Israel-te zosie mai-ah tam thukham na sim ding uhi.

Colosse-te 2:9

Bangzieh ahei cile ama’ pumpi-ah Pasien’ pienzie bukim om a,

Hebrews 12:22

Ahi vangin note pen Zion muol, a hingzing Pasien’ khuopi ahi vantung Jerusalem, simzawh lo pawibawl vantung mite kisuhtuona,

Joshua 18:1

Tua ciengin Shiloh-ah Israel mihon buppi a kikhawm vua, khum munah kikhopna puonbuh a lam uhi. A mai vuah khum gam zawsa-in a om hi.

Joshua 22:11

Israel-te in Reuben-te, Gad-te, le Manasseh minam alangte in Jordan gei-a om gam sung, Canaan gamgi dung, Israel-te’ gam lampangah maitam khat a lam uh a za uhi.

Joshua 9:27

Ahi vangin tua ni-in Joshua in mihonpite ading le ama in a teel nading munah Topa’ maitam ading singtomte le tuitawite suohsah a, tuni dongin a sem uhi.

Kilaakna 14:1

Tua ciengin ka khuodah leh Zion Muol tungah Tuuno a dingin na om hi! A talpang tung vua ama’ min le a pa’ min a kigiel mi tul za le tul sawmli le tulli zong ama tawh a omton uhi.