Nasepte 5:39 - Zo Bible

³⁹ ahi vangin Pasien tung pana ang kipan ahile lah na zo sih ding vua, tami thu-ah Pasien tawh kido-in ang kimu zaw ding uhi!” a ci hi. Amate in tua pa thugen a sang thei vua,

LAISIENGTHOU CL Bible (BSI)

³⁹ Hinanleh Pasian akipan ahileh, na sumang zou sih ding uhi, Tuachilouin pen Pasian dou nahi kha zaw ding uhi.”

Zokam International Version

³⁹ Ahi hangin Pasian pan ahileh mite na kho zo kei ding uh hi; Pasian langdo na hi lel kha ding uh hi," a ci hi.

Nasepte 5:39 ပူးပေါင်းရင်းမြစ်များ

Piancilna 24:50

Tua ciengin Laban le Bethuel in dawng a, “Tam thu Topa kung pana ang pei ahi hi. Nang kungah a sie ahi a, a pha ahi zongin kang gen thei sih uhi.

2 Samuel 5:2

Hun khat lai, kote tungah Saul kumpi ahi lai-in, Israel a peipi le a tunpi pa khu nangma na hi hi. Topa in na kungah tam bangin a gen hi: Ka mi Israel a cing ding pa na hi a, Israel tungah a uhpa ding na hi hi,” ei ci uhi.

1 Kumpite 12:24

“Topa in tam bangin gen hi, ‘Na kuonto sih ding vua, na sanggam Israel mite na do sih ding uhi. Mi zosie a inn vuah pei uheh. Azieh pen tam thu pen keima kung pan ahi hi,’ ci hi,” a ci hi. Tuaci’n amate in zong Topa’ thu a mang vua, Topa’ thugen bangin inn lam a zuonkia uhi.

2 Kumpite 19:22

‘Koi pen zako a, koi pen gensie na hei? Koi na langpanna tawh na aw sangsahin, kilietsahna tawh mit leh vapial na hei? Israel’ a Siengtho Pa, a langpan na hi hi!

Job 34:29

Ama a ham lo ciengin koi in mawsah thei ding ahei? Ama in a mai a phuol ciengin, minam khat in hile, mi khatguoh in hile koi in ama mu thei ding ahei?

Paunakte 21:30

Topa langkhatah pilna, thutheina, kithumopnate kimanna nei lo hi.

Isaiah 43:13

Keima Pasien ka hi a, tu huna kipanin zong kei Ama ka hi hi; ka khut sung panin a tankhie zo koima om lo hi; keima in na ka sem a, koi in ei khahtan zo ding ahei?

Isaiah 45:9

Nangma ang Bawlpa tawh a kihau mi pa, beelkheng pa tawh a kiledo leibeel in gimna nga taheh! Tungman in a khengpa kungah, “Bang bawl na hei, ahi sihle, “Na sil bawl in a tuhna nei lo hi,” ci-in a gen amah?

Isaiah 46:10

A kipat cil panin a tawp tanpha-in ka gen a, tangtawng lai panin a pieng nai lo nate genin, “Ka lungtup kip ding a, ka ngaisutna ka tangtun ding hi,” ka ci hi.

Daniel 4:35

Leitunga teng mi zosie bangma-in kisim lo a, ama in vantung nate le leitunga teng mite tungah a dei bangin na sem hi. Koima in ama’ khut tu zo lo a, ama kungah koima in “Bang bawl na hei?” ci lo hi.

Matthew 16:18

Ke’n kang ci-in, nang Peter na hi a, tami suongpi tungah ka hlattuom pawlpi ka lam ding hi, Misi khuo kotpite in tua hlattuom pawlpi a zo sih ding hi.

Luke 21:15

azieh pen keima in na langte uh koima khat beh in nielin ang nan zo lo nadingun gen ding thute le pilna kang pie ding hi.

Nasepte 11:17

Topa Jesu Khris i up ciengin Pasien in letsong ei pieh bangin amate tungah zong a kibanga a pieh ahileh Pasien’ nasepna a khahtan zo dingin kei koi hi lel ka hei?” a ci hi.

Nasepte 23:9

Tua ciengin buoina lienpi tung a, Pharisee pawlte lah panin thukham hil siete pawlkhat dingin nahpi tahin a niel vua, “Tam pa tungah bangma mawna ka mu sih uhi. Hlagau ahiei vantungmi ahiei khat in ama kunga thu a gen hi kha mawh leh bang na law ta ding vuoi?” a ci uhi.

Nasepte 6:10

Hinanle ama in pilna le Hlagau tawh a gen thute amate in a nang zo tuon sih uhi.

Nasepte 7:51

“No a lungkhau, na lungsim ule na bil vua tep kitan lo mite aw, na pu na pate uh’ gamtat bang lienin na gamta vua, Hlagau Siengtho na langpang ngitnget uhi.

Nasepte 9:5

Ama in, “Topa aw, nang koi na hei?” ci-in dong hi. Ama in, “Nei bawlsiet Jesu ka hi hi.

1 Corinth-te 1:25

Azieh pen mihing’ pilna sangin Pasien’ motna pilzaw a, mihing’ hatna sangin Pasien’ thanemna hatzaw hi.

1 Corinth-te 10:22

Ahi sihle eite in Topa’ hazatna a sosah ding i hi uh amah? Ama sangin i hatzaw uh amah?