Piancilna 12:16 - Zo Bible

¹⁶ Tua nu ziehin kumpipa in Abram a limbawl hi; tuaci’n ama in tuute, bawngtangte, laatangte, numei le pasal silate, laanute, le kalaoh-te a pie hi.

LAISIENGTHOU CL Bible (BSI)

¹⁶ Tualeh aman, amanu ziehin Abram khu alim bawl a, tuachi’n Belamte, Bawngtalte, Sabiltungtalte suohpa leh suohnute, Sabiltungnute leh Sangawngsaute aneilawta hi.

Zokam International Version

¹⁶ Tuanu hangin amah in Abram limbawla, Abram tuuhon, bawnghon, laa a nu le a pa, nasem numei, nasem pasal le kala-oh-te ngah hi.

Piancilna 12:16 ပူးပေါင်းရင်းမြစ်များ

Piancilna 20:14

Tua ciengin Abimelech in tuu le bawngtangte, sila numei le sila pasalte la-in Abraham a pie a, ama kungah a zi Sarah zong a piekia hi.

Piancilna 13:2

Tu-in Abram in ganhing, ngun, le kham a hau mama hi.

Job 42:12

Topa in a masa lam sangin a hun nukhia lamah Job thupha piezaw a, ama in tuu tulsawm le tulli, kalaoh tulguh, bawngtang kap tulkhat, le laa api tulkhat nei hi.

Job 1:3

Ama in tuu tulsagi, kalaoh tulthum, bawngtang kap zanga, laa pi zanga le nasem tampi nei hi; tuaci’n tam mipa pen nisuona gama mi zosie sungah a haupen ahi hi.

Piancilna 32:5

tuale keima in bawngtang, laa, ganhon, sila pasal, sila numeite ka nei hi; na muna-ah maipha ka mu thei nadingin ka pu kungah a gen dingin kang sawl hi, ci hi,’ va ci un,” a ci hi.

Piancilna 26:14

Ama in tuuhon, bawnghon, le innkuon tampi nei a, Philistia-te in ama a eng uhi.

Piancilna 24:35

Topa in nahpi tahin ka pupa thupha pie a, ama mihau khat ahi ta hi; Pasien in ama tungah tuuhon, bawnghon, ngun le kham, sila pasal le sila numei, kalaohte le laate tampi pie zo hi.

Luke 12:45

Ahi vangin tua silapa in a lungsim sungah, “Ka pupa ang tungha lel ding hi,” ci-in sila numeite le pasalte sat gawpin, an ne tui dawnin zu na kham gawp leh,

Piancilna 13:6

tuaci’n a ni gela a tenton thei nadingin leitang in ama gel a va zo nawn sih hi; azieh pen ama gel’ neisa tam sengin a tengton thei ta sih gel hi,

Piancilna 16:1

Tu-in Abram’ zi Sarai in ta nei lo hi. Ama in Hagar min nei Egypt-te sila numei khat a nei hi.

Piancilna 30:43

Tua ci bangin mipa nahpitahin hau a, ama in ganta honpi, sila numei, sila pasal, kalaohte le laa tampitah a nei hi.