Nasepte 8:39 - Zo Bible

³⁹ Tui sung panin ama gel a kato ciengun Topa’ Hlagau in Philip a lato hi; tua cilgesa mangpa in ama a mu nawn sih a, tuale ama’ lampi-ah lungdam tahin a pei ta hi.

LAISIENGTHOU CL Bible (BSI)

³⁹ Amautegel tui akipat ahing peitou tahun, Mangpa Hagau in Philip alamangta a, michilgein ama amu nawn sih hi, tualeh michilge khu lampi ah nuomsa tahin apeita hi.

Zokam International Version

³⁹ Tui sung pan a paikhiat toh uh ciangin Topa Kha in Philip lakhiamang pah a, cilgehpa in a mu kik nawn kei hi. Ahi hangin lam tawntungah lungnuamtakin a pai hi.

Nasepte 8:39 ပူးပေါင်းရင်းမြစ်များ

1 Kumpite 18:12

Nangma kung panin ka pei zaw behin Topa’ hlagau in ka thei lona munah nang ang puo ding hi; tuaci’n keima pei-in Ahab kungah va gen ta leng ama in nang ang mu zawh lo ciengin, keima na nasempa in ka khangno lai-a kipanin Topa ka zatah vangin ama in kei ei that ding hi.

2 Kumpite 2:16

Amate in ama kungah, “Tu-in en in, na nasemte lahah mi thahat sawmnga i nei uhi; amate sawl inlen na pupa suisah in, kang thum hi,” a ci uhi. Topa’ hlagau in ama domto-in muoltung khat ahi sihle hawhguom khat a a khiehsuh dawh khat hi va,” a ci uhi. Ama in thuhkia a, “Hi lo hi, amate sawl sin,” a ci hi.

Phatna-late 119:111

Nangma’ thukipte khu tawntung ka gouluo ding ahi a, tuate keima’ lungdamna ahi hi.

Phatna-late 119:14

Hauna zosie a nga tawh kibangin na thukipte zui nuom ka sa hi.

Isaiah 61:10

Topa sungah nahpi-in ka lungdam ding a, ka Pasien sungah ka hinna zosie tawh ka kipah ding hi; azieh pen zinei pa paakuol tawh a kizep bang le a suong manphate tawh motha nu a kisiem bangin, ama in hutdamna puonte keima ei silsah zo a, ama in dihna puontuolpi tawh keima ei tuom zo hi.

Ezekiel 11:1

Hlagau in keima ei domto a, nisuona lam a kinga Topa’ biehinn nisuona lam tunkot ah ei peipi hi. Khum mun tunkot lutna ah mihing sawmni le nga a om hi; khumte lahah mipi makai Azzur’ tapa Jaazaniah, Benaiah’ tapa Petlatiah-te na om uhi.

Ezekiel 11:24

Hlagau in Pasien’ mangmunate sungah keima ei domto-in Chaldea gam saltangte kungah ei peipi hi. Tua ciengin ka mangmuna in keima ei nuasie ta hi.

Ezekiel 37:1

Topa’ khut ka tungah ang om a, Topa’ hlagau tawh ama in ei peipi-in kuom laikimah ei tutsuh hi; tua kuom pen misi gute tawh kidim hi.

Ezekiel 43:5

hlagau in kei ei domto a, tuale leituol sungnungah ei peipi hi; tuale Topa’ minthanna vang biehinnpi sung a dim hi.

Ezekiel 8:3

Ama in khut tawh a kibang khat ang zahsuh a, tuale ka humsam ah ei man hi; tuale hlagau in lei le van kikalah ei khaito a, Pasien’ mangmunate sungah ama in Jerusalem leilu lam biehinn tuol sungnung lutna tunkot-a thangsietna a piengsah milim kitunna mun ei tun hi.

Matthew 13:44

“Vantung gam pen lo lai-a a kiphuol gou tawh kibang a, mi khat in tua gou a mu ciengin phuoldap hi; tua ciengin lungdamin pei-in a neisa zosie zua-in tua lo a lei hi.

Matthew 3:16

Jesu a ki-baptize zaw tui sung panin a pusuoto lien tahin thakhatin van kihong a, vakhu bangin Pasien’ Hlagau kumsuhin ama tungah tu hi.

Mark 1:10

Tui sung panin a thawto laitahin vantung kiphalsuo a mu a, ama tungah vakhu bangin Hlagau Siengtho a kumsuh hi.

Nasepte 13:52

Nuazuite ahi ule Hlagau Siengtho tawh kidimin a kipah mama uhi.

Nasepte 16:34

A inn ah ama gel peipi-in a mai vuah ankuong zong a lui hi; tuale ama pen Pasien sunga thu um mi khat hi ta ahi ziehin ama le a innkuon buppi a lungdam uhi.

Nasepte 8:29

Tua ciengin Hlagau in Philip kungah, “Pei inlen tami sakol leeng zui in,” a ci hi.

Nasepte 8:38

Ama in a leeng khawlsah a, tui sungah Philip le cilgesa mangpa a nipi-in a kumsuh vua, Philip in ama a baptize hi.

Nasepte 8:8

Tuaci’n tua khuopi sungah kipahna lienpi a om hi.

Rome-te 5:2

Ama tungtawnin i opna uh tami hepina sungah eite in lut theina thu i nga zo ta uhi; tuale eite in Pasien tawh minthanna a ngaton dingin i kinep ziehun i kipah uhi.

Philippi-te 3:3

Bangzieh ahei cile eite pen cilesa a suong lo, Pasien’ hlagau tawh biehna a pie, Khris Jesu sunga a kisiel le teptanna a man a zangte i hi uhi.

Philippi-te 4:4

Topa sungah lungdam tawntung un; khatvei kang cikia-in, Lungdam un.

James 4:16

Tua bangin kiphasahin na kisiel sih un; tua banga kisielnate zosie gitlona ahi hi.