Paunakte 14:2 - Zo Bible

² Thuman-a kalsuonte in Topa a zatah vua, thuman lo-a gamta mi in ama a simmaw hi.

LAISIENGTHOU CL Bible (BSI)

² Dihtattah a gamta mi in Mangpa agiing a, gamtat gilou miin Ama asim maw hi.

Zokam International Version

² Thutanga kalsuan mi in TOPA kihta a, thukawi lampi tawnpa in ahileh amah a simmawh hi.

Paunakte 14:2 ပူးပေါင်းရင်းမြစ်များ

2 Samuel 12:9

Ama muna-ah a sie gamta dingin bang dingin Topa thugen simmaw na hei? Namsau tawh Hit mi Uriah satlia-in na zi dingin ama’ zi na la a, Ammon-te’ namsau-in ama na that zo hi.

1 Kumpite 3:6

Tuale Solomon in, “Nang in nasempa ka pa David tungah a lien le a kip itna na lah zo hi, bangzieh ahei cile nangma tungah muonhuoina, dihna, thumanna lungsim tawh ama a gamta hi; tuale nangma in ama adingin tami a lien itna kip na koipieh zo ta a, tuale tuni-in ama’ topha tunga a to ding tapa khat na pie zo hi.

2 Kumpite 17:34

Amate in tuni dongin nidanga a zah uh amau’ ngainate a zomsuoh lai uhi. Amate in Topa bie loin Topa in Israel ci-in a minvaw Jacob tate tunga a thupiehsa thukhamte, ngaina kipte, zui ding ngainate, le a thupiehte a zui sih uhi.

Job 1:1

Uz gamah Job kici mi khat a om hi. Tua mipa nuol baang lo, a thutang, Pasien a giing le sietna lam a pel mi khat ahi hi.

Job 12:4

Ka guolte nuisatin ka om ta hi; Pasien ka hlan a, ama in ei dawng hi, a dih le paubaang lo mipa, mite’ nuisatin ka om ta hi.

Job 28:28

Ama in mihingte kungah, Topa zatahna khu pilna ahi a, sietna pana kihepkhietna khu thu theitelna ahi hi,’ ci hi,” a ci hi.

Phatna-late 112:1

Topa phat un! Topa zatah a, ama’ thupiehte nuom a sa mite thupha nga ahi uhi.

Phatna-late 25:21

Nangma kang lamet ziehin citahna le thumanna in kei ei kem taheh.

Paunakte 11:12

Midang khat a neubawl poma pilna nei lo ahi a, mipil pa ham loin sip dide hi.

Paunakte 16:17

Midihte’ lampi in sietna pel hi; amau’ lampi a kemcingte in amau’ hinna zong a kem hi pai hi.

Paunakte 16:6

Citahna le muonhuoina tawh mawmaina kinga a, Topa zatahna tawh mi khat in gitlona pel thei hi.

Paunakte 19:1

Zuouthu gen mimaw pa sangin citahna tawh kalsuon mizawng pa hoizaw hi.

Paunakte 2:15

a lampi uh kawi-in a gamtat sawi mite panin ang kem ding hi.

Paunakte 28:6

A lungsim kawi mihau khat i hi ding sangin a citah mizawng khat i hi ding hoizaw hi.

Thuhilhna 12:13

Thu khupna-ah thu zosie kiza sieng zo hi; Pasien zatah inlen a thupiehte zui in; bang ding ahei cile tua khu mi vannuoi’ sep ding nasep ahi hi.

Luke 10:16

“Na thu uh a ngai poma kei thu ngai ahi a, no ang pampaih poma kei ei pampaih ahi hi; kei ei pampai poma kei ei sawlpa zong a pampai ahi hi,” a ci hi.

Luke 16:14

Sum du Pharisee-te in tam thu zosie a zah ciengun ama a nuisan uhi.

Nasepte 10:22

Amate in, “Nangma’ thugen ngai dingin Pasien a giing, Judah minam zosie in a zatah, mi zakhat a uh galkapmangpa Cornelius in ama’ inn ah nang ang hlan dingin vantungmi siengtho khat in thu pie zo hi,” ci-in a dawng uhi.

Nasepte 10:35

ama in minam zosie lahah ama giingin dihtaha a gamta mite a sang hi.

Nasepte 9:31

Tua hun sung tengin Judea gam, Galilee gam le Samaria gam zosie-a om hlattuom pawlpite in lungmuonna le kilamna a nga uhi. Topa zatahna sung le Hlagau Siengtho henepna sungah a nuntah ziehun amate a pung semsem uhi.