Paikhiatna 32:32 - Zo Bible

³² Ahi vangin tu-in a mawna uh maisah in, na maisah zawh sih ding leh nangma’ gielsa laibupi panin ka min ei phiet dawh ta’n,” a ci hi.

LAISIENGTHOU CL Bible (BSI)

³² Hitananlezong akhelna uh na ngaidam thei na diei, na ngaidam thei sih ding leh, kahing ngen hi, na laibu sunga na gelsa apat hepitahin hing thaimang mai in achi hi.”

Zokam International Version

³² Ahi hangin tu-in amaute mawhna maisak in - na maisak zawh kei leh na gelhsa laibu panin kei hong phiat in," a ci hi.

Paikhiatna 32:32 ပူးပေါင်းရင်းမြစ်များ

2 Samuel 18:33

Kumpipa’ lungsim nahpi-in sukha a, tunkot tunga inndanah a kato pumin a kap hi; tuale ama in, “Aw ka tapa Absalom, ka tapa, ka tapa Absalom! Nang si tangin kei sizaw ve leng izaw. Aw Absalom, ka tapa, ka tapa!” a ci hi.

Phatna-late 139:16

Nangma in a kipiengsah nai lo ka pumpi nate na mit in a mu hi. Tuate khat beh a op masang, ka ni za ding zosie a kise lai-in, nangma’ laibu sungah tua thu teng zosie kigiel zo hi.

Phatna-late 56:8

Nang in ka da ka kaanate na ciemte zo ta a, nangma in na thawl sungah ka hlituite na thun hi. Na ciemtena laibu sungah tuate om hi lo amah?

Phatna-late 69:28

A hingte’ laibu sung panin amate kiphietmang taheh; midihte lahah a min uh kikhum sih heh.

Paikhiatna 32:10

Keima in amate tungah ka sinso-in ka manthaisah nadingin kei guohin ei omsah un. Nang na hi leh minam lien khatin kang bawl ding hi,” a ci hi.

Isaiah 4:3

Zion khuo-a kinuasie mi poma le Jerusalem-a a omlai teng, Jerusalem ah khang tungtawn a om dingin a kiciemtesa mi zosie a siengtho kici ding a,

Ezekiel 13:9

Ka khut in mangmuna zuou a mu le aisanna zuou a gen kamsangte ka langpang ding hi; ka mite thu vaihawmna-ah amate kihal lo ding a, Israel innkuon laibu sungah zong a min uh kikhum loin, Israel gamah a lut thei sih ding uhi; tuale note in keima Topa ka hi lam nei thei ding uhi.

Daniel 12:1

“Khum hunin na mite a cing ulienpipa Michael ang khang ding hi. Minamte piencil a kipanin a pieng ngai nai lo lungkhamna hun ang tung ding hi. Hizongnanle khum hun ciengin laibu sunga a kigiel a min kimukhie zosie kihunkhie ding hi.

Amos 7:2

Amate in khum gama lopate a khawn sieng zaw ciengun keima in, Topa Pasien aw, ei maisah in, hing thum ingh! Jacob in bangci thuoh zo ding ahei? Ama neu seng luo hi,” ka ci hi.

Malachi 3:16

Tua ciengin Topa a zatah mite khatlekhat a kiho uhi. Topa in amate thudonin a thu uh a ngaipieh a, Topa a zatah mite le a min a lungngai mite adingin ama mai-ah phawna laibu khat kigiel hi.

Malachi 3:17

Amate keima-a’ hi ding a, na ka sep ni ciengin amate keima’ neituomte ahi ding uhi, Vanglien Topa in ci hi. Nu le pate in amau’ na a sem a tate a hinkhawi bangin ken zong amate ka hinkhawi ding hi.

Misimna 11:15

Tam banga kei ei bawl ding na hi leh thakhatin ei that zaw vet in. Na muna-ah maipha ka nga leh ka gentheina ei musah sin,” a ci hi.

Misimna 11:25

Tua ciengin meii sungah Topa kumsuhin ama hopi a, ama’ sunga hla themkhat ladawhin upa sawmsagite sungah a guong hi; tuale amate tungah tua hla a tuh ciengin kamsangte bangin thu a gen uhi. Hizongle tua bangin amate a gamtakia nawn sih uhi.

Misimna 14:19

Egypt gama a peikhiet vua kipan tu dong nangawnin tam mite’ khielna na maisah ma bangin a lien mama na itna kip dung zui-in tam mite’ khielna maisah in,” a ci hi.

Luke 10:20

Hizongle dawite in na thu uh a man ziehin lungdam sih unlen, tua sangin vantungah na min uh a kigiel ziehin lungdamzaw un,” a ci hi.

Luke 23:34

Tua ciengin Jesu in, “Pa aw, amate in bang bawl ci thei lo uh ahi ziehin a mawna uh na maisah in,” a ci hi.) Tuale amate in lai-ai sanin a puonte a hawm uhi.

Rome-te 9:3

Bangzieh ahei cile cilesa panin ka mipi ka unaute tangin Khris panin kei mama samsiet le pampai-in om mai leng ka nuom hi.

Thupiakkikna 25:19

Tua ahi ziehin Topa na Pasien un na nei ding vua gouluo-a ang piehsa leitang tung muncin tengah Topa na Pasien un na galte zosie panun tawlngahna ang pieh hun ciengin, vansin nei panin Amalek-te phawna na phietmang ding uhi; mangngil vawt sih un.

Thupiakkikna 29:20

Amau’ langkhatah meikhu bangin Topa’ lungthahna le thangsietna kitungto ding ahi ziehin Topa in amate a maisah nuom sih ding hi. Tami laibu sunga a kigiel samsietna zosie amate tungah tung ding a, Topa in mun vannuoi panin amau’ min phiet maimang ding hi.

Thupiakkikna 9:14

Amate susie-in vansin nei pan a min uh ka phietmai thei nadingin keima guoh ei omsah un; tuale amate sangin a thahatzaw le a citamzaw minamin nang kang bawl ding hi,” ei ci hi.

Philippi-te 4:3

Hi hi, a muonhuoi ka guolpa aw, tami numeite gel na panpi nadingin zong kang thum hi, bangzieh ahei cile Clement le hinna laibu sunga a min kikhumsa adang ka naseppite tawh lungdamna thu tangko nasepna ah ka panga a ding nasep hanciem mamate ahi uhi.

Kilaakna 17:8

Tua na mu gamsa pen nidangin om ngai-in tu-in om nawn lo hi., mong nei lo lei kawhawm panin a pusuoh dingin ang kisa a, tuale sietna thuoh dingin a pei ding hi. Tua gamsa pen om ngai zo a, tu-in om nawn lo napi ang peikia ding ahi ziehin leitung kisiem cila kipanin hinna laibu sunga a min a kigiel kha lo leitunga teng mite in tua gamsa a mu ciengun lamdang a sa ding uhi.

Kilaakna 21:27

Ahi vangin tua sungah a siengtho lo bangma lut thei lo ding a, a kidahhuoi le zuouphuote khatpo zong lut thei loin, Tuuno hinna laibu sunga a min kigielte beh lut thei ding uhi.

Kilaakna 22:19

Mi khatpo in tami kamsanna laibu sunga thute a lahkhiet leh, Pasien in zong tami laibu sunga kigielsa ahi hinna singkung le khuopi siengtho sunga tua mipa nga ding satanh a lahpieh ding hi.

Kilaakna 3:5

Na guolzaw leh nang zong amate bangin puonpaa ang kisilsah ding a, hinna laibu sung panin na min ka phiet sih ding hi. Ka Pa mai le ama’ vantungmite mai-ah na min ka pulah ding hi.