Rome-te 2:27 - Zo Bible

²⁷ Tuaci’n tahsa tep tan sih nan ule thukham a zuite in, tep kitanin a kigiel thukhamte nei napi tua thukhamte a palsat note tungah thu hing khen ding uh hi lo amah?

LAISIENGTHOU CL Bible (BSI)

²⁷ Ngaina dan a teptanlou mi in dan azuikim leh, nang, dan laibu leh teptan dan agel a nei napi a, dan botse mi khu ahing mawpai sih ding amah?

Zokam International Version

²⁷ Taksa-a vunat lo napi, thukham a zui mi in, ngeina-bucing gelhsa nei c a, vunat napi thukham palsatpa nang, hong mawhpaih ding hi.

Rome-te 2:27 ပူးပေါင်းရင်းမြစ်များ

Matthew 3:15

Ahi vangin Jesu in, “Tu-in ei mang phot in; azieh pen thudih zosie i tangtunsah ding a kilawm ahi hi,” ci-in a dawng hi. Tua bepin ama a thukim hi.

Nasepte 13:22

Saul a hepkhiet zaw ciengin ama in a kumpi dingun David ahisah hi. Ama’ thu a teci panna sungah ama in, ‘Ka deina zosie a sem dingin ka lungsim a su Jesse’ tapa David ka mu zo hi,’ a ci hi.

Rome-te 13:10

Itna in a vengpa’ sietna ding a bawl sih hi; tua ahi ziehin itna i ci pen thukham zosie zui bukimna ahi hi.

Rome-te 2:15

A lungsim sung vuah thukham in a kalh thute kigiel hi, ci-in amate in a lah vua, amau’ kitheina lungsim in zong teci a pang hi. A kitukal a lungsimte un amate mawsah zelin maisah zel a,

Rome-te 2:20

mimawte thu a hil pa, naupangte’ siepa, thukham zieha pilna le thuman thutah nei na hi tahtah leh,

Rome-te 2:25

Thukham na zui uleh tep tanna in phattuomna nei a, hinanle thukham na palsat uleh na tep tanna uh teptan lo ma a suoh hi.

Rome-te 2:26

Tuaci’n teptan lote in thukham in a kalh thute a zui uleh a teptan lo uh pen teptan ma bangin kisimpieh lo ding amah?

Rome-te 2:29

Judah mi i cite pen a sung lama Judah mi ahite hizaw a, teptan tahtah i ci zong lai-a kigiel thukham zieh hi loin, hlagau lam tawh kisai-a lungsim teptanna ahi hi. Tua bang mi in midangte tung pan hi loin Pasien tung panin phatna a nga hi.

Rome-te 3:30

Pasien khat beh ahi hi; tua Pasien in a upna ziehun Jew mite dih a tansah bangin, ama in a tep kitan lote zong tua upna tungtawn ma-in dih a tangsah ding hi.

Rome-te 8:4

Tami in cilesa deina bang hi loin Hlagau’ deina banga a kalsuon eite sungah thukham in a kalh dihna thu a tangtun nading ahi hi.

1 Corinth-te 7:19

Teptanna bangma ahi sih a, teptan lona zong bangma ahi tuon sih hi. Ahi vangin Pasien’ thupiehte zui ding a thupi pen ahi hi.

2 Corinth-te 3:6

Ama in thuciem tha nasem siemte ei suohsah zo a, tua pen lai-a kigiel thukham tawh hi loin Hlagau tawh hinna ei pie zo hi.

Galatia-te 5:14

Bangzieh ahei cile thupieh khat beh ahi, “Nangma na ki-it bangin na vengte na it ding hi,” a ci in thukham buppi a huomsieng ahi ta hi.

Ephesa-te 2:11

Tua ahi ciengin nidang lai-in pienpi Gentile-te na hi vua, “tep kitante ka hi uhi,” a kici mite in- cilesa tungah mihing’ khut tawh tahsa teptanna- a tep kitan lo mite ang ci uh phawh un.

2 Timothy 3:15

Jesu Khris upna tungtawnin gupna na nga thei nadingin ang hil Lai Siengtho pen na neu lai-a kipanin bang na ci thei ahei ci thu zong na theisa ahi hi.

Hebrews 11:3

Eite in i mu thei nate pen i mu thei lo nate pana kibawl hi lo a, Pasien’ kammal tawh leitungte a kisiem ahi hi, ci thu upna tawh i theithei hi.