Nehemiah 12:43 - Zo Bible

⁴³ Nahpi taha a lungdam dingin Pasien in amate a bawl ziehin amate in zong khum ni-in biehpiehna lienpi bawlin a lungdam vua, numei le naupangte zong a lungdam uhi. A gamlapi panin Jerusalem’ guolnopna kiza hi.

LAISIENGTHOU CL Bible (BSI)

⁴³ Tua niin kithoina thupitahin alan ua, Pasian in lungnopna thupitah apieh ziehin akipah mama uhi, numei leh naupangte zong alung nuom mama uhi. Jerusalem a lungnopna husa gamlapi ah zong akiza hi.

Zokam International Version

⁴³ Tua ni-in Pasian in amaute lungnopsak mahmah ahi manin a lian mahmah biakna pia-in nuam a sa mahmah uh hi. Numei naupangte zong a gualnuam uh hi. Jerusalem khua sunga gualnopna gamlapi panin kiza hi.

Nehemiah 12:43 ပူးပေါင်းရင်းမြစ်များ

2 Khangthute 20:13

Tua laitahin Topa mai-ah Judah zosie a zite, a tasente, le a naupangte utawh a ding uhi.

2 Khangthute 20:27

Tua ciengin Jehoshaphat’ makaina tawh Judah mite le Jerusalem-te zosie kipahin Jerusalem ah a kilekia uhi. Bangzieh ahei cile Topa in a galte tungah amate a lungdamsah hi.

2 Khangthute 7:10

A hla sagina a ni sawmni le thumna ni-in, Topa in David le Solomon, le ama’ mi Israel tungah a hoina a lah ziehin, ama in lungdamna le kipahna tawh mipite a peisah hi.

Ezra 3:13

tuaci’n mite in lungdamna awging le kaana awging a khen thei sih uhi, bangzieh ahei cile a gingin mite a awng vua, a gamla panin tua awging a kiza hi.

Nehemiah 12:27

Jerusalem kulpi apna-ah daltuote, harp, le lyre-te tawh lungdamko-in la a sa vua, lungdam kipahna tawh apna a bawl dingin Jerusalem ah Levi-te a peipi thei nadingun a opna uh muncin tengah amate a sui uhi.

Nehemiah 12:42

Tuale Maaseiah, Shemaiah, Eleazar, Uzzi, Jehohanan, Malchijah, Elam, Ezer-te zong a om uhi. Lasate in Jezrahiah makai-in la a sa uhi.

Job 34:29

Ama a ham lo ciengin koi in mawsah thei ding ahei? Ama in a mai a phuol ciengin, minam khat in hile, mi khatguoh in hile koi in ama mu thei ding ahei?

Phatna-late 27:6

Tu-in ka kimvela om ka galte tungah ka lutang kidomsang ding a, ama in lungdamin kikona tawh ama’ puonbuh sungah biehpiehnate ka pie ding hi; keima in Topa tungah la ngaite ka sa ding hi.

Phatna-late 28:7

Topa khu ka hatna le ka lum ahi a, ka lungsim in ama a muong hi; tuaci’n keima ei kihu-in ka lung nuom mama a, ka lasahna tawh ama tungah lungdamna ka ko hi.

Phatna-late 9:2

Nangma sungah lungdamin ka kipah ding hi; Sangpen Pa aw, keima in na min phatna la ka sa ding hi.

Phatna-late 92:4

bangzieh ahei cile Topa aw, nangma’ nasepna tawh nei lungdamsah hi; keima in na khut a na sepnate ziehin lungdamin la ka sa hi.

Isaiah 61:3

a date adingin Zion ah, vut tangin paakuol, dana tangin nopna sathau, lungkiehna tangin phatna puon a pie dingin keima ei sawl zo hi. Amate pen dihna gangpi sing kici ding a, ama’ thupina a kilah nadingin Topa’ suon singkung kici ding hi.

Jeremiah 31:13

Tua ciengin ngahnute lamin a kipah ding vua, tangvalte le papite zong guolnuom ding uhi. Keima in a kaanate uh kipahna-in ka heipieh ding a, amate henemin a danate uh lungdamna ka suohsah ding hi.

Jeremiah 33:11

kipah thanopna awging, zinei pa le motha nu’ awging le Topa’ biehinn sunga lungdamko biehna awging ahi, Vanglien Topa tungah lungdamna ko un, azieh pen Topa hoi a, ama’ itna kip tawntung hi!” ci-a lasahna awgingte a kizakia ding hi. Bangzieh ahei cile keima in a masa lai bangin a gam uh hamphatna ka piekia ding hi, Topa in ci hi.

Misimna 10:10

Na lungdam hun uh, a kise na pawi hunte uh, na hla kipat hunte uh, na meihal biehnate ule na thunuom biehpiehnate vuah zong pengkulte na tum ding uhi; tuate pen na Pasien uh mai-ah note phawna-in kimang ding hi: Keima Topa na Pasien uh ka hi hi.

Matthew 21:15

Ahi vangin siempu liente le thukham hil siete in a na lamdang bawlte mu-in, naupangte in biehinnpi sungah, “David’ Tapa tungah Hosanna,” ci-in a kikona a zah uh ciengin a lung uh thah a,

Matthew 21:9

A mai-a pei mihonte le a nua lama pei mihonte in, David’ Tapa tungah Hosanna! Topa’ min tawh ang pei pa in thupha nga taheh! Van a sangna munah hosanna!” ci-in a kiko uhi.

John 16:22

Tuaci’n note in tu-in gimna na thuoh uhi; hizongle keima in note kang mukia ding a, na kipah ding uhi, note kung panin koima in na kipahna uh ang lahpieh thei sih ding hi.

Ephesa-te 5:19

Note lahah phatna late, biehna late, le hlagau lam late na sah ciengun, na lung sung vuah kihuol tahin Topa tungah na sa un.

James 5:13

Note lahah mi khatpo gimna thuoh a om eimah? Amate in thungen uheh. A lungdam mi khatpo a om ei mah? Amate in phatna la sa uheh.

1 Samuel 4:5

Topa’ thuciemna singkuong giephuol sung a tun ciengin Israel zosie nahpi-in a awng uhi.