Paikhiatna 20:2 - Zo Bible

² Kei pen saltanna gam Egypt pana ang peipi Topa na Pasien uh ka hi hi;

LAISIENGTHOU CL Bible (BSI)

² “Kei Mangpa na Pasian, Izipt gam a na hentatna inn ua kipat a hing puidoh pa ka hi.

Zokam International Version

² "Keimah TOPA note’ Pasian, sila suahna gam, Egypt pana note hong paikhiatpih pa ka hi hi.

Paikhiatna 20:2 ပူးပေါင်းရင်းမြစ်များ

1 Kumpite 18:39

Mi zosie in tuate a mu ciengun tuolah a bawhsuh vua, “Topa pen Pasien tahtah ahi hi; Topa pen Pasien tahtah ahi hi,” a ci uhi.

2 Kumpite 17:12

Topa in amate kungah, “Note in tamte haw’ na na sem sih ding uhi,” a ci milimte’ na a sem uhi.

2 Kumpite 17:7

Tami thu a pienna pen Egypt kumpi Pharaoh’ khut nei Egypt gam panin amate a peipi Topa a Pasien uh tungah Israel mite a maw zieh uh ahi hi. Amate in pasien dangte a bie vua,

2 Khangthute 28:5

Tua ahi ziehin a Topa Pasien in Aram kumpipa’ khut sungah ama pie a, Damascus ah a mite tampitah salin a peipi hi. Mi tampi thatin ama a zo Israel kumpipa’ khut sungah zong ama kipie hi.

Phatna-late 50:7

Ka mite aw, za un, keima in thu kang gen ding hi, Israel aw, na langkhatah keima teci ka pang ding hi. Kei pen Pasien ka hi a, noma’ Pasien ka hi hi.

Phatna-late 81:10

Kei pen Egypt gam panin note ang peipi to, na Topa Pasien uh ka hi hi. Na kam uh golkah un, keima in kang dim ding hi.

Phatna-late 81:11

“Hinanle ka mite in ka thugen a ngai sih uhi; keima tungah Israel-te ang kipha sih uhi.

Phatna-late 81:7

Na lungkham uh ciengin keima nei hlan vua, keima in note kang hunkhie hi; a kilang lo vanto sung panin note kang dawng hi; keima in Meribah tuite ah note kang zelah hi. Selah

Paikhiatna 13:14

Mai lam hunah na tapa in tami bang a cinopna ahiei?’ ci-a ang dawh ciengin ama kungah, ‘Saltanna Egypt panin a thahat khut tawh Topa in ei na peipi hi.

Paikhiatna 13:3

Moses in mite kungah, “Na sal tanna Egypt gam panin na pei ni uh ahi tami ni phawh un, azieh pen Topa in a thahat khut tawh khum mun panin note ang peipi hi; tol kisaw anlum kine lo ding hi.

Paikhiatna 15:13

“A tul ngai lo na itna tawh nangma in na tatsate na pui a; a siengtho na tenna munah na hatna tawh amate na pui hi.

Paikhiatna 15:16

Amate tungah zauna le citutna a tung hi. Topa aw, na mite in a kalsan masang, na tatsa mite in a kalsan masangin, na ban hat ziehin amate suongtum bangin pia loin om uhi.

Paikhiatna 15:26

Ama in, “Topa na Pasien uh’ aw limtah ngai-in ama muna-ah a manin na semin a thupiehte na thudon vua, a thukhamte na zui uleh note tungah Egypt gama ka tunsah natnate khat zong kang tungsah sih ding hi; bangzieh ahei cile kei khu note ang damsah Topa ka hi hi,” a ci hi.

Paikhiatna 20:1

Tua ciengin Pasien in tam thu teng a gen hi:

Paikhiatna 29:46

Amate lahah ka ten thei nadingin Egypt gam pana a peipi pa Topa a Pasien uh ka hi lam amate in ei thei ding uhi; Keima amau’ Topa ka hi hi.

Paikhiatna 6:6

Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

Isaiah 43:3

Azieh pen keima Topa na Pasien uh, Israel-te’ Siengtho Pa, na hundampa ka hi hi. Nangma tat nadingin Egypt ka pie a, nang tawh kihleng dingin Ethiopia le Seba ka pie hi.

Jeremiah 16:14

Tua ahi ziehin mite in, “Egypt gam panin Israel mite a peipi Topa a hing ahi ma bangin,” ci-in keima’ minin a kiciem nawn lo uh hun ang tung valon ding hi,” Topa in ci hi.

Jeremiah 2:6

Amate in, “Egypt gam panin eite ei peipi to-in gammang lahah ei na pui a, senel gam le dumte lah, leigaw gam mielking lah, tui a oplona gam, koima pei ngai lona gam le koima ten lona gam sungah ei peipi pa “Topa hei-ah om ahei,” a ci sih uhi.

Jeremiah 31:1

Khum hun ciengin Israel innkuonte zosie’ Pasien ka hi ding a, amate ka mi ahi ding uhi, Topa in ci hi.

Jeremiah 31:33

Khum hun zaw cienga Israel innkuonte tawh ka bawl ding thuciemna tami hi zaw ta ding hi, Topa in ci hi: Amate sungah ka thukham ka koi ding a, amau’ lungtang tungah ka giel ding hi; tuale kei amau’ Pasien ka hi ding a, amate keima’ mite ahi ding uhi.

Jeremiah 34:13

Israel’ Pasien, Topa in tam bangin ci hi: Kei mama in saltanna Egypt gam panin na pu na pate uh ka peipi lai-in amate tawh thuciemna khat ka bawl a,

Ezekiel 20:19

Keima Topa na Pasien uh ka hi hi; keima’ thukhamte zui unlen, ka ngaina kipte limtahin tang un.

Ezekiel 20:5

amate tungah tam bangin gen in: Israel ka teel ni-in, Jacob innkuon’ suonlehlahte tungah kiciemin Egypt gam sunga a om amate ka kitheisah a, amate tungah keima Topa na Pasien uh ka hi hi, ci-in ka kiciem hi.

Ezekiel 20:7

Tuale amate kungah ka genna-ah, mit hla vawt loin na et uh sil kidahhuoite paidawh unlen, Egypt milimte tawh noma le noma kibuasah sih un; keima Topa na Pasien uh ka hi hi, ka ci hi.

Hosea 12:10

Kamsangte kungah thu ka gen hi; mangmunate a khangsah pa kei ka hi a, kamsangte tungtawnin kisietna ka tungsah ding hi.

Hosea 13:4

Hinanle Egypt gama kipanin kei pen Topa na Pasien uh ka hi hi; note in keima longal Pasien dang na thei sih uhi.

Siampi Laibu 11:45

Bangzieh ahei cile note’ Pasien ahi dingin Egypt gam pana nohaw ang peitopi Topa ka hi hi; kei a siengtho ka hi ma bangin no zong na siengtho ding uhi.

Siampi Laibu 19:36

Tawikhaina a man, tawisuong a man, ephah a man, hin a mante na nei ding uhi: Egypt gam pana note ang peipi keima Topa na Pasien uh ka hi hi.

Siampi Laibu 23:43

tuaci’n Egypt gam panin amate ka peipi lai-in buh sunga Israel mite ka tensahna thute na suonlehlahte un a thei ding uhi: Keima Topa na Pasien uh ka hi hi.

Siampi Laibu 25:38

Kei pen na Pasien uh ahi ding le note’ tunga Canaan leitang ang pie dingin Egypt pan ang peipi Topa na Pasien uh ka hi hi.

Siampi Laibu 25:42

Azieh pen Egypt gam pana ka peipi amate pen keima’ nasemte ahi uhi; silate kizua bangin amate kizua lo ding hi.

Siampi Laibu 25:55

Bang ding ahei cile Israel mite pen kei adingin ka nasemte ahi uhi; amate pen keima in Egypt leitang pana ka peitopi ka nasemte ahi uhi: Keima Topa na Pasien uh ka hi hi.

Siampi Laibu 26:1

Noma adingin milimte na bawl sih ding vua, a kikhuoh milimte hile biehna songte hile phut loin na bieh dingun na gam sung vuah suong milimte na koi sih ding uhi; azieh pen keima Topa na Pasien uh ka hi hi.

Siampi Laibu 26:13

Amau’ sila na hi nawn lo nadingun Egypt gam panin note ang peipi Topa na Pasien uh ka hi hi; keima in na hahkolte uh ka hliehtawng zo a, a dingtangin lam kang peisah zo ta hi.

Amos 2:10

Note zong Egypt gam pan kang peipi to a, Amor-te leitang a luo dingin kum sawmli sung senel gamah kang pui hi.

Rome-te 10:12

Bangzieh ahei cile Judah mi le Greek mi kikalah a kikhiehna a om sih hi. Tua Topa ma pen mi zosie’ Topa ahi a, ama’ min a lo mi zosie tungah phaltahin thupha a pie hi.

Rome-te 3:29

Ahi sihle Pasien pen Jew mite’ Pasien beh amah? Gentile-te’ Pasien zong ahi sih amah? Hima hi, Gentile-te’ Pasien zong ahi hi.

Thupiakkikna 13:10

Ama in saltanna gam Egypt pana ang peipi Topa na Pasien uh kung panin na piel nading uh a hanciem ziehin suong tawh ama na seplia ding uhi.

Thupiakkikna 15:15

Egypt gamah sila na hina ule Topa na Pasien un ang tatkhiet uh ahi lam phawh un; tam thu ziehin tuni-in na tung vuah tam thupieh kang pie hi.

Thupiakkikna 20:1

Na galte do dingin na kuon vua, sakolte le a leengte, le a galkapte uh no-a’ sangin a tamzaw-a na mu ciengun amate na giing sih ding uhi; bangzieh ahei cile Egypt gam pana ang peipi Topa na Pasien un note ang ompi hi.

Thupiakkikna 5:15

Egypt gamah sila na hina ule tua mun panin Topa na Pasien un a thahat khut le a kizah ban tawh ang peipina na phawh ding uhi; tua ahi ziehin sabbath ni na tan nading uh Topa na Pasien un thu ang pie hi.

Thupiakkikna 5:6

Keima pen saltanna Egypt leitang pana note ang peipito Topa na Pasien uh ka hi a,

Thupiakkikna 7:8

Topa in na saltanna uh Egypt kumpipa Pharaoh’ khut sung pan ang hutkhiet a, a vanglietna tawh ang peipina pen Topa in note hing itin na pu na pate uh kunga a kiciemna a zuina zieh ahi hi.

Thukhente 2:1

Tu-in Gilgal panin Bochim ah Topa’ vantungmi peito a, “Egypt panin kang peipito a, na pu na pate kungah pieh dinga ka kamciemsa leitangah kang lutpi zo hi. Keima in, ‘No tawh ka thuciemna ka palsat ngai sih ding hi.

Thukhente 6:10

tuale keima in na kung vuah, ‘Keima Topa na Pasien uh ka hi hi; note in na tenna gam vua Amor-te’ pasien-te na zatah sih ding uhi,’ kang ci hi. Ahi vangin ka thu na ngai sih uhi,” a ci hi.