Paikhiatna 18:11 - Zo Bible

¹¹ Topa pen pasien zosie sanga a lietzawh lam tu-in ka thei hi, azieh pen Egypt-te in Israel-te tungah kiphatsahna tawh a gamtat lai-un amate na hunkhie hi,” a ci hi.

LAISIENGTHOU CL Bible (BSI)

¹¹ Tuin pasien dang zousie sangin, Mangpa a thupi zaw hi chi ka thei ta, aziehpen kisatheitah a asilbawlte zousie tung ah Ama a um hi.”

Zokam International Version

¹¹ Israel-te tunga a ki-uangsakte tungah hih banga a sem pasian dang khempeuh sangin TOPA a liatzawk lam tu-in ka thei hi," a ci hi.

Paikhiatna 18:11 ပူးပေါင်းရင်းမြစ်များ

1 Kumpite 17:24

Tuaci’n numei in Elijah kungah, “Tu-in ahile nangma Pasien’ mi na hina le nangma’ kam sunga Topa’ thute a man ahina ka thei ta hi,” a ci hi.

2 Kumpite 5:15

Tua ciengin Pasien’ mipa kungah ama le a pawlte zosie a kilekia uhi; ama pei-in a mai-ah ding a, “Tu-in ahile Israel gam sung khat beh simlo, leitung mundang zosie-ah Pasien a om lo lam ka thei zo hi; hepina tawh na nasempa tung panin letsong khat ei sanpieh in,” a ci hi.

1 Khangthute 16:25

Bang zieh ahei cile Topa lien mama a, ama nahpi taha pawh ding ahi hi; ama pen pasien-te zosie sangin zatah zawh ding ahi hi.

2 Khangthute 2:5

Kote’ Pasien pen pasien dangte sanga a lietzawh ziehin ka biehinn lam ding zong a gol ding ahi hi.

Nehemiah 9:10

Amate in kihisahna tawh ka pu ka pate uh a bawl gawpna uh thei na hi ziehin, Pharaoh le ama’ nasemte zosie, le a gam sunga mi zosie’ langkhatah lim le na lamdangte na bawl hi. Nangma ading min khat na bawl a, tua khu tuni dongin a omlai hi.

Nehemiah 9:16

“Ahi vangin amate le ka pu ka pate kihisahin a ngawngkhauh vua, na thupiehnate a mang sih uhi;

Nehemiah 9:29

Tuale na thukham lamah amate ang kinuale thei nadingun thu na hil hi. Hinanle kiphasah tahin amate a gamta vua, na thupiehnate mang loin a zui mi khat a nungtasah thei ahi nangma’ ngaina kipte tungah a khiel zawsop uhi. Amate lungkhauhin a liengko a lehei vua, a ngawng uh vaipuohin thu a mang sih uhi.

Phatna-late 119:21

Na thupiehte pana a vahmang, a kisamsie, a kiphasahte na phawhsie hi;

Phatna-late 135:5

Azieh pen keima in Topa lien hi, ci ka thei hi; i Topa uh pen pasien-te zosie sangin lienzaw hi.

Phatna-late 31:23

No misiengthote aw, Topa it un. Topa in mi muonhuoite kem a, hinanle kiliensah taha gamtate nahpitahin thuhkia hi.

Phatna-late 95:3

Bangzieh ahei cile Topa a lien Pasien hi a, pasien zosiete tungah Kumpi lienpa ahi hi.

Phatna-late 97:9

Azieh pen Topa aw, leitung zosie tungah nangma a sangpen na hi hi; pasien zosiete tung pehah nang ang kitawisang hi.

Paikhiatna 1:10

Hing pei un, pilvang tahin amate bawl vai, tua banga i bawl sih leh amate ang pung ding a, gal le sa hing om leh ei do dingin i galte ang pawl ding vua, i gam panin ang taimang ding uhi.

Paikhiatna 1:16

“Hebrew numeite nau na dop ciengun nausuona topha tungah a to nausen en unlen, tapa ahile that un; tanu ahileh na hinkhawi ding uhi,” a ci hi.

Paikhiatna 1:22

Tua ciengin Pharaoh in ama’ mite zosie thupie a, “Hebrew-te sung panin a pieng tapa zosie Nile gun sungah na pai ding vua, ahi vangin tanu kici popo na hinkhawi ding uhi,” a ci hi.

Paikhiatna 10:3

Tuaci’n Pharaoh kungah Moses le Aaron pei-in, “Hebrew-te’ Pasien, Topa in tam bangci hi: ‘Ka mai-a nang kiniemkhieh ding bang tanvei niel sawm na hei? Amate in keima ei bieh thei nadingun ka mite peisah in.

Paikhiatna 12:12

Azieh pen khum zanin Egypt leitang ka nawhsuoh ding a, Egypt leitang tunga om tacil zosie, mihingte le ganhingte a nipi-in ka vatmai ding hi; Egypt pasien-te zosie tungah thu ka khen ding hi: Keima Topa ka hi hi.

Paikhiatna 14:18

Pharaoh le a sakol leengte le a leeng hawlte tungtawnin minthanna ka nga ciengin Egypt-te in Topa ka hi lam ei thei ding uhi,” a ci hi.

Paikhiatna 14:8

Topa in Egypt kumpi Pharaoh’ lungtang khauhsahin hangsan taha a pei Israel-te a nuadel hi.

Paikhiatna 15:11

“Topa aw, pasien-te lahah nangma tawh kibang koi om ahei? Sienthona-ah a lien, thupina-ah a lipkhap huoi, na lamdangte a bawl, nangma tawh kibang koi om ahei?

Paikhiatna 5:2

Ahi vangin Pharaoh in, “Ama thugen mangin Israel-te ka peisah na valia dingin Topa kici pa khu koi ahiei? Tua Topa ka thei kha vawt sih a, Israel-te zong ka peisah sih ding hi,” a ci hi.

Paikhiatna 5:7

“Masang lai bangin mite tungah tehlei bawl nading butu na pie nawn sih ding uhi; Peisah unlen amate ding butu khawmsah un.

Daniel 4:37

Tu-in keima Nebuchadnezzar in vantung Kumpipa phatin tawisangin zatahna ka pie hi. Azieh pen a nasep zosie thuman ahi a, a lampi zosie thutang ahi hi; ama in kilietsahna tawh a gamta mite a niemkhieh thei hi.

Misimna 33:4

Topa in amate lahah a satlia a tacil uh zosie Egypt-te in a vui laitah uh ahi hi. Topa in a pasien-te uh tung nangawnah thu a khen hi.

Luke 1:51

Ama in a ban tawh a thahatna lah a, kiphatsahna lungsim neite a thethang hi;

James 4:6

Hizongle ama in a lienzaw hepina ei pie a, tua ahi ziehin, “Pasien in a kisatheite do a, a kiniemkhiehte tungah hepina a pie hi,” ci hi.

1 Peter 5:5

Tua ma bangin no a khangdawng zawdeute in a khanghamte’ thu na mang un. Na unpi-un khatlekhat tungah kiniemkhiehna puon bangin na sil un, azieh pen, “Pasien in mi kiphasahte langpan a, mi kiniemkhiehte hepina a pie hi.”

1 Samuel 2:3

Kiphatsahna kam ham nawn sinlen, na kam sung panin kilietsahna pusuohsah nawn sin; bang zieh ahei cile Topa khu a thei Pasien hi a, gamtatnate ama tawh a kitawikhai hi.