Paikhiatna 7:16 - Zo Bible

¹⁶ Ama kungah, ‘Senel gamah keima ei bieh thei nadingun, “Ka mite peisah in, ci-in a gen dingin Hebrew-te’ Pasien, Topa in na kungah kei ei sawl hi,” ci-in gen in. Ahi vangin tu dongin ama’ thu na mang nai vaset sih hi.

LAISIENGTHOU CL Bible (BSI)

¹⁶ Tualeh akungah, “Hebrute Mangpa Pasian in na kung ah keima ahing sawl hi “Gamdai a ka nna asep theina ding un, ka mite peisah in,” hinanleh ngaiin tutan in na ngaisah sih hi.

Zokam International Version

¹⁶ Tua ciangin ama kiangah, ‘TOPA, Hebrew-te Pasian in nang kiangah kei hong sawla: Sehnel gam sungah kei hong biak theih nadingun ka mite paisak hen, ci hi. Ahi hangin tu hun dong na mang kei hi.

Paikhiatna 7:16 ပူးပေါင်းရင်းမြစ်များ

Paikhiatna 10:3

Tuaci’n Pharaoh kungah Moses le Aaron pei-in, “Hebrew-te’ Pasien, Topa in tam bangci hi: ‘Ka mai-a nang kiniemkhieh ding bang tanvei niel sawm na hei? Amate in keima ei bieh thei nadingun ka mite peisah in.

Paikhiatna 13:15

Pharaoh in lungkhauh tahin peisah ding ei na niel ciengin Topa in Egypt gam sunga tacil zosie, mihing tacil le ganhing tacil zosie a thatgam hi. Tua ahi ziehin naubu hong masa apa zosie Topa tungah biehpiehna-in ka pie hi, ahi vangin ka tapate sung pana a pieng tacil zosie ka tankia hi,’ na ci ding hi.

Paikhiatna 14:5

Mite taimang sieng zo ta hi, ci-in Egypt kumpipa kungah a kigen ciengin Pharaoh le a uliente’ lungsim kikhelin amate in, “I na ei seppieh Israel-te i peisah pen bangci gamtat mawh ta i hi uh ahei?” a kici uhi.

Paikhiatna 3:12

Ama in, “Nangma tawh kang omton ding hi; tami khu nangma ang sawl keima ka hina lim hi ding hi: Egypt panin Israel-te na peipi zaw ciengin tami muol tungah Pasien na bie ding hi,” a ci hi.

Paikhiatna 3:13

Ahi vangin Moses in Pasien kungah, “Israel-te kungah pei inlen amate kungah, ‘Na pate uh’ Pasien in na kung vuah ei sawl hi,’ vaci taleng amate in, ’A min bang ahei?’ ci-in ei dong uleh amate kungah bang ka gen ta diei?” a ci hi.

Paikhiatna 3:18

Amate in na thu ang ngai ding uhi; tuale Egypt kumpipa kungah nang le Israel upate pei-in ama kungah, “Topa ahi Hebrew mite’ Pasien in kote ei kimupi zo hi; ka Pasien uh ahi Topa tungah biehna ka lui thei nadingun ni thum peina gamlahah ei peisah in,’ va ci ta un.

Paikhiatna 4:22

Tua ciengin nangma in Pharaoh kungah, ‘Topa in tam bangin ci hi: Israel ka tapa a tapen ahi hi.

Paikhiatna 4:23

Keima nang kungah, “Ama in kei ei bieh thei nadingin ka tapa peisah in,” kang ci hi. Ahi vangin nang in ama a pei ding na phal sih hi; tu-in keima in na tapa a tapen pa ka that ding hi,’ vaci ta’n,” a ci hi.

Paikhiatna 7:4

Pharaoh in na thu ang ngai lo ciengin keima in Egypt tungah ka khut ka nga ding a, thukhenna nasepna lienpite tawh ka mipi Israel-te a honhonin Egypt gam panin ka peipi ding hi.

Paikhiatna 8:1

Tua ciengin Topa in Moses kung ah, “Pharaoh kungah pei-in ama kungah, ‘Topa in tam bangci hi: “Amate in keima ei bieh thei nadingun ka mite peisah in.

Paikhiatna 8:20

Tua ciengin Topa in Moses kungah, “Zingmawng tho bai inlen, tuikhuh zuonin Pharaoh ang pei ciengin a mai-ah na kilah inlen ama kungah, ‘Topa in tam bangin gen hi: Amate in keima ei bieh thei nadingun ka mite peisah in.

Paikhiatna 9:1

Tua ciengin Topa in Moses kungah, “Pharaoh kungah pei-in ama kungah, ‘Hebrew-te’ Pasien Topa in tam bangci hi: Amate in keima ei bieh thei nadingun ka mite peisah in.

Paikhiatna 9:13

Tua ciengin Topa in Moses kungah, “Zing ciengin thobai-inlen, Pharaoh mai-ah kipulahin ama kungah, ‘Hebrew-te’ Pasien, Topa in tam bangci hi: Amate in keima ei bieh thei nadingun ka mite peisah in.

Isaiah 45:13

Dihna lamah Cyrus ka cil a, keima in ama’ lampi zosie ka tangsah ding hi; ama in nasep manh ding ahi sihle thaman a dei zieh hi loin, ka khuopi lam ding a, saltang ka mite hla ding hi,” Vanglien Topa in ci hi.

Jeremiah 50:33

Vanglien Topa in tam bangin ci hi: Israel mite kibawlsie a, Judah mite zong tua ma bang ahi hi; sala a man mi zosie in amate tudetin a peisah nuom ta sih uhi.