Paunakte 30:4 - Zo Bible

⁴ Vantungah koi ka to-in kumsuhkia ahei? A khutkuoh sunga hui a hum thei koi ahei? A puonkulah tuipi a tun thei koi ahei? Leitung mong zosie a phutkip koi ahei? Tua pa’ min bang ahei? Tua pa’ tapa a min bang ahei? Nang na thei valon hi!

LAISIENGTHOU CL Bible (BSI)

⁴ Vantunga kaltou a kumsuh kia khu koi ahiei? akhut sunga hui humthei koi ahiei? Leitung ning tawpna zousie sudetpa koi ahiei? tua mipa min bang ahiei? Tualeh atapa min bang ahiei? Nangman na theichien hi.

Zokam International Version

⁴ Kua vantung ah kahto in hong kumsuk khin ahi hiam? Kua in a khut kuak sungah huih khawm ngei ahi hiam? Kua in a puantualin tui tun thei ahi hiam? Kua in leimongte khempeuh phutkip ahi hiam? Ama min bang hi-a, a tapa min bang hiam? Na theih leh hong gen dih in!

Paunakte 30:4 ပူးပေါင်းရင်းမြစ်များ

Piancilna 32:29

Tua ciengin Jacob in ama dongin, “Hepina tawh na min ei gen in,” a ci hi. Ahi vangin ama in, “Bang dinga ka min nei dawh ahei?” a ci hi. Tua munah ama in Jacob thupha a pie hi.

Job 11:7

“Pasien’ thuthuhte mu sieng thei ding na mah? Vanglienpa’ sep theina tan mu zo ding na mah?

Job 11:8

Tua khu vantung sanga sangzaw ahi a, nang in bang law thei na hei? Misikhuo sangin thuhzaw hi, nang in bang thei zo ding na hei?

Job 26:8

Ama in a meiisapi sungah tuite tun a, tuate ziehin meiilum pawhkeh lo hi.

Phatna-late 135:7

Leimong panin meiilumte a kaisah pa ama ahi hi; ama in guo a zuh nadingin tunphesah a, tuale a kholna panin hui pusuohsah hi.

Phatna-late 2:7

Keima in Topa’ thukip ka tangko ding hi: Ama in keima kungah, “Nang ka tapa na hi hi; tuni-in nang kang piengsah zo hi.

Phatna-late 22:27

Leimong zosie in phawhin Topa kungah a kile ding uhi; minam innkuonte zosie in ama mai-ah a bie ding uhi!

Phatna-late 24:2

azieh pen ama in tuipite tungah leitung phut a, gunte tungah kipsah hi.

Phatna-late 68:18

Muolsang tungah na kato a, na galmatte na zawpi diudeu a, nang in mite tung le tua munah Topa a ten thei nading a ledo mite tung nangawn panin letsongte na sang hi.

Paikhiatna 15:10

Na hui tawh na sem ciengin tuipi in amate a tuomcip hi. Tuipi gimnei sungah amate ngentang bangin a tumsuh uhi.

Paikhiatna 6:3

Abraham, Isaac le Jacob-te tungah Vanglien Pasien-in ka kilang a, ahi vangin amate kungah ka min Topa ci-in ka kitheisah sih hi.

Isaiah 45:18

Bangzieh ahei cile vantungte a siempa (ama Pasien ahi hi!) leitung a siem pa le a bawl pa (tua khu a kipsah pa; ama in tua khu buoi nadingin siem loin, ten nadinga a bawl pa!) Topa in tam bangin a gen hi: Keima Topa ka hi a, koima dang om lo hi.

Isaiah 53:8

A man lo thukhenna tawh ama a kikaimang hi. Koi in ama’ mailam ding ngaituo pieh thei ding ahei? Azieh pen a hingte’ gam panin ama kisumaimangin, ka mite’ thupalsatna ziehin ama in gimna a thuoh hi.

Isaiah 7:14

Tua ahi ziehin Topa mama in note tungah lim khat ang pie ding hi. En un, ngahnu khat gai-in tapa khat nei ding a, a min Immanuel kici ding hi.

Isaiah 9:6

Azieh pen eite adingin nausen khat ang suoh a, eite tungah tapa khat ei kipie hi; ama’ liengko tungah thuneina a om hi; ama pen, Lamdang Thu Kuppipa, Vanglien Pasien, Tawntung Pa, Kilemna Kumpipa, ci-in kiphuo hi.

Jeremiah 23:6

Ama’ hun sungin Judah kihundam ding a, Israel lungmuong tahin a teng ding hi. Ama a kihlat nading min in: “Topa eite’ Dihtanna,” ahi hi.

Matthew 11:27

Ka Pa in keima tungah na vannuoi ei ap zo ta hi; tuale pa simlo Tapa a thei koima om lo a, Tapa le ama a lah thei nadinga Tapa in a teel mite simlo Pa a thei koima om lo hi.

Luke 10:22

Ka pa in kei tungah na zosie ei ap zo a, Tapa koi ahei, ci Pa longal koima in thei lo a, Pa koi ahei, ci zong Tapa le Tapa in ama tunga a hil mi khatpo longal koima in thei lo hi,” a ci hi.

John 3:13

Vantung pana ang kumsuh Mihing Tapa simlo vantungah a kato koima om lo hi.

Rome-te 10:6

Ahi vangin upna pana ang pei dihna tawh kisai-in, “Na lungsim sungah, ‘Vantungah koi va kato ding ahei?’ ci sin.” (tua pen Khris lasuh ding ci na ahi hi )

Thupiakkikna 28:58

Tam laibu sunga kigiel tami thukham kammalte limtahin na zui sih vua, a vanglien, a cizathuoi min, Topa na Pasien na zatah sih uleh,

Thupiakkikna 30:12

“I zah thei nading ule i zui thei nadingun vantungah koi va kato-in ei va lahpieh ta ding ahei?” na ci thei nadingun vantunga om ahi sih hi.

Kilaakna 19:12

A mittangte meikuong bang a, a lutungah kumpi lukhu tampitah khu hi; ama simlo koima in a thei lo min khat ama tungah kigiel hi.

Thukhente 13:18

Ahi vangin Topa’ vantungmi in ama kungah, “Ka min bang dinga nei dawh ahei? Tua pen a lamdang mama ahi bo hi,” a ci hi.