Paikhiatna 8:4 - Zo Bible

⁴ Nangma tung, na mite tung le na ulien zosie tungah uphawhte ang kato ding hi,” ci hi,’ ci-in gen in,” a ci hi.

LAISIENGTHOU CL Bible (BSI)

⁴ Tualeh ukengte khu nang leh na mite tung leh na suohte zousie tung ah ahing kal ding uhi vachiin,” achi hi.

Zokam International Version

⁴ Tua uiphukte nang tung le na mite tung le na uliante tungah hong kah ding hi, ci hi,’ ci-in gen in," a ci hi.

Paikhiatna 8:4 ပူးပေါင်းရင်းမြစ်များ

1 Kumpite 13:6

Kumpipa in Pasien’ mipa kungah, “Ka khut a ngai a bah thei nadingin tu-in kei dingin thu ei ngetpieh inlen, Topa na Pasien’ maipha ka nga thei nadingin zong ei thumpieh in,” a ci hi. Tuaci’n Pasien’ mipa in Topa tungah a thumpieh hi; tuale kumpipa’ khut damin a ngai bangkia hi.

Phatna-late 107:40

ama in a bawlsiete tungah a lungkim lona sungsuhin, lam op lona gamlahah kivielesah kawikawi a,

Paikhiatna 10:17

Tu tung tami ka mawna ei maisah in. Ama in ka kung panin tami sina a lah nadingin na Topa Pasien kungah thum in,” a ci hi.

Paikhiatna 8:24

Topa in tua bang ma-in bawl a, ankuong tho honpite in Pharaoh’ inn sung le a uliente’ inn sung teng a bawm valuoi hi; ankuong thote ziehin Egypt gamsung zosie-ah leitang kisie hi.

Paikhiatna 8:3

Nile gun sungah uphawh a dim ding hi; na kumpi inn sung, na lupna inndan sung, na lupna tung, na uliente’ inn sung le na mipite’ inn sung, na lungthu tung ule na annel pawina kuong sung teng vuah ang lut ding hi.

Paikhiatna 8:5

Topa in Moses kungah, “Aaron kungah, ‘Gunte, tui zawite, le buoltuite tungah na ciengkhut tawh na khut zah inlen, Egypt leitang tungah uphawhte katosah in,’ ci-in gen in,” a ci hi.

Paikhiatna 9:28

Topa kungah thum un! Pasien’ vanto le giel kicing zo ta! Kang peisah ta ding vua, na thaam uh a ngai nawn sih hi,” a ci hi.

Isaiah 19:11

Zoan uliente mot citahin a maw uhi; Pharaoh’ thu kikuppi mipilte in mot thu vive a hil uhi. Bangci-in Pharaoh kungah, “Kei mipil khat ka hi a, tanglai kumpite’ a suon a hlahte khat ka hi hi,” ci thei ding na hei?

Isaiah 19:22

Topa in Egypt-te sat ding a, a satna damsahkia ding hi; Topa kungah amate kilekia ding a, ama in a thumna uh ngai-in a damsah ding hi.

Isaiah 23:9

Vanglien Topa Pasien in minthanna zieha kiphatsahna zosie tawpsah nading le leitunga a kipahtawite zosie zumsuo ding a gelzo hi.

Daniel 4:37

Tu-in keima Nebuchadnezzar in vantung Kumpipa phatin tawisangin zatahna ka pie hi. Azieh pen a nasep zosie thuman ahi a, a lampi zosie thutang ahi hi; ama in kilietsahna tawh a gamta mite a niemkhieh thei hi.

Misimna 21:7

Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.