Thukhente 1:19 - Zo Bible

¹⁹ Topa in Judah ompi hi, tuale ama in muoltung gam teng luo a, ahi vangin zang gama tengte delmang zo lo hi, azieh pen amate in sia sakol leeng nei uhi.

LAISIENGTHOU CL Bible (BSI)

¹⁹ Tualeh, Mangpa’n Juda mite a umpi a, tuachi’n amaun singtang gam a tengte adeldoh sienga, hinanleh sia kangtalai anei ziehun phaijanga tengte pen adeldoh zousih uhi.

Zokam International Version

¹⁹ TOPA in Judah mite a ompih hi. Amaute in mualtung gam la uh a, ahi hangin zanglei a teng mite zanglei panin a hawlkhia zo kei uh hi; bang hang hiam cih leh amaute in sik sakolleeng a nei uh hi.

Thukhente 1:19 ပူးပေါင်းရင်းမြစ်များ

Piancilna 39:2

Joseph tawh Topa a omton a, a lawcing mi khat a suoh hi; Egypt mi a pupa’ inn ah ama a om hi.

Piancilna 39:21

ahi vangin Joseph tawh Topa a omton a, ama tungah a itna kip a lah hi; ama in thongcing pa’ maipha a ngasah hi.

2 Samuel 5:10

Vanglien Pasien, Topa tawh a opton ziehin David a vanglien semsem hi.

2 Kumpite 18:7

Ama tawh Topa a om hi; a peina popo-ah ama lawcing hi. Ama in Assyria kumpipa ledo a, ama’ na a sem sih hi.

Phatna-late 46:11

Vanglien Topa eite tawh ang omton hi; Jacob Pasien khu i kibuhna uh ahi hi. Selah

Phatna-late 46:7

Vanglien Topa eite tawh ang omton hi; Jacob Pasien khu eite’ kibuhna ahi hi. Selah

Phatna-late 46:9

Ama in leimong dongah gal a vengsah hi; ama in thalpi kuoitanin teipi a susie hi; ama in kidalna lumte mei tawh a haltum hi.

Phatna-late 60:12

Eite in Pasien tawh hangsan tahin i sem ding uhi; i galte ei totcilpieh ding pa khu ama ahi hi.

Thuhilhna 9:11

Leitungah ka mukia thu khat in tai kidemna ah mi malgangte in zo kim lo a, mi thahatte in zong gal zo kim loin, mipilte in an kham kim lo a, miteite hau kim tuon loin, misiemte in zong maipha nga kim tuon lo hi; hizongle hun le ni kiheina dung zui-a amate tunga na pieng ahi bo hi.

Isaiah 41:10

nang kang ompi ziehin zau sin, na Pasien ka hi ziehin patau sin; keima in nang hing thakhausahin kang panpi ding a, ka galzawna zietlam khutin kang tu lenlon ding hi.

Isaiah 7:14

Tua ahi ziehin Topa mama in note tungah lim khat ang pie ding hi. En un, ngahnu khat gai-in tapa khat nei ding a, a min Immanuel kici ding hi.

Isaiah 8:10

Thu kikumton un, hinanle bangma a matlap a om sih ding hi. Thu gen un, ahi vangin a kip tuom sih ding hi. Azieh pen kote tawh Pasien a omton hi.

Matthew 1:23

En un! Ngahnu khat gai-in tapa khat nei ding a, ama’ min dingin Emmanuel a phuoh ding uhi. A khietna in, “Eite tawh Pasien omton” cina ahi hi.

Rome-te 8:31

Tua ahile tam thu tungtang ah bang i gen ding vuoi? Eite lamah Pasien a pan po leh eite lang khatah koi pang zo ding ahei?

Philippi-te 4:13

Keima ei thahatsah pa ahi ama tungtawnin sil bangkim ka bawl thei hi.

Joshua 1:5

Na hin sung tungtawnin koima in ang langpan zo sih ding hi. Moses tawh ka opton bangin nang tawh zong kang om ton ding hi; kang tamasah sih ding a, zong kang nuasie sih ding hi.

Joshua 1:9

Tam bangin thu kang pie hi: Tha hat inlen hang in. Zau sinlen lungkie sin, azieh pen na peina popo-ah nangma tawh Topa na Pasien ang om hi,” a ci hi.

Joshua 14:12

Tuaci’n tu-in khum ni-a Topa in a gensa tam muoltung gam kei ei pie in; azieh pen kul tawh ki-im khuopite tawh Anak-te khum sungah bangci om ci na zahsa uh ahi hi; Topa in ei ompi ding a, Topa’ ci bangin amate ka notmang zo kha ding hi,” a ci hi.

Joshua 6:27

Tuaci’n Topa in Joshua ompi hi; tuale gam sung zosie-ah a min a thang hi.

Joshua 7:12

Tua ahi ziehin Israel-te in a galte uh nang zo lo uhi; amate pen suhsiet dinga ki-ap van khat a suo zo tah ziehun a galte masangah a nuakia uhi. Na lah vuah a ki-ap vante na suhsiet sih uleh kang ompi nawn sih ding uhi.

Thukhente 1:2

Topa in, “Judah kuonto ding hi. Ama’ khut sungah tua gam ka pie hi,” a ci hi.

Thukhente 4:13

Sisera in a sakol leeng zosie, sia sakol leeng zakuo, le ama tawh a omton galkap zosie, Horosheth-ha-goiim panin Kishon Lui-ah a thuta hi.

Thukhente 4:3

Tua ciengin huna ngen dingin Topa tungah Israel-te kiko uhi; azieh pen ama in sia sakol leeng zakuo nei a, Israel-te kum sawmni sung nahpi tahin a bawlsie hi.

1 Samuel 18:12

Topa in ama ompi-in ahi vangin Saul kung panin a kihep dawh ziehin Saul in David a giing hi.

1 Samuel 18:14

A sepna bangkimah David a lawcing hi; azieh pen Topa in ama a ompi hi.

1 Samuel 18:5

Saul’ sawlna khat popo-ah David pei-in a matun ahi ziehin Saul in a galkapte a uh dingin ama a koi hi. Mi zosie, Saul’ nasemte nangawn zong a lungkim uhi.