Paikhiatna 8:6 - Zo Bible

⁶ Tuaci’n Aaron in Egypt’ tuite tungah a khut a zah hi; tuale uphawhte kato a, Egypt leitang a tuommang hi.

LAISIENGTHOU CL Bible (BSI)

⁶ Tuachi’n Aaron in Izipt tuite tungah aban azah a tuachi’n ukengte ahing pawt khie ua, Izipt gam atuom suohta uhi.

Zokam International Version

⁶ Tua ciangin Aaron in Egypt a tuite tungah a khut zankhia-a, uiphukte paikhia-in gamsung teng a tuam hi.

Paikhiatna 8:6 ပူးပေါင်းရင်းမြစ်များ

2 Samuel 7:22

Tua ahi ziehin Topa Pasien aw, ka bil vua ka zahsa zosie uh bangin nang na lien hi; azieh pen nang bang koima om lo a, nang simlo Pasien dang om lo hi.

2 Khangthute 6:14

Ama in, “Israel Pasien, Topa aw, thuciemna zui-in a lungsim zosie utawh nangma’ thu ang mang na nasemte tungah itna kip a lah nang bang Pasien dang vantungah hile, leitungah hile a om sih hi.

Phatna-late 105:30

A gam sung uh uphawh tawh kidim a, a kumpite’ inn sung nangawnah a dim hi.

Phatna-late 78:45

Ama in amate lahah a pet thei tho honpite, a susie thei uphawhte, amate lahah a sawl hi.

Phatna-late 86:8

Topa aw, pasien-te lahah nang tawh a kibang koima om lo a, nangma’ sepsa tawh a kibang nasep khat zong om lo hi.

Phatna-late 90:2

Muolte a kipiensah masang, lei le leitung na bawl masang, tawntung pan tawntung dongin nangma Pasien na hi hi.

Paikhiatna 10:2

Egypt-te ka motbawlna le amate lahah bang limte bawl zo ka hei, ci thu na tate le na tute’ zaha na gen thei nading le, keima Topa ka hi lam na thei nadingin ama’ lungtang le a uliente’ lungtang ka khausah hi,” a ci hi.

Paikhiatna 15:11

“Topa aw, pasien-te lahah nangma tawh kibang koi om ahei? Sienthona-ah a lien, thupina-ah a lipkhap huoi, na lamdangte a bawl, nangma tawh kibang koi om ahei?

Paikhiatna 7:19

Topa in Moses kungah, “Aaron kungah, ‘Na ciengkhut la inlen tuate sisan a suo thei nadingin Egypt tuite uh tung, a gunte uh tung, a tuilamte uh tung, a tui tawdawhte uh tung le a buol zosie uh tungah na khut zah in; tuale Egypt gamsung zosie-ah sisan om ding a, sing beel le suong beel sung teng nangawnah sisan om ding hi,’ ci-in,” a ci hi.

Paikhiatna 9:14

Bangzieh ahei cile leitung buppi-ah keima tawh a kibang koima khat beh om lo hi, ci na thei nadingin keima in tami hunin nang, na uliente, le na mite tungah ka pul natna zosie kang tungsah ding hi.

Paikhiatna 9:29

Moses in ama kungah, “Tam khuopi panin ka pusuo behin Topa lamah ka khut ka zah ding hi. Leitung in Topa-a’ ahi hi, ci-in na thei nadingin vanto khawlin gielpi veng ding hi.

Isaiah 43:10

Nohaw pen keima’ tecite na hi uhi, Topa in ci a, tuale kei pen ama ka hi lam, note in ei thei-in, tuaci’n keima nei up nading ule nei theitel nadingun note pen kang teelsa ka nasem na hi uhi. Kei masangin pasien om lo a, kei’ nua ciengin zong om lo ding hi.

Siampi Laibu 11:12

Tui sunga om hla le lip nei lo zosie note dingin a kidahhuoi ahi hi.

Thupiakkikna 32:31

Eite’ Suongpi le amau’ suongpi kibang lo hi; i galte mimaw ahi uhi.

Thupiakkikna 33:26

Jeshurun aw, nang ang hu dingin van tunga a tuong a lietna tawh vanpi-a om, Pasien tawh a kibang koima dang om lo hi.

Thupiakkikna 4:35

Topa pen Pasien ahi hi, ci-a na thei nadingun na tung vuah tam thu ang kilah ahi a, ama simlo koima dang a om sih hi.

Kilaakna 16:13

Tuale gulhiempi’ kam sung, gamsa’ kam sung, le zuou thei kamsangpa’ kam sung panin ukeng tawh a kibang a gilo hlagau thum ang pusuoh ka mu hi.