Paikhiatna 9:27 - Zo Bible

²⁷ Tua ciengin Pharaoh in mi sawlin Moses le Aaron a hlansah a, ama gel kungah, “Tun-in ahile kei ka khiel zo ta hi; keima le ka mipite ka khiel vua, Topa a dih hi.

LAISIENGTHOU CL Bible (BSI)

²⁷ Tuachi’n Pharaoh in mi asawl a, Mosi leh Aaron ahansah a, akung uah “Tutungin vang ka mawta hi. Mangpa athudiha, kei leh ka mite ka gilou uhi.

Zokam International Version

²⁷ Tua ciangin Pharaoh in Moses le Aaron sam-a, amaute kiangah, "Tutungin ka khial hi, TOPA a man hi-a, kei le ka mite a khial ka hi uh hi.

Paikhiatna 9:27 ပူးပေါင်းရင်းမြစ်များ

2 Samuel 12:13

David in Nathan kungah, “Topa tungah ka maw zo hi,” a ci hi. Nathan in David kungah, “Tu-in Topa in na mawna la sieng zo hi; nang na si sih ding hi.

2 Khangthute 12:6

Tua ciengin Israel uliente le kumpipa a kiniemkhieh vua, tuaci’n amate in, “Topa a thuman hi,” a ci uhi.

Phatna-late 129:4

Topa a thuman a, migilote’ khaute a sattan zo hi.

Phatna-late 145:17

Ama’ lampite vannuoi-ah Topa thutang a, ama’ gamtatna vannuoi-ah mi a khuotuo hi.

Phatna-late 9:16

Topa amama ang kipulah a, ama in thu a khen hi; amau’ khut tawh a sepna sung vuah migilote a awh uhi. [Higgaion. Selah]

Paikhiatna 10:16

Pharaoh in Moses le Aaron naw hlat a, “Topa na Pasien uh’ tung le nogel tungah ka khiel zo hi.

Paikhiatna 10:17

Tu tung tami ka mawna ei maisah in. Ama in ka kung panin tami sina a lah nadingin na Topa Pasien kungah thum in,” a ci hi.

Paikhiatna 8:25

Tua ciengin Pharaoh in Moses le Aaron hlanin ama in, “Pei un, tam gam sungah na Pasien uh tungah biehna lui un,” a ci hi.

Paikhiatna 8:8

Tua ciengin Pharaoh in Moses le Aaron hlanin, “Kei le ka mite kung panin uphawhte a lah nadingin Topa kungah thu ngen un. Topa kungah biehna lui dingin mite ka peisah ding hi,” a ci hi.

Tamlawhna 1:18

A thugen langpangin ka ledo vangin Topa pen a man ahi bo hi; ahi vangin no mi zosie in ngai unlen ka thuohna en un; ka tangvalte le ka ngahnute salin kikaimang ta hi.

Daniel 9:14

Tuaci’n Topa in kote tunga a tunsah masangsie tam tuosietna a koicing hi. Topa i Pasien uh pen a sepna zosie-ah a dih tahtah ahi hi; bangzieh ahei cile kote in ama thu ka mang sih uhi.

Misimna 21:7

Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.

Misimna 22:34

Tua ciengin Balaam in Topa’ vantungmi kungah, “Kei ei pang dingin lampi-ah na din ding lam ka thei lo ziehin ka khiel zo hi. Tua ahi ziehin kei tungah na lungkim sih leh tu-in inn lam ka kilekia ding hi,” a ci hi.

Matthew 27:4

Ama in, “Maw nei lo sisan ka lebawl ziehin ka khiel zo hi,” a ci hi. Ahi vangin amate in, “Tuami ko tawh bang kisai ahei? Na law theithei kilaw ta’n,” a ci uhi.

Rome-te 2:5

Ahi vangin lungtang khau-in na kisia nop lo ziehun Pasien’ lungthahna le a thukhenna dihtah ang kilah ni hun ciengin na thuoh ding uh ahi lungthahna a kholkhol na hi uhi.

Rome-te 3:19

Kam kici zosie a kihum thei nading le leitung mi vannuoi in Pasien mai-ah sittelna a thuoh thei nadingin, thukham in a gen popo pen thukham nei-a om mite kunga a gen ahi lam tu-in eite in i thei uhi.

Joshua 7:20

Tua ciengin Achan in Joshua dawng a, “Tua khu aman ahi hi; Israel Topa Pasien tungah ka maw zo ta hi. Ka gamtatna tami ahi hi:

1 Samuel 15:24

Saul in Samuel kungah, “Kei ka khiel zo hi; bangzieh ahei cile mite giingin a thu uh ka man khah ziehin Topa’ thupiehna le nangma’ thute ka palsat zo ta hi.

1 Samuel 15:30

Tua ciengin Saul in, “Kei ka maw zo ta hi; hinanle tu-in ka mi upate mai le Israel mai-ah ei patawi inlen, Topa na Pasien ka bieh thei nadingin kei ei zuikia ta’n,” a ci hi.

1 Samuel 26:21

Tua ciengin Saul in, “Ka gamta khiel ta hi; ka ta David aw, hing peikia ta’n, bangzieh ahei cile nangma’ muna-ah ka hinna manpha mama ahi ziehin nang kang bawlsie ngai nawn sih ding hi; kei mimaw ka hi a, khielna lienpi ka bawlkha ta hi,” a ci hi.