Paikhiatna 7:5 - Zo Bible

⁵ Egypt-te lang khatah ka khut zahin amate sung panin keima in Israel-te ka peikhietpi ciengin Egypt-te in keima Topa ka hina ei thei ding uhi,” a ci hi.

LAISIENGTHOU CL Bible (BSI)

⁵ Tualeh Izipt tunga ka khut ka hing zahkhiet a, alah ua kipat Israel tate kapuidoh chiengin, Izipt miten kei Mangpa ka hi chi hing thei va uh,” achi hi.

Zokam International Version

⁵ Egypt langah ka khut zanin Israel-te ka paikhiatpih ciangin kei TOPA ka hilam Egypt mite in a thei ding uh hi," a ci hi.

Paikhiatna 7:5 ပူးပေါင်းရင်းမြစ်များ

Phatna-late 138:7

Hahsatna kawmkalah ka pei vangin ka galte’ lungthahna panin nei kem hi; Nangma in na khut na zah a, na zietlam khut in ei hunkhie hi.

Phatna-late 9:16

Topa amama ang kipulah a, ama in thu a khen hi; amau’ khut tawh a sepna sung vuah migilote a awh uhi. [Higgaion. Selah]

Paikhiatna 10:2

Egypt-te ka motbawlna le amate lahah bang limte bawl zo ka hei, ci thu na tate le na tute’ zaha na gen thei nading le, keima Topa ka hi lam na thei nadingin ama’ lungtang le a uliente’ lungtang ka khausah hi,” a ci hi.

Paikhiatna 10:7

Pharaoh’ uliente in ama kungah, “Eite tungah tam mipa bang tanvei thangkam banga hing om ding ahei? Amate in a Pasien uh ahi Topa a bieh thei nadingun mite peisah in. Egypt a kisiet lam a thei nai lo na hi amah?” ci uhi.

Paikhiatna 14:18

Pharaoh le a sakol leengte le a leeng hawlte tungtawnin minthanna ka nga ciengin Egypt-te in Topa ka hi lam ei thei ding uhi,” a ci hi.

Paikhiatna 14:4

Pharaoh’ lungtang ka khausah ding a, amate a nuadel ding hi. Pharaoh le a galkap zosie tungtawnin minthanna ka nga ding hi; tuale Egypt-te in Topa ka hi lam ei thei ding uhi,” a ci hi. Tua bang ma-in amate gamta uhi.

Paikhiatna 18:8

Tua ciengin Moses in a sungpa kungah, Topa in Israel-te a khuolna tawh Pharaoh le Egypt-te tunga a bawlsa zosie, amate in lampi-a a tuokhah uh hahsatna zosie le Topa in amate a hutkhietna thu zosie a unpi-in a gen hi.

Paikhiatna 3:20

Tuaci’n ka khut zahin tua sunga ka bawl ding na lamdangte tawh Egypt-te ka vatmai ding hi; tua zaw ciengin ama in note ang peisah ding hi.

Paikhiatna 6:1

Tua ciengin Topa in Moses kung ah, “Tu-in Pharaoh tunga ka bawl ding na mu ding hi: Ama in a vanglien khut tawh amate a peisah valon ding hi; ama in a vanglien khut khat tawh a gam sung panin amate a notmang ding hi,” a ci hi.

Paikhiatna 6:6

Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

Paikhiatna 7:17

Tua ahi ciengin Topa in, “Keima Topa ka hina tami tawh na thei ding hi,” ci hi. En in, ka khut sunga ciengkhut tawh Nile gun sunga tui ka sat ding a, tua tui sisan a suoh ding hi.

Paikhiatna 8:10

Ama in, ”Zing cieng,” a ci hi. Moses in, “Topa kohaw’ Pasien tawh a kibang koima om lo hi, ci na thei nadingin na ci bang hi taheh!

Paikhiatna 8:19

Mitphiel siemte in Pharaoh kungah, “Tami khu Pasien’ khutme ahi bo hi!” a ci uhi. Hinanle Pharaoh’ lungsim khauh a, Topa gensa bangin a thugen uh a ngai sih hi.

Paikhiatna 8:22

Ahi vangin tua ni ciengin tami leitangah kei Topa ka hina na thei nadingun, ka mite tenna Goshen leitang ankuong tho honpite in a bop lo nadingin ka tuom koi ding hi.

Ezekiel 25:17

Keima in thangpaina tawh a kidim danpiehna tawh amate tungah nahpi tahin phu ka la ding hi. Amate tungah phu ka lah ciengin amate in keima Topa ka hi lam ei thei ding uhi.

Ezekiel 28:22

Topa in tam bangci hi, ci-in gen in: Sidon khuopi aw, nang kang langpan ding a, keima in note lahah minthanna ka nga ding hi. Ama sungah ka siengthona lahin a sungah thu ka khen ciengin, keima Topa ka hi lam amate in ei thei ding uhi;

Ezekiel 32:15

Keima in Egypt gam khu gamkhing ka suohsah ding a, a sunga om zosie hawhkhie-in tua sunga teng zosie ka thagam ciengin, amate in keima Topa ka hi lam ei thei ding uhi.

Ezekiel 36:23

Keima in minamte lahah na buasahsa uh a lien ka min ka siensuo ding a, note tungtawnin amate mai-ah ka sienthona ka lah ciengin, minamte in keima Topa ka hi lam ei thei ding uhi, Topa Pasien in ci hi.

Ezekiel 39:22

Khum ni-a kipanin Israel innkuonte in keima Topa Pasien ka hi lam ei thei ding uhi.

Ezekiel 39:7

Keima’ mi Israel-te lahah ka min siengtho ka kitheisah ding a, ka min siengtho ka buasah ngai nawn sih ding hi; tuale minamte in Israel sunga a Siengtho Topa, ka hi lam ei thei ding uhi.