Piancilna 45:3 - Zo Bible

³ Joseph in a sanggamte kungah, “Keima Joseph ka hi hi. Ka pa a hing lai nai mah?” a ci hi. Hinanle a sanggamte in ama a dawng sih vua, tuaci’n ama mai-ah amkham gawp uhi.

LAISIENGTHOU CL Bible (BSI)

³ Tuachi’n Joseph in a unaute kungah “Keima Joseph ka hi, ka pa adam nalai ei mah?” achi hi, tualeh a sanggamten a dawng thei tasih ua, amasangah abuoita uhi.

Zokam International Version

³ Joseph in a sanggamte kiangah, "Kei Joseph ka hi hi! Ka pa a nungta lai hiam?" a ci hi. Ahi hangin amaute a mai-ah laulua uh ahi manin a sanggamte in a dawng thei kei uh hi.

Piancilna 45:3 ပူးပေါင်းရင်းမြစ်များ

Piancilna 37:20

Tu-in hing pei un, ama thatin dum sung khatah khiesuh vai; tua ciengin gamsa khat in ama valtum ta ci vai-in, a mangmatte bang ang suoh ngel ei en phot vei,” a kici uhi.

Piancilna 42:21

Amate khatlekhat in, “Kasai, eite i hi leh i sanggampa uh tunga i bawl mawna dan a lokia i hi ta uhi; ama in eite kunga ang thum lai-in a lungkhamna i mu vua, hinanle a thu i ngai sih uhi. Tua ahi ziehin i tung vua tami lungkhamna ang tung ahi hi,” ci-in a kiho uhi.

Piancilna 42:22

Tua ciengin Reuben in amate dawng a, “Na kung vuah tua naupang pa bawlsiet lo ding hing gen hi lo ka mah? Ahi vangin ka thu nei mang sih uhi. Tuaci’n tu-in eite tungah ama’ sisan phu ang kingen ahi ta hi,” a ci hi.

Piancilna 43:27

Ama in dam le dam lo thu teng dongin, “Na gen uh na pa vuoi uh a dam dam nai mah? Ama a hing lai ma amah?” a ci hi.

Job 23:15

Tua ahi ziehin ama mai-ah ka zau mama a; ka ngaisut khah ciengin ama ka giintha a suoh hi.

Job 4:5

Hinanle tu-in na tungah tua khu ang tung ta a, nang in thuohha na sa hi; tuami in nang ang sukha a, nang na lung a tawp hi.

Zechariah 12:10

Keima in David innkuon le Jerusalem-a tengte tungah lainatna le thungetna lungsim ka sungsuh ding a, tuaci’n a sutpailetsa uh mipa khat enin a tapa neisun kaa bangin a kap ding vua, a tapa masapen kaa bangin nasie tahin a kaa ding uhi.

Mark 6:50

azieh pen a unpi-un ama a mu ciengun a zau mama uhi. Ahi vangin ama in thakhatin amate hopi a, “Kilungnuomsah un, keima ka hi bo hi; zau sih un,” a ci hi.

Luke 5:8

Ahi vangin Simon Peter in tua thu a mu bepin Jesu mai-ah khupdin a, Topa aw, mawnei mi khat ka hi ziehin kei kung panin peikhie in!” a ci hi.

Nasepte 7:13

A niveina a haw ciengun Joseph in a sanggamte kungah ama koi ahei, ci ama le ama na kigen a, tuaci’n Pharoah in Joseph’ innkuonpi teng na thei hi.

Nasepte 9:5

Ama in, “Topa aw, nang koi na hei?” ci-in dong hi. Ama in, “Nei bawlsiet Jesu ka hi hi.

Kilaakna 1:7

En un! Meiipi tawh ama ang pei hi; mit zosie in ama mu ding a, ama a sun mite nangawnin mu ding uhi; ama ziehin leitung minam zosie a kap ding uhi. Tua bang ang hi ding hi. Amen.