Paikhiatna 7:19 - Zo Bible

¹⁹ Topa in Moses kungah, “Aaron kungah, ‘Na ciengkhut la inlen tuate sisan a suo thei nadingin Egypt tuite uh tung, a gunte uh tung, a tuilamte uh tung, a tui tawdawhte uh tung le a buol zosie uh tungah na khut zah in; tuale Egypt gamsung zosie-ah sisan om ding a, sing beel le suong beel sung teng nangawnah sisan om ding hi,’ ci-in,” a ci hi.

LAISIENGTHOU CL Bible (BSI)

¹⁹ Tuachi’n Mangpa’n Mosi kungah thu agen a, Aaron kungah “Na chieng la-inlen Izipt gam a tuite, aluitate uh aluipite u’leh atuikulte u’leh atuikhuhte uh tung ah na banzah in, tuachi’n tui zousie sisan asuoh dinga, Izipt gam sunga singhawm leh suonghawm a, tui um zousie sisan asuohna dingin,” achi hi.

Zokam International Version

¹⁹ TOPA in Moses kiangah, "Aaron kiangah, ‘Na ciangkhut la inla Egypt a tuite tung - luite le hawkguamte tung, bualte le tuikholnate tungah na khutzan in’ - tuate sisan a suak ding hi. Egypt mun khempeuh sing tuikuang le thambel sung nangawn ah sisan a om ding hi," a ci hi.

Paikhiatna 7:19 ပူးပေါင်းရင်းမြစ်များ

Piancilna 1:10

Pasien in leigaw pen “Lei” ci a, tui kikhawmtuote pen “Tuipi” ci hi. Pasien in tua khu hoi a sa hi.

2 Kumpite 4:29

Ama in Gehazi kungah, “Na kawng gah inlen na khut sungah ka ciengkhut khunin pei ta’n. Mi khatpo tawh na kituo khah leh hopi sin len, mi khatpo in ang hopi le zong dawng sin; tuale naupang maitangah ka ciengkhut va nga ta’n,” a ci hi.

Paikhiatna 10:12

Tua ciengin Topa in Moses kungah, “Egypt leitangah kauphete tu-in, gielpi’ khiehmawh kung zosie a neh thei nadingin Egypt leitang tungah na khut zah in,” a ci hi.

Paikhiatna 10:21

Tua ciengin Topa in Moses kungah, “Egypt leitang tungah khuomiel, a kitham thei za-a khuomiel a om thei nadingin vantung lamah na khut zah in,” a ci hi.

Paikhiatna 14:16

Ahi vangin Israel-te in tuipi laikimah tuolgaw a tot thei nadingun na ciengkhut lamto inlen, tuipi tungah na khut zahin khenkhe in.

Paikhiatna 14:21

Tua ciengin Moses in tuipi tungah a khut a zah hi. Topa in zan tawntungin nisuona lam huipi hat tawh tuipi lemutsahin gamgaw a suohsah hi; tuale tua tuipi phal ni-in kikhen hi.

Paikhiatna 14:26

Tua ciengin Topa in Moses kungah, “Egypt-te tung, a leengte uh tung, le a leeng hawlte uh tungah tami tui ang luonkia nadingin tuipi tungah na khut zah in,” a ci hi.

Paikhiatna 4:9

Tami lim ni tegel nangawn tahsang loin ang thudon sih uleh Nile gun panin tui halkhat la-in lei gawta lahah na sung ding hi; tuale Nile gun pana na lah ding tui pen lei gawta tungah sisan a suoh ding hi,” a ci hi.

Paikhiatna 8:16

Tua ciengin Topa in Moses kungah, “Aaron kungah, ‘Egypt gam buppi-ah gam tho a om nadingin na ciengkhut zah inlen leivui sat in,’ ci-in,” a ci hi.

Paikhiatna 9:33

Tuaci’n Pharaoh kung panin khuopi pulamah Moses peikhie a, Topa lamah a khut a zah ciengin vanto le gielpi khawl pai a, leitungah guo zu nawn lo hi.

Isaiah 19:10

Puon gante zauthawngin, sumlaw-a nasem zosie da ding uhi.

Isaiah 5:25

Tua ahi ziehin a mite tungah Topa’ lungthahna kikuontaw-in, amate langkhatah a khut lamin amate a vatmai hi; muolte kithing a, lampi dung tengah a luonghawmte uh, buathah bangin a om hi. Azieh pen tam teng zosie ziehin a lungthahna kiheimang tuom lo a, ama’ khut a kizah lai hi.

Habakkuk 3:8

Topa aw, gunte tungah na lung thah amah? Ahi sihle na sakolte tungah tuongin na sakol leengte in gal a zaw ciengin, gunte tungah lungthahin tuipi tungah na thang a pai amah?