Paikhiatna 6:6 - Zo Bible

⁶ Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

LAISIENGTHOU CL Bible (BSI)

⁶ Tuaziehin Israel tate kungah, kei Mangpa ka hi chi gen inlen, Iziptte puohgihna nuoi akipat ka hing puidoh dinga, ahing saltansahna ua kipat in ka hing suohtasah dinga, thukhenna thupitah toh banjahin ka hing tandoh ding hi.

Zokam International Version

⁶ Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi.

Paikhiatna 6:6 ပူးပေါင်းရင်းမြစ်များ

1 Kumpite 8:42

(azieh pen amate in a lien mama na min, na banhat, le na banzahnate a za ding uhi), tami biehinn lamah thu ang nget ciengin,

2 Kumpite 17:36

ahi vangin Egypt gam panin a lien mama vanglietna le a kizah a banhat tawh note ang peipi Topa na bie zaw ding uhi, a mai-ah noma ma kunin ama tungah na kithoi ding uhi.

1 Khangthute 17:21

Egypt pana na tatkhiet na mite mai-ah minamte notmangin nangma adingin a lien a zauhuoi min khat na bawlna, Pasien pei-in ama’ mi dinga a tatkhiet na mi Israel tawh a kibang leitungah minam dang koi om ahei?

Nehemiah 1:10

Amate pen nangma’ vanglietna le a thahat nangma’ khut tawh na tatkhietsa nangma’ nasemte le nangma’ mite ahi uhi.

Phatna-late 77:16

Pasien aw, tuite in nangma ang mu ciengun, tuite in ang mu ciengun a zau uhi; tui thuhpi zong a ling hi.

Phatna-late 81:11

“Hinanle ka mite in ka thugen a ngai sih uhi; keima tungah Israel-te ang kipha sih uhi.

Phatna-late 81:6

“Keima in a liengko vua vangih ka zangsah hi; na khutte un zong law a dom nawn sih hi.

Phatna-late 81:7

Na lungkham uh ciengin keima nei hlan vua, keima in note kang hunkhie hi; a kilang lo vanto sung panin note kang dawng hi; keima in Meribah tuite ah note kang zelah hi. Selah

Paikhiatna 1:11

Tua ahi ziehin thona-aana sepsahna tawh amate a gawt dingin a tung vuah nasem uhte a koi uhi. Amate in Pharaoh adingin ankholna khuopite ahi, Pithom le Rameses-te a lam uhi.

Paikhiatna 12:41

Kum zali le kum sawmthum a cin tuami ni ma-in, Egypt leitang panin a unpi-un Topa’ mihonte a peikhie uhi.

Paikhiatna 12:51

Khumi ni ma-in Topa in Egypt gam panin Israel-te a honhonin a peipi hi.

Paikhiatna 13:14

Mai lam hunah na tapa in tami bang a cinopna ahiei?’ ci-a ang dawh ciengin ama kungah, ‘Saltanna Egypt panin a thahat khut tawh Topa in ei na peipi hi.

Paikhiatna 13:16

Tua khu na khut tungah lim bang hi ding a, na talpang tungah ciemtena lim bang hi ding hi. Azieh pen Topa in a banhat tawh Egypt gam panin eite ei peipi hi,” a ci hi.

Paikhiatna 13:3

Moses in mite kungah, “Na sal tanna Egypt gam panin na pei ni uh ahi tami ni phawh un, azieh pen Topa in a thahat khut tawh khum mun panin note ang peipi hi; tol kisaw anlum kine lo ding hi.

Paikhiatna 15:13

“A tul ngai lo na itna tawh nangma in na tatsate na pui a; a siengtho na tenna munah na hatna tawh amate na pui hi.

Paikhiatna 16:6

Tuaci’n Moses le Aaron in Israel-te zosie kungah, “Nitah ciengin Topa pen Egypt gam pana note ang peipi pa ahi lam na thei ding uhi.

Paikhiatna 18:1

Pasien in Moses le a mi Israel-te dinga a sepna teng le, Topa in Egypt panin Israel-te a peipina thu zosie Moses’ sungpa, Midian siempu Jethro in a unin a za sieng hi.

Paikhiatna 2:11

Ni khat, Moses a gol zaw ciengin a mite kungah pei-in a thona-aana a septe uh a mu hi. Egypt mi khat in a sanggam Hebrew mi khat a sat ama in mu hi.

Paikhiatna 3:17

Egypt’ gimna panin Canaan-te, Hit-te, Amor-te, Perez-te, Hiv-te le Jebus-te’ leitang, bawngnawi le khuoizu luonna leitangah note kang peipito ding hi,’ ci hi,” va ci ta’n.

Paikhiatna 3:8

Egypt-te khut sung panin amate a hunkhie ding le khum gam panin a hoi a tanzau leitang, bawngnawi le khuoizu a luonna leitang, Canaan-te, Hit-te, Amor-te, Perez-te, Hiv-te le Jebus-te’ opna munah amate a peipi dingin kang peisuh zo hi.

Paikhiatna 32:11

Ahi vangin Moses in Topa a Pasien kungah thum vangut a, “Topa aw, nangma in na vanglietna le na banhat tawh Egypt leitang pana na peipi na mite tungah bang dingin sinso ding na hei?

Paikhiatna 6:2

Pasien in zong Moses hopi-in ama tungah tam bangci hi: “Keima Topa ka hi hi.

Paikhiatna 6:29

ama in, “Keima in Topa ka hi hi. Nang tunga kang gen zosie Egypt kumpipa Pharaoh kungah gen in,” a ci hi.

Paikhiatna 6:8

Keima in Abraham, Isaac, le Jacob-te tungah pieh dinga ka ciemsa leitangah note kang peipi ding a, na luo dingun tua leitang kang pie ding hi. Keima in Topa ka hi hi,’ ci-un,” a ci hi.

Paikhiatna 7:4

Pharaoh in na thu ang ngai lo ciengin keima in Egypt tungah ka khut ka nga ding a, thukhenna nasepna lienpite tawh ka mipi Israel-te a honhonin Egypt gam panin ka peipi ding hi.

Paikhiatna 7:5

Egypt-te lang khatah ka khut zahin amate sung panin keima in Israel-te ka peikhietpi ciengin Egypt-te in keima Topa ka hina ei thei ding uhi,” a ci hi.

Isaiah 9:12

Nisuona lama Aram-te le nitumna lama Philistia-te in a kam uh kahin Israel a nawmval uhi. Tam thute zosie ziehin a lungthahna kihei lo hi; ama’ khut a kizahlai hi.

Isaiah 9:17

Tami thu ziehin Topa in a tangvalte uh tungah khuotuona nei loin, a tagate uh’ tung le a meigongte uh tungah lainatna a nei sih hi; azieh pen amate a unpi-un Pasien nei lo le sil hoilo bawlte ahi vua, kamham zosie in motna thu vive a gen hi. Tam thute zosie ziehin a lungthahna kihem loin, ama’ khut kizahlai hi.

Isaiah 9:21

Manasseh in Ephraim, Ephraim in Manasseh ne-in, tuale a ni tuohun Judah langpanton uhi. Tam thute zosie ziehin a lungthahna kihem loin, ama’ khut a kizahlai hi.

Jeremiah 21:5

Kei mama in lungthahna, lungsona le thangpaina lienpi tawh ka khut zahin ka banhat tawh note kang do ding hi.

Jeremiah 27:5

Keima in ka vanglienpi le a kizah ka khut tawh leitung le a mite le leitunga om ganhingte ka bawl a, ka pieh nuom khatpo tungah ka pie hi.

Jeremiah 32:21

Nangma in na mi Israel-te Egypt gam panin lim le na lamdangte tawh ahi a, a kizah nangma’ banhat tawh ahi a, mulkin huoitah tawh ahi zongin na ladawh hi;

Ezekiel 20:33

Keima a hing ka hi ma bangin, note tungah a hat ka khut, a kizah ka banhat le a kisungsuh ka thangpaina tawh pel loin kumpi ka sem ding hi, Topa Pasien in ci hi.

Nasepte 13:17

Tami Israel-te’ Pasien in i pu i pate na teel a, Egypt leitanga a op lai-un minam lien khatin na bawl a, tua gam panin a kilamto ama’ banhat tawh amate na peipi hi.

Thupiakkikna 11:2

Note in na phaw ding vuah tuni-in na tate uh (na Topa Pasien uh’ khalna a thei nai lo ahi sihle a mu nai lo na tate uh hi loin), a vanglietna, a thahatna, le a kizah a banhat,

Thupiakkikna 15:15

Egypt gamah sila na hina ule Topa na Pasien un ang tatkhiet uh ahi lam phawh un; tam thu ziehin tuni-in na tung vuah tam thupieh kang pie hi.

Thupiakkikna 26:8

Topa in a thahat a khut, a kizah a banhat, a zauhuoi a vanglietna, lim le na lamdangte lahna tawh Egypt panin ei na peipi hi.

Thupiakkikna 4:23

Tuaci’n Topa na Pasien un note tawh a bawl thuciemna mangngilin, Topa na Pasien un bawl vawt lo dinga ang kham lim khatpopo tawh kibangin a kikheng milim noma dinga na bawlkhah lo nadingun kidawm un.

Thupiakkikna 4:34

Ahi sihle Topa na Pasien un na mitmu-un Egypt gamah note dinga a bawl ma bangin zelahna, lim le na lamdangte, gal le sa, a vanglien le a thahatna le a zauhuoi mama tawh pasien dangkhat popo in minam dang khat panin minam khat ama’ mite hisah dingin va la-in peipi dingin a hanciem ngai amah?

Thupiakkikna 5:15

Egypt gamah sila na hina ule tua mun panin Topa na Pasien un a thahat khut le a kizah ban tawh ang peipina na phawh ding uhi; tua ahi ziehin sabbath ni na tan nading uh Topa na Pasien un thu ang pie hi.

Thupiakkikna 6:12

saltanna Egypt gam panin note ang peipi Topa na mangngil khah lo nading uh kidawm un.

Thupiakkikna 7:19

na mit utawh na mu uh zelahna lienpite, lim le na lamdangte, khut thahat le a kizah bante tawh ang peipi Topa na Pasien uh phawh un. Topa na Pasien un na giin uh mi zosie tungah tua bang lienin a bawl ding hi.

Thupiakkikna 7:8

Topa in na saltanna uh Egypt kumpipa Pharaoh’ khut sung pan ang hutkhiet a, a vanglietna tawh ang peipina pen Topa in note hing itin na pu na pate uh kunga a kiciemna a zuina zieh ahi hi.

Thupiakkikna 9:29

Bangzieh ahei cile amate pen na vanglietna le a kizah na ban tawh na peipi nangma’ neisa mite ahi hi,” ka ci hi.