Paikhiatna 12:41 - Zo Bible

⁴¹ Kum zali le kum sawmthum a cin tuami ni ma-in, Egypt leitang panin a unpi-un Topa’ mihonte a peikhie uhi.

LAISIENGTHOU CL Bible (BSI)

⁴¹ Tualeh kum zali leh kum sawmthum beinua in hichi ahing hia, tuami ni mama in hichi ahing hi a, Mangpa mipite zousie Izipt gam a kipat apeidohta uhi.

Zokam International Version

⁴¹ Kum 430 a bei ni lianin TOPA’ mi khempeuh in Egypt a nusia uh hi.

Paikhiatna 12:41 ပူးပေါင်းရင်းမြစ်များ

Piancilna 50:24

Tua ciengin Joseph in a sanggamte kungah, “Kei a si ding ka hi ta hi; ahi vangin na kung vuah Pasien ang pei valon ding a, tuale ama in tami leitang panin Abraham, Isaac, le Jacob tunga a ciemsa leitangah note ang peipito ding hi,” a ci hi.

1 Kumpite 6:1

Egypt gam panin Israel-te a peidawh lang kalsie kum zali le kum sawmgiet a cin kum, Israel-te’ tunga Solomon in a uh a kum lina, a hla nina Ziv hla sungin ama in Topa’ biehinn lam ding a kipan hi.

2 Khangthute 14:12

Tuaci’n Topa in Asa le Judah mite mai-ah Ethiopia-te zo a, Ethiopia-te a taimang uhi.

Phatna-late 102:13

Nangma tho-in Zion na hepi ding hi; bangzieh ahei cile nang in ama maipha na pieh ding hun ang tung ta ding hi; a kisesa hun ang tung ta hi.

Phatna-late 114:1

Israel-te, Egypt panin a pusuoh vua, kam lamdang a zang mite kung pan Jacob innkuon a peidawh ciengun,

Phatna-late 136:11

Amate lah panin Israel a peipi pa khu ama ahi hi, bangzieh ahei cile ama’ itna kip tawntung hi.

Paikhiatna 12:17

Tolsaw lo anlum pawi na bawl ding uhi, bang ding ahei cile tua ni ma-in keima in Egypt leitang panin na mihonte uh ka peipi hi: Na khang tawntungun tami ni pen biehna ngaina kip khatin na nei zing ding uhi.

Paikhiatna 12:51

Khumi ni ma-in Topa in Egypt gam panin Israel-te a honhonin a peipi hi.

Paikhiatna 13:14

Mai lam hunah na tapa in tami bang a cinopna ahiei?’ ci-a ang dawh ciengin ama kungah, ‘Saltanna Egypt panin a thahat khut tawh Topa in ei na peipi hi.

Paikhiatna 13:16

Tua khu na khut tungah lim bang hi ding a, na talpang tungah ciemtena lim bang hi ding hi. Azieh pen Topa in a banhat tawh Egypt gam panin eite ei peipi hi,” a ci hi.

Paikhiatna 13:3

Moses in mite kungah, “Na sal tanna Egypt gam panin na pei ni uh ahi tami ni phawh un, azieh pen Topa in a thahat khut tawh khum mun panin note ang peipi hi; tol kisaw anlum kine lo ding hi.

Paikhiatna 13:9

Na kam sung vuah Topa’ thuhilna a op thei nadingin note dingin tami khu na khut tung vuah lim khat hi ding a, na talpang tung vuah phawna khat hi ding hi; azieh pen Topa in a thahat khut tawh Egypt leitang panin note ang peipi hi.

Paikhiatna 3:10

Tuaci’n hing pei-in Egypt panin ka mi Israel-te a peipi dingin Pharaoh kungah kang sawl ding hi,” a ci hi.

Paikhiatna 3:8

Egypt-te khut sung panin amate a hunkhie ding le khum gam panin a hoi a tanzau leitang, bawngnawi le khuoizu a luonna leitang, Canaan-te, Hit-te, Amor-te, Perez-te, Hiv-te le Jebus-te’ opna munah amate a peipi dingin kang peisuh zo hi.

Paikhiatna 6:26

Topa in, “Egypt panin Israel-te a honhonin peikhiet pi in,” a cina mite pen tam Aaron le Moses-te ma ahi uhi.

Paikhiatna 6:6

Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

Paikhiatna 7:4

Pharaoh in na thu ang ngai lo ciengin keima in Egypt tungah ka khut ka nga ding a, thukhenna nasepna lienpite tawh ka mipi Israel-te a honhonin Egypt gam panin ka peipi ding hi.

Daniel 9:24

“Na mite le khuopi siengtho in khielna a tawpsan nading, mawna suhmang nading, le khielna zieha mawsut nading, kumtawn dihna a tun nading, kamsanna le mangmuna khahcip nading, le siengtho pen mun sathau nu nadingin nipikal sawmsagi sung kise zo hi.

Siampi Laibu 23:43

tuaci’n Egypt gam panin amate ka peipi lai-in buh sunga Israel mite ka tensahna thute na suonlehlahte un a thei ding uhi: Keima Topa na Pasien uh ka hi hi.

Habakkuk 2:3

azieh pen a kise hun adingin mangmuna khat om lai hi; tua in hun tawp ding thu gen ding a, zuou lo ding hi. A kiheh tuoh lezong ngah in; ang tung valon ding a, ang kiheh sih ding hi.

Misimna 23:22

Egypt panin amate a peipi Pasien khu amate adingin gam bawngtang’ kite tawh kibang hi.

Misimna 33:1

Moses le Aaron makaina tawh Egypt gam pan Israel-te a honin a pei lai-un, galkap kivaipuoh dan tawh a khuolzinna uh mun teng pen tam teng ahi hi.

John 7:8

No mama in tua pawi va sim ta un. Keima’ hun tungkim nai lo ahi ziehin tua pawi kang sim nai sih ding hi,” a ci hi.

Nasepte 1:7

Ama in, “Pa in ama’ thuneina tawh a sesa hun le nite note thei ding thu ahi sih hi.

Nasepte 7:36

Ama in Egypt gam, San tuipi le senel gam sungah kum sawmli sung lim le na lamdangte a bawl zaw ciengin amate a peipi hi.

Thupiakkikna 16:1

Topa na Pasien un Abib hla sungin Egypt panin zanin note ang peipi ziehun Abib hla tang unlen, Topa na Pasien vua dingin peisan pawi-in mang un.

Thupiakkikna 4:37

Ama in na pu na pate uh a it ziehin a nua sang vua a suonlehlahte hing teelin amama in Egypt panin vanglietna tawh note ang peipi a,

Joshua 24:5

Tua ciengin keima in Moses le Aaron sawlin a gam sunga ka sepnate tawh Egypt ka gimsah a, tua zaw ciengin note kang peipi hi.

Joshua 5:14

Ama in, “ Koima’ pawl ka hi sih hi; Topa galkapte’ galkapmangpa dinga ang pei ka hi hi,” a ci hi. Tuale Joshua lei-ah bawhsuhin bie a, ama kungah, “Ka Topa in a nasempa keima bang ei sawl nuom na hei?” a ci hi.