Nasepte 9:15 - Zo Bible

¹⁵ Hinanle Topa in ama kungah, “Va pei in, bangzieh ahei cile ama pen Gentile-te, kumpite, le Israel-te mai-ah ka min a puo dinga ka tuomtelsa ka vanzah khat ahi hi.

LAISIENGTHOU CL Bible (BSI)

¹⁵ Hinanleh Mangpa’n Anania kungah, “Ama Jentelte, leengte leh Israel tate kunga ka min polut dinga ka belguot ahi ziehin na va haw ding ahi.

Zokam International Version

¹⁵ Ahi hangin Topa in Ananias kiangah, "Va pai in! Gentile-te le a kumpite uh le Israel mite mai-ah ka min a pua dinga ka vanzat dingin amah ka teelsa ahi hi.

Nasepte 9:15 ပူးပေါင်းရင်းမြစ်များ

Jeremiah 1:5

“Na nu gil sunga tuisih a na vei masangin kang thei zo a, na suo masangin zong kang siengthosah zo hi; minamte tungah kamsang dingin nang kang koi zo hi,” ei ci hi.

Jeremiah 1:7

Ahi vangin Topa in kei kungah, “’Naupang khat ka hi bo hi,’ ci sin; azieh pen kang sawlna mi zosie kungah na pei ding a, nang kang sawl popo na gen ding hi.

Matthew 10:18

tuale keima ziehin gam-uhte le kumpite mai-ah thusit dingin ang kikai ding a, amate mai le Gentile-te mai-ah teci na hi ding uhi.

John 15:16

Note in kei nei teel sih vua, keima in note kang teelzaw hi. Tuale note pei-in a kimang zing ding gate a ga dingin kang se zo hi. Tuaci’n keima’ min suongin note in ama kunga na nget popo uh Pa in ang pie ding hi.

Nasepte 13:2

Topa bie-in an tangin a op laitahun Hlagau Siengtho in, “Amate in kei adingin ka hlatna nasep a sem dingin Barnabas le Saul ei tuomkhen pieh un,” a ci hi.

Nasepte 21:19

Paul in amate a hopi zaw ciengin a nasepna tungtawnin Gentile-te lahah Pasien’ nasepnate khat zaw khat a bansut hi.

Nasepte 22:14

Tua ciengin ama in, “I pu i pate’ Pasien in ama’ deina a thei ding, Midih Pa a mu ding le ama’ aw a za dingin nang ang teel zo hi.

Nasepte 22:21

Tua ciengin ama in keima kungah, “A gamlapi khata a om Gentile-te kungah hing sawl ding ka hi ziehin pei in,’ ei ci hi,” a ci hi.

Nasepte 25:22

Agrippa in Festus kungah, “Kei mama in tami pa thu ka za nuom hi,” a ci ciengin, “Zing ciengin ama’ thu na za ding hi,” a ci hi.

Nasepte 26:1

Agrippa in Paul kungah, “Na thu na gen thei nading phalna kang pie hi,” ci-in a gen ciengin Paul in a khut zahin a kisutna ding thu a gen hi:

Nasepte 26:32

Agrippa in Festus kungah, “Tam pa in kumpipa tungah a thu a na khang zo nai lo khat hi leh kihla thei lel ma hiven,” a ci hi.

Nasepte 27:24

‘Paul aw, zau malmal sin; kumpipa mai-ah na ding valon ding hi; tuale Pasien in tuipi tunga nangma le na zawpite zosie tungah bihna ang pie zo hi,’ ei ci hi.

Nasepte 28:17

Ni thum zaw ciengin ama in tuol sung Jew makaite a kikhawmsah hi. Amate a kikhop ciengun ama in amate kungah, “Sanggamte aw, keima in i mipite tungah hile, i pu i pate’ ngaina tungah hile ka sepkhiel bangma om lo napi-in, amate in Jerusalem khuo ah ei manin thong ei khie vua, tua panin Rome-te’ khut sungah ei ap uhi.

Nasepte 28:28

Tua ciengin Gentile-te kungah tami Pasien’ hutdamna thu kipuoh zo hi; amate in a ngai ding uhi,” ci-in a gen hi.

Rome-te 1:1

Pasien’ lungdamna thu gen dinga ei kituomkoi, sawltahpi dinga ei kihlan, Jesu Khris’ nasem keima Paul in kang hopi uhi.

Rome-te 1:5

Ama tungtawn le ama’ min ziehin Gentile-te zosie lahah upna le thumanna a op thei nadingin kote in hepina le sawltahpi za ka nga vua,

Rome-te 11:13

No Gentile-te tunga thu ang gen ka hi hi. Gentile-te adinga sawltahpi ka hi ziehin ka nasepna a genpha ka hi a,

1 Corinth-te 15:10

Ahi vangin Pasien’ hepina ziehin kei pen ka hi bang ka hi a, ama in kei tunga ei pieh a hepina pen a mawhna suoh lo hi. Tuale mahin amate khatpo sangin zong nasep ka hakat zaw a, - tua khu kei sep hi sih nanle - keima ei ompi Pasien’ hepina in a sep ahi hi.

1 Corinth-te 9:16

Lungdamna thu ka tangko ziehin kisiel nading thu mawngmawng ka nei sih hi, bangzieh ahei cile tua thu a hil ding ma a ka tunga mawpuoh ei kisuon ahi bo hi. Lungdamna thu ka tangko sih leh gimna ka thuoh ding hi!

Galatia-te 1:1

Mihingte sawlna tawh ahi lo, thunei mihingte tung pan zong hi loin Jesu Khris le misite lah panin ama a thosah Pasien tung panin sawltahpi khat ahi keima Paul le

Ephesa-te 3:1

Tami thu ziehin no Gentile-te tangin Khris Jesu adinga thongkie pa keima Paul in,

1 Timothy 2:7

Tami adingin keima tangko pa le sawltahpi dingin ei kise zo a, (zuouthu gen loin thutah a gen ka hi hi), kei pen upna le thutah ah Gentile-te’ siepa ka hi hi.

2 Timothy 1:11

Tami lungdamna thu adinga a tangkopa, sawltahpi le siepa dinga ei kisesa ahi a,

2 Timothy 2:4

Galkap a sem lai mi koima in nisim vaite ah a kisawpawi sih hi; tua galkap pa’ lungtup in nasep a guon a bupa lungkimsah ding ahi hi.

Kilaakna 17:14

amate in Tuuno a do ding vua, Tuuno in amate a zo ding hi, azieh pen ama topate’ Topa le kumpite’ Kumpipa ahi a, ama tawh a omton mite ahile a kihlansa, a kiteelsa, le a muonhuoi mite vive ahi uhi,” ei ci hi.