Paikhiatna 32:11 - Zo Bible

¹¹ Ahi vangin Moses in Topa a Pasien kungah thum vangut a, “Topa aw, nangma in na vanglietna le na banhat tawh Egypt leitang pana na peipi na mite tungah bang dingin sinso ding na hei?

LAISIENGTHOU CL Bible (BSI)

¹¹ Hinanleh Mosi in Mangpa a Pasian kungah angen a, “Mangpa silbawltheina nasatah leh khut hattah a Izipt gam a kipat a na puidoh na mite tunga bang dinga na lungthahna na kuonsah ding ahiei mah?

Zokam International Version

¹¹ Ahi hangin Moses in TOPA ama Pasian’ angvanna a zong hi. Amah in, "TOPA aw, vanglianpi le a thahat khut tawh Egypt pana na paikhiatpih na mite tungah bang hangin na hehna kuang ding ahi hiam?

Paikhiatna 32:11 ပူးပေါင်းရင်းမြစ်များ

Piancilna 18:27

Abraham in dawng a, “Leivui le vut bang bep lel ahi keima in Topa kungah thu ei gensah in.

1 Kumpite 8:51

(Azieh pen amate, Egypt sia meiphuol sung pana na peipi nangma’ mi le nangma’ gouluo ahi uhi.)

Nehemiah 1:10

Amate pen nangma’ vanglietna le a thahat nangma’ khut tawh na tatkhietsa nangma’ nasemte le nangma’ mite ahi uhi.

Phatna-late 106:23

Tua ahi ziehin ama in amate susie ding a, a susie ding ahi ama’ lungthahna panin a heikhie dingin a mai-ah ama’ teelpa Moses ding lo hi leh, amate ka susie ding hi, a ci hi.

Paikhiatna 32:7

Topa in Moses kungah, “Thakhatin kumsuh in! Egypt leitang pana na peitopi na mite a lelamin a gamta sieng ta uhi;

Paikhiatna 6:6

Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

Paikhiatna 8:8

Tua ciengin Pharaoh in Moses le Aaron hlanin, “Kei le ka mite kung panin uphawhte a lah nadingin Topa kungah thu ngen un. Topa kungah biehna lui dingin mite ka peisah ding hi,” a ci hi.

Isaiah 63:17

Topa aw, kote in nangma kang giin lo nadingun, bang dingin na lampite panin kote ei pielsah a, kohaw’ lungtang na khausah ahei? Na nasemte, na gouluo minamte nei khuolna-in ang kilekia in.

Jeremiah 15:1

Tua ciengin Topa in keima kungah tam bangin a gen hi: Ka mai-ah Moses le Samuel hing ding nan uleh tam mite lamah ka lungtang a kihei tuom sih ding hi. Ka muna panin amate del dawh unlen peimangsah ta un!

Tamlawhna 2:20

Topa aw, en inlen ngaisun in! Koi tungah tam bangin na bawl ngel ahei? Nupite in a hinsa uh a tate’ sa a ne talawm ding uh amah? Topa’ mun siengtho ah siempute le kamsangte a kithat ding amah?

Ezekiel 20:9

Ahi vangin amau’ tenpi minamte mai-ah ka min a kigensiet lo nadingin ka min ka khuolna tawh na ka sem a, amate muna-ah kei mama kipholahin Egypt gam panin amate ka peipi hi.

Daniel 9:15

“Khut thahat khat tawh Egypt panin na mite peipi-in tuni cieng dong nangawnin na min a thangsah kote’ Topa Pasien aw, tu-in kote ka maw vua, ka gitlo gamtat ta uhi.

Joel 2:17

Maitam le talaap kikalah Topa’ nasem siempute kap uheh. Amate in, “Topa aw, na mite suohta sah inlen, nangma’ gouluote, minamte lahah simmaw le thu gentena-in ei kineisah poma sin. Bang dingin mite lahah, ‘A Pasien uh hei-a om ahei?’ ei kici ding ahei, cisah un,” a ci hi.

Misimna 11:11

Tuaci’n Moses in Topa kungah, “Bang dingin na nasempa ei ci bawlsiet na hei? Bang dingin na maipha ei musah loin tam mite zosie’ vangih kei tunga nang ngah ahei?

Misimna 14:13

Ahi vangin Moses in Topa kungah, “Tua hi mawh leh Egypt-te in tua thu a na za ding uhi. Azieh pen nangma in amate lah panin na thahatna tawh tam mite na peipi ahi a,

Misimna 16:22

Amate kunsuhin, “Pasien, mi zosie’ hlagau a pie Pasien aw, mi khat’ khielna ziehin mihon zosiepi tungah lungthah ding na mah?” a ci uhi.

Misimna 21:7

Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.

Misimna 27:4

Ama in tapa a nei lo ziehin bang dingin a be sung panin ka pa uh’ min kiphiet talawm ding ahei? Ka pa sanggamte lahah ka luo ding uh ei pie un,” a ci uhi.

1 Samuel 15:11

“Kumpi-a Saul ka koikhah ka kisia hi, azieh pen keima ei zuina panin kinua hei-in ka thupiehte sem lo hi,” a ci hi. Samuel lungthah a, zan tungtawnin Topa tungah a kiko hi.