Nehemiah 9:29 - Zo Bible

²⁹ Tuale na thukham lamah amate ang kinuale thei nadingun thu na hil hi. Hinanle kiphasah tahin amate a gamta vua, na thupiehnate mang loin a zui mi khat a nungtasah thei ahi nangma’ ngaina kipte tungah a khiel zawsop uhi. Amate lungkhauhin a liengko a lehei vua, a ngawng uh vaipuohin thu a mang sih uhi.

LAISIENGTHOU CL Bible (BSI)

²⁹ Na dan lam a amauh na puilut kia theina dingin adihlouna uh na theisah hi. Hinapiin kisathei tahin agamta ua, na thupiehte azui sih ua, hinanleh na vaihawmnate kalin akhiel ua, tuate mi’n azui leh, hing ding ahi bou hi. Tualeh aliengkou uh asawisah ua, angawng uh avaipuoh ua, aza nuom sih uhi.

Zokam International Version

²⁹ "Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

Nehemiah 9:29 ပူးပေါင်းရင်းမြစ်များ

2 Kumpite 17:13

Hizongle Topa in kamsang zosie le thumu zosie tungtawnin Israel le Judah hilkhol a, “Na pu na pate uh ka thupiehsa thukhamte le ka nasem kamsangte tung tawna na kung vua thu kang puoh tawh kituohin na tatsietnate uh panin kihei-in ka thupiehnate le ka thukhamte zui un,” a ci hi.

2 Kumpite 17:14

Ahi vangin amate in a thu ngai loin, Topa a Pasien uh a um lo a pu a pate ma bangin a lungkhauh uhi.

2 Khangthute 24:19

Ahi vangin Topa kungah amate a peipikia thei nadingin ama in amate lahah kamsangte a sawl hi; tamte in a langkhat vuah teci pang a, ahi vangin amate in a ngai tuom sih uhi.

2 Khangthute 33:10

Topa in Manasseh le ama’ mite kungah thu gen a, ahi vangin amate in a thuse sih uhi.

2 Khangthute 36:15

Ama in a mite le a tenna mun tungah lainatna a nei ziehin a pu a pate uh’ Pasien, Topa in amate kungah a kamtaite a sawlkia ngitnget hi;

Nehemiah 13:15

Khum hun lai-in keima in Judah mite sungah sabbath ni-in lenggazu suhin, buphaite khawmin, laa tunga a van guon ule sabbath ni-in laa tungah lenggazu, lengga, theiba gate, le van namcin zong guongin Jerusalem-a ang puoh uh zong ka mu hi; tuale khum ni-in a anzua uh a hoi lona thu amate tungah ka gen hi.

Nehemiah 9:10

Amate in kihisahna tawh ka pu ka pate uh a bawl gawpna uh thei na hi ziehin, Pharaoh le ama’ nasemte zosie, le a gam sunga mi zosie’ langkhatah lim le na lamdangte na bawl hi. Nangma ading min khat na bawl a, tua khu tuni dongin a omlai hi.

Nehemiah 9:16

“Ahi vangin amate le ka pu ka pate kihisahin a ngawngkhauh vua, na thupiehnate a mang sih uhi;

Nehemiah 9:26

“Hinanle amate in thu a mang sih vua, nang hing ledo-in na thukham a nuangat vua, nangma lam ang kinualekia nadingun amate thu a hil na kamsangte a that vua, tuaci’n mi gensietna lienpi a bawl uhi.

Nehemiah 9:30

Kum tampi sung amate na thuoh kenkon a, na kamsangte tungtawnin nangma’ hlagau tawh amahaw thu na hil hi; hizongle amate in a ngai nuom sih uhi. Tua ahi ziehin nangma in amate khum gam mite’ khut sungah na piedawh ta hi.

Paikhiatna 10:3

Tuaci’n Pharaoh kungah Moses le Aaron pei-in, “Hebrew-te’ Pasien, Topa in tam bangci hi: ‘Ka mai-a nang kiniemkhieh ding bang tanvei niel sawm na hei? Amate in keima ei bieh thei nadingun ka mite peisah in.

Jeremiah 17:23

Hizongle amate in ngai nuom loin a bil ei daw sih uhi; amate in a ngawng uh a khausah vua, thuhilna ngai nuom loin zong a sang nuom sih uhi.

Jeremiah 19:15

Vanglien Topa, Israel’ Pasien in tam bang ci hi: Tam khuopi le a khuoneute tungah ka gensa gimna zosie ka tungsah ding hi, azieh pen amate in a lungsim uh khausahin ka thu gente a ngai sih uhi.

Jeremiah 42:19

Judah a omlai teng aw, Topa in note kungah, Egypt gamah pei sih un, ci-in ang gen zo hi. Tuni-a na tung vua kang hil thute teltahin kithei ta un.

Jeremiah 43:2

Hoshaiah’ tapa Azariah le Kareah’ tapa Johanan a kipan mi kiphasah dangte zosie in Jeremiah kungah, “Na zuou zuoupi na gen ahi bo hi. Topa i Pasien in, ‘Egypt gama a teng dingin pei sih un,’ ci-in a gen dingin nang ang sawl kha sih hi.

Jeremiah 44:10

Tuni dongin amate in kisiakiana lungtang ahi a, zauna lungtang ahi zongin nei loin, note le na pu na pate uh mai-a kang pieh ka thukham le ka ngainate a zui sih uhi.

Jeremiah 7:26

hizongle amate in ka thu ei ngai loin zong ei thuse sih vua, a ngawng uh a khausah zawsop uhi. A pu a pate uh sangin a siezaw-in a gamta uhi.

Ezekiel 20:11

Ka thukhamte amate pie-in, ka ngaina kipte ka lah a, tua teng a zui poma a hing ding uhi.

Daniel 5:20

Ahi vangin a lungsim kisangsahin kisathei tahin a gamtat nadingin a lung a khau ciengin a kumpi topha panin kiladawh a, ama kung panin a vang kihawhmang hi.

Hosea 6:5

Tua ahi ziehin keima in kamsangte zangin amate ka tenbuong a, ka kam pana a pusuoh kammalte tawh keima in amate ka that hi. Khuovah bangin ka thukhenna a kikhaw suoh hi.

Siampi Laibu 18:5

Ka thukhamte le ka biehna ngaina kipte na zui ding uhi; tua banga a zui pa khu a hing ding hi: Keima Topa ka hi hi.

Matthew 19:17

Tuale ama in tuapa kungah, “Bang dinga sil hoi bang ahei ci-a nei dawh ahei? Mi hoi khat beh a om hi. Hinna sunga na lut nop leh thupiehte zui in,” a ci hi. Ama in, “Bang pen ahei?” a ci hi.

Luke 10:28

Tuale Jesu in, “Nei dawnna man hi; tam bangin gam ta in, tua hile na hing ding hi,” a ci hi.

Rome-te 10:5

Thukham pana ang pei dihna tawh kisai-in Moses in, “Tam nate banga a gamta mi in tamte ziehin a hing ding hi,” ci-in a giel hi.

Galatia-te 3:12

Hizongle upna tungah thukham a kinga sih hi; tuale mahin, “Thukham a zui mi poma tuate ma tawh a nungta ding hi,” ci-in kigiel hi.

Thupiakkikna 31:21

A tung vuah a zauhuoi gimna tampi a tun ciengin a langkhat vuah tami la teci-in a pang ding hi, azieh pen a suonlehlate’ kam sung panin tami la mangngil thei loin a om ding hi. Bangzieh ahei cile keima in amate pieh dinga ka ciemsa gamah ka tut masang, tu nangawnin zong bang bawl nuom uh ci ka thei hi,” a ci hi.

Thupiakkikna 31:27

Bangzieh ahei cile bangza taha a ledo mi le a lungkhauh mi na hi uh ahei ci kang thei hi. Ka hin sung bawna na lah vuah Topa ledo na hi uleh ka si nua ciengin bang zatahin na ledo kan zaw lai ding vuoi izaw!

Thupiakkikna 4:26

Jordan gun galkai-in na luo ding uh gam panin na manthai sieng nadingun na langkhat vuah teci a pang dingin keima in vanpi le leipi ka ko hi; tua gamah note sawtvei teng loin ang kisusie cip ding hi.

Thukhente 6:10

tuale keima in na kung vuah, ‘Keima Topa na Pasien uh ka hi hi; note in na tenna gam vua Amor-te’ pasien-te na zatah sih ding uhi,’ kang ci hi. Ahi vangin ka thu na ngai sih uhi,” a ci hi.