Rome-te 7:23 - Zo Bible

²³ ahi vangin ka pumpi nate sunga om thukham dang khat le ka lungsim thukham kido a, tua in ka pumpi nate sunga a teng mawna thukham sungah sala ei mat lam ka mu hi.

LAISIENGTHOU CL Bible (BSI)

²³ Hinanleh ka tahsa hiengte ah, ka lungsim dou a nasem, dan dang khat a um hi chi ka thei hi; Tua ka tahsa hiengte a um khelna dan kungah suohin ahing pui zel hi.

Zokam International Version

²³ Ahi hangin ka pumpi nate sungah thukham dang khat nasem ka mu hi. Tua thukham in ka lungsim thukham do a, kei pumpi nate sunga mawhnate sungah hong koltangsak hi.

Rome-te 7:23 ပူးပေါင်းရင်းမြစ်များ

Phatna-late 142:7

Keima in nangma’ min tawh lungdam kang ko thei nadingin, thong sung panin ei la dawh in. Nangma in nei limbawl ding ziehin midihte in ei kimkot ding uhi.

Thuhilhna 7:20

A tahtahin leitungah a hoi-a a gamta, a maw ngai vawt lo midih khat zong om lo hi.

Rome-te 6:13

Na pumpi nate uh gitlona vanzah dingin mawna-ah na pie nawn sih unlen, sina pan tho-in hinna a ngasa mite bangin dihna vanzah dingin Pasien tungah na pumpi uh’ nate na piezaw un.

Rome-te 6:19

Na tahsa hindan uh a zawngkhal ziehin mihing’ ham banga kang gen ahi hi. Bangzieh ahei cile nidang lai-in siengtho lona le gitlona a bawl semsem dingin na pumpi nate na pieh bang lien ma-un, tuaci’n tu-in a siengtho hinkhuo adingin dihtanna lamah sal bangin na pumpi nate na pie un.

Rome-te 7:14

Bangzieh ahei cile thukham pen hlagau lam thu ahi, ci i thei hi; ahi vangin kei ka hile cilesa tawh om mi ka hi a, mawna sungah sila banga ei kizua ka hi hi.

Rome-te 7:21

Tuaci’n sil hoi ka bawl nop ciengin ka kungah sietna ang om hi, ci thu khat ka mukhie hi.

Rome-te 7:25

I Topa Jesu Khris ziehin Pasien tungah lungdam ka ko hi! Tuaci’n ka lungsim tawh Pasien thukham’ sila ka hi a, ahi vangin ka tahsa tawh mawna thukham’ sila ka hi hi.

Rome-te 7:5

Cilesa sungah i nuntah lai-un thukham in mawna bawlnopna lungsim thosah a, i pumpi nate sungah si nading ga i ga nadingin na a sem hi.

Rome-te 8:2

Azieh pen Jesu Khris sunga om hinna Hlagau’ thukham in mawna le sina thukham panin note ang suohtasah zo ta hi.

Galatia-te 5:17

Bangzieh ahei cile cilesa lunggulnate in Hlagau deina tawh kiledo a, Hlagau deinate in zong cilesa lunggulna tawh kiledo hi; azieh pen tahsa deina pen Hlagau’ deina tawh a ki-elngat a, Hlagau’ deina zong khu tahsa’ deina tawh a ki-elngat hi; bangzieh ahei cile tam tegel pen khatlekhat a kiledo uh ahi hi.

Hebrews 12:4

Mawna tawh na kidona vuah note in sisan luonna za cieng dongin na do nai sih uhi.

James 3:2

Bangzieh ahei cile ei teng zosie in khielna tampi i bawl uhi. Mi khatpo in a thugenna-ah khielna a nei sih leh ama mi cingtah ahi a, a pumpi zosie a kemcing siem pa zong ahi hi.

James 4:1

Note lahah a om tua bang kidona le kihaunate hei pana ang pei ahei? Noma sunga gal a bawl den ahi lunggulna pana tuate ang pei hi lo amah?

1 Peter 2:11

Ka itte aw, na hlagau uh ang do den cilesa’ deinate panin na kideh zo nadingun pemtate le galtaite bangin note tungah kang thum hi.