Paikhiatna 12:14 - Zo Bible

¹⁴ Tami ni pen note dingin phawna ni hi ding hi. Note in Topa tungah tuami ni pen pawi bawlna ni-in na zang ding uhi; na khang tungtawnun biehna ngaina kip khatin na nei zing ding uhi.

LAISIENGTHOU CL Bible (BSI)

¹⁴ Tuachi’n tuni khu nou a dingin thei zingna ni hivanin, na khang tan un Mangpa kunga annkuong luina niin na zang ding ua, kumtawn thugousie annkuonglui niin na mang ding uhi.

Zokam International Version

¹⁴ "Hih in na phawk tawntung ding uh ni khat ahi hi; akhang akhangin TOPA tungah pawi na bawl ding uh a - tua in a kip tawntung thuzek hi ding hi.

Paikhiatna 12:14 ပူးပေါင်းရင်းမြစ်များ

2 Kumpite 23:21

Kumpipa in mi zosie thu pie a, “Tam thuciemna laibu sunga a kigiel bangin Topa na Pasien uh kungah peisan pawi bawl un,” a ci hi.

Phatna-late 111:4

Ama in a na lamdang sepnate thei zing dingin a bawl hi; Topa pen migi-in mi khuotuo siem pa ahi hi.

Phatna-late 135:13

Topa aw, na min kumtawnin kip a, Topa aw, na minthanna khang tawntungin kip hi.

Paikhiatna 12:17

Tolsaw lo anlum pawi na bawl ding uhi, bang ding ahei cile tua ni ma-in keima in Egypt leitang panin na mihonte uh ka peipi hi: Na khang tawntungun tami ni pen biehna ngaina kip khatin na nei zing ding uhi.

Paikhiatna 12:24

Note le na tapate in biehna ngaina kip khatin tami dan na zang zing ding uhi.

Paikhiatna 12:43

Topa in Moses le Aaron kungah tam bangin gen hi: Tam pen Peisan pawi bawl dan ding ngaina kip ahi hi: Gamdang mi koima in tua khu a ne sih ding hi.

Paikhiatna 12:6

Tua tuuno, khumi hla ni sawm le ni li cieng dong na khum ding uhi; tua ciengin Israel mihon zosie in nitah lamin tuami gan go ding uhi.

Paikhiatna 23:15

Tolsaw lo anlum pawi na bawl ding uhi; keima in kang thupieh bangin Abib hla a kisesa hunin ni sagi sung tol saw lo anlum na ne ding uhi, bangzieh ahei cile tua hla sungin Egypt panin note na peikhie uhi. Ka mai-ah khutguoh tawh koima ang kilaa lo ding hi.

Paikhiatna 27:21

Tua meivah a kuon zing thei nadingin Aaron le a tapate in kikhopna puonbuh sung, thuciemna singkuong mai-a dalna puon pulamah, nitah pan zingmawng dongin Topa mai-ah vil ding uhi. Tua khu a khantan vua Israel-te in a zui ding uh ngaina kip khat hi ding hi.

Paikhiatna 5:1

Tua zaw ciengin Pharaoh kungah Moses le Aaron a pei vua, “Israel Pasien Topa in, ‘Senel gama kei kungah pawi khat a bawl thei nadingun ka mite peisah in,’ ci hi,” a ci uhi.

Ezekiel 46:14

Tuale ama in tuate tawh an tawh biehna ephah khat seguh suo se khat le anneel a tap suoh zo dingin sathau hin khat sethum-suo-sekhat zingmawng sielin pie zing ding hi; tam pen ngaina kipin kizang zing ding hi.

Siampi Laibu 23:6

tua hla a ni sawm le ni nga ni pen Topa tungah tol saw lo anlum pawi ahi hi; ni sagi sung tol saw lo anlum na ne ding uhi.

Zechariah 6:14

Tua kumpi lukhu pen Topa’ biehinnpi sungah phawna-in Heldai, Tobijah, Jedaiah, le Zephaniah’ tapa Josiah-te kep dingin ki-ap ding hi.

Misimna 10:8

Aaron’ tapa siempute in pengkul a mut ding uhi; tami khu note dinga na khang tawntung vua a kipden ngaina khat hi ding hi.

Misimna 15:15

Note le note lahah a teng pemta mihonte in ngaina khat beh nei ding a, tua khu na khang tawntung vua na zui ding uh ngaina kip khat hi den ding hi; Topa mai-ah note le pemtate na kibang ding uhi.

Misimna 16:40

Korah le a pawlte a bah lo nadingin Topa in Moses tungtawnin ama kungah a gen bangin Aaron’ suonlehlah ahi lo a pulam mipa in Topa mai-ah gimnamtui pie-a a pei lo nadingin tuate khu Israel-te tunga phawsahna khat ahi hi.

Misimna 18:8

Topa in Aaron tam bangin a hopi hi: Keima tunga ei kipie biehnate ahi Israel-te’ letsong siengthote a sai dingin nang kang koi zo hi; nang tung le na tapate tungah siempu tanh ahi zing dingin tuate kang pie zo hi.

Matthew 26:13

A tahtah a kang ci-in, leitung buppi-ah tami lungdamna thu a kigenna muncin tengah tami nu phawna-in a silbawlte kigengen ding hi,” a ci hi.

Luke 22:19

Tua ciengin khomun zong la-in lungdam a ko zaw ciengin balkehin, “Tami in note dinga ang kipie ka pumpi ahi hi. Kei nei phaw nadingun tam bangin bawl un,” ci-in amate a pie hi.

Thupiakkikna 16:1

Topa na Pasien un Abib hla sungin Egypt panin zanin note ang peipi ziehun Abib hla tang unlen, Topa na Pasien vua dingin peisan pawi-in mang un.

Thupiakkikna 16:11

Topa na Pasien uh mai, ama’ min om nadinga Topa na Pasien un a teel ding munah, noma le na tapate, na tanute, na sila pasalte, na sila numeite, na khuopite sunga om Levi-te, note lahah a om gamdang mite, pa nei lote, le meigong numeite tawh na lungdam ton ding uhi.

Thupiakkikna 6:8

Na khut tung vuah lim dingin tuate khi unlen, na zangpai vuah melcina-in tuate suong un.

Joshua 4:7

Topa’ thuciemna singkuong mai-ah Jordan tuite kikhenkhe hi. Tua in Jordan a galkai ciengin Jordan tuite kikhenkhe a, tuaci’n tam suongtumte Israel-te adingin kumtawn phawna hi ding hi,” na ci ding uhi.

1 Samuel 30:25

Khum ni-a kipanin tuni dongin ama in Israel adingin thukham le biehna ngaina kipin a bawl hi.