Paikhiatna 19:5 - Zo Bible

⁵ Tua ahi ziehin tu-in ka thu mangin ka thuciemna na zui uleh mi namcin lah panin keima’ gou nei manpha na hi ding uhi. A tahtahin leitung vannuoi keima- a’ hi a,

LAISIENGTHOU CL Bible (BSI)

⁵ Tuaziehin tuin ka thu na man ua, ka thuhun na zui tahtah u’leh, kei a dingin noute leitung mizousie te lah ah Gou manpha teltuom na hi ding uhi, aziehpen leitung pumpi kei a ahi.

Zokam International Version

⁵ Tu-in ka thu khempeuh nong man kima, ka thukhun na zuih leh, tua ciangin minamte khempeuh lak pan ka gou neih na hi ding uh hi. Leitung buppi kei aa ahi ta zongin

Paikhiatna 19:5 ပူးပေါင်းရင်းမြစ်များ

Piancilna 17:9

Pasien in Abraham kungah, “Nang le nang zaw cienga na suonlehlahte in a khangkhangun ka thuciem na zui ding uhi.

1 Kumpite 8:53

Bangzieh ahei cile Egypt panin ka pu ka pate na peipi lai-in na nasempa Moses tungtawnin na kamciemsa bangin na gouluo ahi dingin leitung mi zosiete lah panin amate na tel zo hi, Topa Pasien aw,” a ci hi.

1 Khangthute 17:22

Na mi Israel-te kumtawna nangma’ mi ahi dingin na bawl hi; tuale Topa aw, nang pen amau’ Pasien na suoh hi.

Job 41:11

Ama tawh kisi a, a suohta koi ahei? - Vansin nei zosie-ah a koi pen ahei?

Job 41:3

Na kungah tamveipi ang thum ding amah? Kamdam tawh ang hopi ding amah?

Phatna-late 135:4

Bangzieh ahei cile Topa in ama dingin Jacob teel zo a, ama’ neisa dingin Israel teel zo ta hi.

Phatna-late 24:1

Leitung le a sunga om zosie hile, leitung le a tunga tengte hile, Topa-a’ ahi hi;

Phatna-late 25:10

Ama’ thuciemna le a thupiehte a zuite adingin, Topa’ lampi zosie pen itna kip le citahna ahi hi.

Paikhiatna 15:26

Ama in, “Topa na Pasien uh’ aw limtah ngai-in ama muna-ah a manin na semin a thupiehte na thudon vua, a thukhamte na zui uleh note tungah Egypt gama ka tunsah natnate khat zong kang tungsah sih ding hi; bangzieh ahei cile kei khu note ang damsah Topa ka hi hi,” a ci hi.

Paikhiatna 23:22

Ahi vangin ama’ aw limtahin ngai-in ka thu gen zosie na sep uleh na galte’ gal ka hi ding a, na langte’ lang ka hi ding hi.

Paikhiatna 24:7

Tua ciengin ama in thuciemna laibu la a, mipite’ zahin tua laibu a sim hi. Tuale amate in, “Topa’ thugen zosie bawlin thu ka mang ding uhi,” a ci uhi.

Paikhiatna 34:9

Ama in, “Tu-in nangma muna-ah maipha ka nga leh Topa aw, kang thum hi, kote tawh Topa hing pei in. Tam mite ngawngkhauh minam ahi zongun ka khielna ule ka mawna uh ei ngaidam inlen, na gouluo dingin kote ei la in,” a ci hi.

Paikhiatna 6:7

Keima’ mi dingin note kang la ding a, na Pasien uh ka hi ding hi. Egypt mite’ vangih pana a suohta sah, Topa ka hina uh note in na thei ding uhi.

Paikhiatna 8:22

Ahi vangin tua ni ciengin tami leitangah kei Topa ka hina na thei nadingun, ka mite tenna Goshen leitang ankuong tho honpite in a bop lo nadingin ka tuom koi ding hi.

Paikhiatna 9:29

Moses in ama kungah, “Tam khuopi panin ka pusuo behin Topa lamah ka khut ka zah ding hi. Leitung in Topa-a’ ahi hi, ci-in na thei nadingin vanto khawlin gielpi veng ding hi.

Zailate’ Zaila 8:12

Ka lengga lei, keima’ aituom, keima-a’ hi. Solomon aw, tulkhat tang in; losapte in a lawman dingin zani tang heh!

Isaiah 1:19

Note na lungkim vua thu na man uleh, leitang pana a pieng ga hoite na ne ding uhi;

Isaiah 41:8

Hinanle nang ka nasem pa Israel, kang teelsa Jacob, ka guolpa Abraham’ hlahlesuon;

Isaiah 43:1

Ahi vangin tu-in Jacob aw, nangma ang siempa, Israel aw, nangma ang bawlpa, Topa in tu-in tam bangin ci hi: Nang kang tat zo tah ziehin zau sin; na minin kang hlan zo ta a, nang pen keima-a’ na hi hi.

Isaiah 56:4

Bangzieh ahei cile Topa in tam bangin ci hi: Ka sabbath nite tangin ei lungdamsah thei nate teel a, ka thuciemna a tukip a kiget mite tungah,

Jeremiah 10:16

Jacob’ tanh Topa pen tamte bang ahi sih hi, azieh pen na zosie a siem pa ama ahi a, Israel pen ama’ gouluo minam ahi hi; ama’ min pen Vanglien Topa ahi hi.

Jeremiah 13:11

Bangzieh ahei cile mite’ kawngah tua puon kawngten a beh cihteh bangin, keima’ mi ding, keima’ minthanna ding, keima ei kiphat nading, le keima’ thupi nadingin keima tungah Israel innkuon bup le Judah innkuon buppi ka behsah cihteh ding hi, Topa in ci hi. Ahi vangin amate in ka thu a ngai sih uhi.

Jeremiah 7:23

Hizongle amate tungah, “Ka thu mang un, tua hile keima note’ Pasien ka hi ding a, note zong keima’ mite na hi ding uhi; note na nopsah thei nadingun kang thupieh lampi beh zui un,” ci-in thu ka pie hi.

Ezekiel 16:8

Na kungah hing suohkia-in nang ma kang en hi; zawl dei-in lawm ngai na cing ta hi. Keima in ka puon mong zahin na zumsel teng kang khupieh hi. Keima in nangma kang kamciem a, nangma tawh thuciemna khat bawlin, tuale nang pen keima-a’ na hi ta hi, Topa Pasien in ci hi.

Siampi Laibu 20:24

Ahi vangin na kung vuah kang gen zo hi: A leitang uh na luo ding vua, keima in noma’ nei dingun bawngnawi le khuoizu luonna leitang kang pie ding hi. Keima Topa na Pasien uh ka hi hi; mite lah panin note kang khenkhie zo hi.

Amos 3:2

Leitung innkuon zosie lahah no beh kang thei ahi bo hi; tua ahi ziehin keima in na khielna zosie ziehun dan kang pie ding hi.

Amos 6:1

Zion ah nuomtaha a tengte, Samaria Muol tungah lungmuonga a omte, minamte’ ulien pente, Israel innkuonte’ muon le suonte, gimna thuoh man va uciei!

Malachi 3:17

Amate keima-a’ hi ding a, na ka sep ni ciengin amate keima’ neituomte ahi ding uhi, Vanglien Topa in ci hi. Nu le pate in amau’ na a sem a tate a hinkhawi bangin ken zong amate ka hinkhawi ding hi.

1 Corinth-te 10:26

Azieh pen, “Leitung le a sunga sil bangkim Topa-a’ ahi hi,” na ci hi.

1 Corinth-te 10:28

Ahi vangin mi khatpo in na kungah, ‘Tami milim biehna sa ahi hi,’ ang ci leh tua ang gen mipa na khuolna le a sie le a pha theina lungsim ziehin na ne da mai in.

Thupiakkikna 10:14

Vantung le vantungte’ vantung, leitung le a sunga om zosie note’ Topa Pasien-a’ ahi a,

Thupiakkikna 11:27

Tuni-a kang gen Topa na Pasien uh’ thupiehte na zui uleh thupha ahi hi;

Thupiakkikna 14:2

Bangzieh ahei cile Topa na Pasien uh tungah a siengtho mite na hi uhi; leitung mi zosie lah panin ama’ nei gougil dinga Topa in ang teelsa na hi uhi.

Thupiakkikna 14:21

A mawhsi ganhing poma na ne sih ding uhi; na khuo sung vua a teng khuol mite neh dingin na pie thei vua, ahi sihle gamdang mite kungah na zua thei ding uhi. Azieh pen Topa na Pasien uh tungah a siengtho mi na hi uhi. Keelno a pi’ nawizu tawh na huonton sih ding uhi.

Thupiakkikna 26:18

Tuni-in Topa in na tung vua ang ciemsa bangin ama in ama’ nei ding mi le ama’ thukhamte a zui dingin na thukimna uh a nga zo ta hi;

Thupiakkikna 26:19

ama in a bawlsa minam zosiete tungah a kiphatzaw, a minthangzaw, le a kipatawizaw-in ang koi ding hi; tuale ama’ ang ciemsa bangin Topa na Pasien uh adingin a siengtho mi na suoh ding uhi.

Thupiakkikna 28:1

Topa na Pasien uh’ thu na man vua, keima in tuni-a na tung vua kang gen ama’ thupiehte zosie limtaha na zui uleh, Topa na Pasien un leitunga minam zosiete tungah ang koi ding a,

Thupiakkikna 28:9

Topa na Pasien uh’ thupiehte zui-in ama’ lampi na tot nah uleh na tung vua ang ciemsa bangin a mi siengtho dingin Topa in note ang sukip ding hi.

Thupiakkikna 4:20

Ahi vangin tu-a na omdan bang vua ama’ mi na hi thei nadingun Topa in sia meikhuh tawh a kibang Egypt panin hing la-in ang peipi zo ta hi.

Thupiakkikna 5:2

Topa i Pasien in Horeb ah eite tawh thuciemna khat a bawl hi.

Thupiakkikna 7:6

Bangzieh ahei cile Topa na Pasien uh tungah note a siengtho mi na hi uhi; Topa na Pasien un leitung mi zosie lah panin ama’ mi ding le ama’ gougil nei dingin note ang teel zo hi.

Thupiakkikna 9:29

Bangzieh ahei cile amate pen na vanglietna le a kizah na ban tawh na peipi nangma’ neisa mite ahi hi,” ka ci hi.

Titus 2:14

Ama in eite gitlona zosie panin ei tankhie-in ama’ neituom mite ei sienthosah nading le nasep hoi i sep nop nadingin eite adingin amama ang kipumpieh zo hi.

Hebrews 11:8

Upna tawh a gouluo nga nadinga a kiciemna mun pei dingin Abraham a kihlat lai-in, a pei nading mun nangawn thei lo napi, thumangin upna tawh a pei hi.

Hebrews 8:9

Egypt gam panin amate peipi dinga a pu a pate uh ka khut tawh ka kai lai-a, amate tawh ka bawlsa thuciemna bang ahi sih ding hi; azieh pen amate in ka thuciemna a zop sih vua, tuaci’n ken zong amate ka thudon sih hi, Topa in a ci hi.

Joshua 24:24

Mite in Joshua kungah, “Topa ka Pasien’ na ka sem ding vua, a thu ka mang ding uhi,” a ci uhi.

1 Peter 2:9

Ahi vangin note na hi uleh khuomiel panin a lamdang ama’ khuovah sungah ang hlan pa’ nasepna lamdangte a phuongzah dinga ang kiteeltuom minam, kumpi siempu nam, a siengtho minam, le Pasien’ mite na hi uhi.

1 Samuel 15:22

Tuale Samuel in, “Topa in meihal biehnate le biehpiehnate, Topa thu man ding za-in dei luo ahi amah? Biehpiehna sangin thu man ding hoizaw tahtah a, tuutang thaute sangin thu ngai ding hoizaw hi.