Paikhiatna 10:9 - Zo Bible

⁹ Moses in, “Ka khangnote le ka khanghamte tawh ka pei ding uhi; ka tapate, ka tanute, ka ganhingte le ka bawnghonte utawh ka pei ding uhi, bangzieh ahei cile Topa’ pawi ka kham ding uhi,” a ci hi.

LAISIENGTHOU CL Bible (BSI)

⁹ Tuachi’n Mosi in “Ka naupangte utoh, ka tehsete utoh, ka tapate u’leh ka tanute utoh, ka belam honte u’leh ka bawng honte utoh, ka peiding uhi, Mangpa kunga annkuong luina neiding ka hi zieh un.”

Zokam International Version

⁹ Moses in, "Kote in ka TOPA uh kiangah pawi bawl ding ka hi manun a moi a ham, ka tanu ka tapate uh, ka tuuhon ka ganhonte uh tawh ka pai ding uh hi," ci-in a dawng hi.

Paikhiatna 10:9 ပူးပေါင်းရင်းမြစ်များ

Piancilna 50:8

Joseph’ innkuonte zosie, a sanggamte, a pa’ innkuonte tawh zong a peito uhi. Gosheh gamah a tate uh, a tuuhonte uh, le a bawnghonte beh uh kinuasie hi.

Paikhiatna 10:10

Pharaoh in amate kungah, “Note tawh na naupangte kang peisah tah leh no tawh Pasien ang om tahtah hi ta ven! Keima in kang sieng genin, na lungsim sung vuah ngimna hoi lo na nei uhi.

Paikhiatna 10:26

Ka ganhingte uzong koma tawh a zawton lo phamaw a, ganhing kecin khat zong kinuasie thei lo ding hi, bangzieh ahei cile Topa ka Pasien uh ka bieh nadingun tuate lah panin pawlkhat ka deitel ding uh phamaw hi. A mun ka tun masangun Topa bieh nadingin bang pen zang ding ci ka thei nai sih uhi.

Paikhiatna 12:32

Na gen bangun na tuuhonte ule na bawnghonte uh zawpi unlen peimang ta un. Kei zong thupha ei pie un!” a ci hi.

Paikhiatna 12:37

Numei le naupangte kisim lo, Rameses panin Succoth-ah Israel-te pasal tul zaguh keng tawh a pei uhi.

Paikhiatna 12:38

Minam kisawhal honpite, tuuhon le bawnghon, ganhing tampite zong amate tawh a peiton uhi.

Paikhiatna 13:6

Ni sagi sung tol kisaw lo anlum na ne ding vua, a ni sagi ni-in Topa adingin pawi khat om ding hi.

Paikhiatna 3:18

Amate in na thu ang ngai ding uhi; tuale Egypt kumpipa kungah nang le Israel upate pei-in ama kungah, “Topa ahi Hebrew mite’ Pasien in kote ei kimupi zo hi; ka Pasien uh ahi Topa tungah biehna ka lui thei nadingun ni thum peina gamlahah ei peisah in,’ va ci ta un.

Paikhiatna 5:1

Tua zaw ciengin Pharaoh kungah Moses le Aaron a pei vua, “Israel Pasien Topa in, ‘Senel gama kei kungah pawi khat a bawl thei nadingun ka mite peisah in,’ ci hi,” a ci uhi.

Paikhiatna 5:3

Tua ciengin amate in, “Ka kung vuah Hebrew-te’ Pasien ang kihil hi; Topa ka Pasien uh tungah biehpiehna ka lui thei nadingun ni thum khuolzinna senel gamah kote ei peisah in, tua ahi sihle ama in kote tungah pulnatna ahi sihle namsau ang tungsah ding hi,” a ci uhi.

Paunakte 3:9

Na neisa le na nasep ga masate tawh Topa zatah in;

Thuhilhna 12:1

Lungkham hun ang tun masang, “Hinkhuo nuomsa sing,” na ci ding kum in ang phah masang;

Misimna 29:12

Note in a hla sagina ni sawm le ni nga ni-in a siengtho kikhopna khat na bawl ding uhi; leitung nasepte na sem sih ding uhi. Topa adingin ni sagi sung pawi na bawl ding uhi.

Ephesa-te 6:4

Pate aw, na tate lungthahsah sih unlen, pattahna le Topa lamlahna ah khangliensah zaw un.”

Joshua 24:15

Tu-in Topa’ na na sep nuom sih uleh, gun galkhatah a na na seppieh uh na pu na pate uh’ pasien ahi a, na tenna uh gam sunga om Amor-te’ pasien ahi zongin, a na na seppieh ding popo uh tuni-in teel un; ahi vangin kei le ka innkuonpite in ahile Topa’ na ka sem ding uhi,” a ci hi.