Paikhiatna 17:14 - Zo Bible

¹⁴ Tua ciengin Topa in Moses kung ah, “Ciemtena ahi dingin laibu sungah tami thu giel inlen, Joshua’ zahin tua thu sim in: Keima in vansin nei panin Amalek-te kiphawna ka phietmai ding hi,” a ci hi.

LAISIENGTHOU CL Bible (BSI)

¹⁴ Tuachi’n Mangpa’n Mosi kungah, “Tami thu theizingna dingin laibu sungah giel inlen Joshua bil ah zanonsah zel in, Amalek theizingna khu vannuoi apat phiet mang kilkel ding ka hi ziehin a chi hi.”

Zokam International Version

¹⁴ Tua ciangin TOPA in Moses kiangah, "A kiciamteh den dingin hih thu laizial tungah gelh inla, Joshua zasak pelmawh in, bang hang hiam cih leh van nuai panin Amalek mite phawkna ka phiatsiang kiuhkeuh ding hi," a ci hi.

Paikhiatna 17:14 ပူးပေါင်းရင်းမြစ်များ

2 Samuel 1:1

Saul a si zaw, Amalek-te zo-in David a kilekia ciengin Ziklag ah David ni ni sung a taam hi.

2 Samuel 8:12

Edom, Moab, Ammon-te, Philistia-te, le Zobah kumpipa Rehob’ tapa Hadadezer in a nuasie van teng zong Topa tungah ap hi.

1 Khangthute 4:42

Tua ciengin amate kimkhat, Simeon-te mi zanga, Seir Muolah a pei vua, tuale amate in Ishi’ tapate Pelatiah, Neariah, Rephaiah, le Uzziel makai-in a nei uhi;

1 Khangthute 4:43

amate in a suohta Amalek-te a omlai teng a susie vua, khum munah tuni dongin a teng uhi.

Ezra 9:14

na thupiehnate kote in palsatkia-in, tami a kidahhuoi nate a bawl mite tawh kiteng kipikia ding ka hi uh amah? A omlai le a suohta koima a op nawn lo dongin ka tung vuah nang hing lungthahin ei susie lo ding na mah?

Job 18:17

Leitung panin a kiphawna uh kisie a, amate in lampi-ah min a nei sih uhi.

Job 19:23

“Ka thugente lai-in kigiel hinlen, laibu khat sungah kigiel leh nuom sam vang e!

Phatna-late 9:6

Tawntung sietna sungah galte a mangthai uhi; a khuopite uh na phungkal hi; a kiphawna mama uh kisie hi.

Paikhiatna 12:14

Tami ni pen note dingin phawna ni hi ding hi. Note in Topa tungah tuami ni pen pawi bawlna ni-in na zang ding uhi; na khang tungtawnun biehna ngaina kip khatin na nei zing ding uhi.

Paikhiatna 13:9

Na kam sung vuah Topa’ thuhilna a op thei nadingin note dingin tami khu na khut tung vuah lim khat hi ding a, na talpang tung vuah phawna khat hi ding hi; azieh pen Topa in a thahat khut tawh Egypt leitang panin note ang peipi hi.

Paikhiatna 17:13

Joshua in Amalek le ama’ mite namsau tawh a zo gawp hi.

Paikhiatna 24:4

Tuale Topa’ thugen zosie Moses in a giel hi. Ama zingmawngin thobai-in muol bulah maitam khat lam a, Israel minam sawm le nite tawh kituohin khuom sawm le ni phut hi.

Paikhiatna 32:33

Ahi vangin Topa in Moses kungah, “Ka tunga ang maw poma ka laibu panin ka phiet ding hi.

Paikhiatna 34:27

Topa in Moses kungah tam bangin gen hi: “Tam thute giel in; tam thute tawh kituohin nangma le Israel tawh thuciemna khat ka bawl zo hi.

Paunakte 10:7

Midihte kiphawna pen thupha ahi a, migilote’ min muotmang ding hi.

Jeremiah 30:2

Israel’ Pasien, Vanglien Topa in tam bangin ci hi: Na kunga kang gensa thute zosie laibu khat sungah khum in.

Jeremiah 36:2

Laiziel khat la inlen, tua sungah Josiah’ kumpi sep hun sung, nang kang hopi ni-a kipanin tuni cieng dong Israel gam, Judah gam le minam zosie langkhatah na kunga kang gen zosie giel in.

Misimna 24:20

Tua ciengin ama in Amalek gam enin, a thuphuon tam bangin a gen hi: “Amalek, mi namte lahah a masa pen ahi a, ahi vangin a tawpna-ah kumtawn manthaina a thuoh ding hi,” a ci hi.

Misimna 33:2

Moses in Topa’ thupiehna tawh phuol khat pan phuol khat a amau’ kipatna munte a giel hi. Tam teng pen amau’ kipatna mun tawh kizui-in a giephuolte uh ahi hi.

Thupiakkikna 31:9

Tua ciengin Moses in tam thukham giel a, tuaci’n Topa’ thuciemna singkuong a puo Levi’ tapa siempute le Israel upa zosie tungah a pie hi.

Joshua 4:7

Topa’ thuciemna singkuong mai-ah Jordan tuite kikhenkhe hi. Tua in Jordan a galkai ciengin Jordan tuite kikhenkhe a, tuaci’n tam suongtumte Israel-te adingin kumtawn phawna hi ding hi,” na ci ding uhi.

1 Samuel 15:18

Tuale Topa in na sem dingin nangma ang sawl a, ‘Pei in; mawnei Amalek-te va thatgam sieng inlen, a si sieng dongun va sim tan,’ ei ci hi.

1 Samuel 30:1

Tu-in a ni thum ni-in Ziglak ah David le a mite a tun ciengun, Amalek-te in Negeb le Ziklag sim zo uhi. Amate in Ziklag simin mei tawh a haltum vua,

1 Samuel 30:17

David in zingmawng phalvah panin a zingni nitah dongin sim a, kalaoh tung tuonga a taimang tangval zali simlo amate lahah khat zong suohta lo hi.