Rome-te 9:30 - Zo Bible

³⁰ Tua ahile eite in bang i gen ding vuoi? Dihna nga nading a hanciem lo ahi Gentile-te in a nga zo ta uhi, tua pen upna tungtawna a nga uh dihna ahi hi;

LAISIENGTHOU CL Bible (BSI)

³⁰ Ahileh bang igenta diei? Dihtatna suilou Jentelten ginna ziehin dihtatna amuta uhi.

Zokam International Version

³⁰ Tua ahileh bang i gen ding hiam? Thumaanna a deih lo Gentile-te in upna hanga kingah tua thumaanna a ngah zo uh hi;

Rome-te 9:30 ပူးပေါင်းရင်းမြစ်များ

Paunakte 15:9

Topa in migilote’ gamtatna kidahhuoi sa a, ama in dihna lam a del mipa a it hi.

Paunakte 21:21

Dihtatna le migitna a del poma in hinna le patawina a mu ding uhi.

Isaiah 51:1

Topa sui a, dihna lam a zuite aw, ka thugen ngai un. Note ang kilemna suongpi le note ang kitawna suongkhuh en un.

Rome-te 10:10

Azieh pen mi khat in a lungtang tawh a up ziehin dihna nga a, a kam tawh a pulah ziehin hutdamna nga hi.

Rome-te 10:20

Tua ciengin Isaiah in hangtahin, “Ei sui lote in kei ei mu zo vua, ei kan lote kungah keima ma ka kilah zo hi,” a ci hi.

Rome-te 10:6

Ahi vangin upna pana ang pei dihna tawh kisai-in, “Na lungsim sungah, ‘Vantungah koi va kato ding ahei?’ ci sin.” (tua pen Khris lasuh ding ci na ahi hi )

Rome-te 3:5

Ahi vangin eite’ dih lona in Pasien’ dihna a lah leh eite in bang i gen ta ding vuoi? Eite tungah a lungthahna ang tunsah ziehin Pasien a thuman lo ahi ta amah? (Mihingte gen banga ka gen ahi hi)

Rome-te 4:11

Teptan ahi nai lo lai-in upna zieha a na neisa dihtanna ciemtena dinga ama in tua teptanna lim a na nga hizaw hi. A deina in ama pen a tep kitan lo thu um mi zosie le a upna uh dihna-a a kisimpieh mi zosie’ pupi a suo thei nading ahi hi.

Rome-te 4:13

Bangzieh ahei cile ama in leitung luo dingin Abraham le a suonlehlahte tungah a kamciem pen thukham zuina zieh ahi sih a, upna zieha dihtatna tawh hizaw hi.

Rome-te 4:22

Tua ahi ziehin a upna pen, “Ama adingin dihna-in kisimpieh hi,” ci-in kigiel hi.

Rome-te 4:9

Tua ahile tami hamphatna pen teptan mite tung beha kipie amah? Ahi sihle teptan lo mite tunga zong kipie ahei? Eite in, “Abraham upna pen dihna-in kisimpieh hi,” i ci uhi.

Rome-te 5:1

Tua ahi ziehin upna ziehin dih tang zo i hi ziehin, eite in Topa Jesu Khris tungtawnin Pasien tawh kilemna i nei ta uhi.

Rome-te 9:14

Tua ahile bang i gen ta ding vuoi? Pasien a thutang lo ahi mawh ta diei? Tua bang hi buong lo e!

Rome-te 9:31

ahi vangin thukham bulphu-in dihna nga ding a hanciem Israel-te in thukham a zui zo kim sih uhi.

Galatia-te 2:16

hinanle eite in thukham zuina hang hi loin, Jesu Khris upna tungtawnin mi khat in dihtansahna nga hi, ci thu i thei uhi. Eite in zong thukham zuina hang hi loin, Khris upna hang tawh dihtansahna i nga thei nadingun Khris Jesu i um uhi, azieh pen koima in thukham zuina tawh dihtansahna nga lo ding hi.

Galatia-te 3:24

Tua ahi ziehin upna tawh dih i tan thei nadingin Khris ang pei cieng dong, tua thukham pen eite ei cingpa a suoh hi.

Galatia-te 3:8

Pasien in upna tawh Gentile-te dih a tansah ding lam Lai Siengtho in na mukhol a, “Nangma sungah Gentile-te zosie thupha kipie ding hi,” ci-in Abraham tungah lungdamna thu na magen zo hi.

Galatia-te 5:5

Bangzieh ahei cile kote in upna tawh a kinga dihna pen Hlagau tungtawnin lametna tawh lawptahin ka nga uhi.

Ephesa-te 2:12

Tua hun lai-in Khris nei loin Israel innkuon belpawl panin ang kipuse-in kamciem tawh a kipawl thuciemnate a nga lo gamdang mite na hi vua, leitungah lametna nei lo le Pasien nei lote na hi lam uh phawh un.

Philippi-te 3:9

ama sungah ei kimu thei nading ahi a, thukham pana ang pei keima’ dihna a nei ka hi sih a, Khris upna tungtawnin Pasien pana ang pei upna bulphu dihna a nei ka hizaw hi.

1 Timothy 6:11

Hinanle Pasien’ mipa aw, nang in tam thu zosie na pel in; dihna, Pasien’ mi hina, upna, itna, thuohzawhna, le lungnemna na del in.

Hebrews 11:7

Upna ziehin a kimu nai lo thupiengte tawh Noah in Pasien’ thuhilna na mang a, a innkuonpite a hotkhiet thei nadingin tembawpi khat na bawl hi; tuami tawh ama in leitung mawsah a, tuale upna dung zui-a kinga dihna’ gou luopa a suoh hi.

1 Peter 4:3

Note in Gentile-te’ sep nop ahi thangtatna, huasanna, zukhamna, guolnopna, zu-uong dawnna, thukham palsat a milim biehnate ah na hun uh na zang sieng ta uhi.