Nasepte 5:12 - Zo Bible

¹² Tu-in sawltahpite tungtawnin mite lahah lim le na lamdang tampi a pieng hi. Tuale Solomon’ Talap ah amate a omton uhi.

LAISIENGTHOU CL Bible (BSI)

¹² Tualeh Pasian in Sawltahte khutin mite lahah, chiemtena leh sillamdang tampi abawl hi. Tualeh amaute abawn un lungsim munkhat puoin Solomon innliep ah a um uhi.

Zokam International Version

¹² Sawltakpite in mite lakah lim lam dang le a lamdang tampi a bawl uh hi. Thu-umte khempeuh Solomon Talap ah a kituahkhawm zel uh hi.

Nasepte 5:12 ပူးပေါင်းရင်းမြစ်များ

Jeremiah 26:9

Bang dingin, ‘Tam biehinn pen Shiloh tawh kibang ding a, tam khuopi ah a teng koima om loin gamdai a suoh ding hi,’ ci-in Topa’ min tawh thu hil na hei?” a ci uhi. Tuale Topa’ biehinn sunga a om mi zosie in Jeremiah a imtawm uhi.

Mark 16:20

Tuale amate kuonin muncin tengah lungdamna thu a phuongzah uhi. Topa in amate tawh na semton a, a thugente uh a kipsahna-in lim lamdangte in a zuisah hi.)

John 10:23

Biehinn huong sunga Solomon talap ah Jesu a pei kawikawi laitahin,

John 4:48

Tua ciengin Jesu in ama kungah, “Note in lim le na lamdangte na mu sih uleh na um sih ding uhi,” a ci hi.

Nasepte 1:14

Amate zosie in numei pawlkhat, Jesu’ nu Marry, le a sanggam pasalte tawh lungsim kikhatin thungetna a nei zing uhi.

Nasepte 14:3

Tuaci’n sauveipitah a tam vua, Topa adingin amate in hangtahin thu a hil uhi. Ama’ hepina thu teci a pang sawltahpite tungtawnin Topa in amate tungah lim le na lamdangte bawl theina thu a pie hi.

Nasepte 16:18

Tua bangin ni tampi sung a awng den mielmuol hi. Ahi vangin Paul in tuapa seda mama a, tuale ama kihei-in tua hlagau kungah, “Tam nu sung panin na pusuo nadingin Jesu Khris’ minin thu kang pie hi,” a ci hi. Tua hun lien ma-in tua hlagau a pusuoh pai hi.

Nasepte 19:11

Pasien in Paul tungtawnin na lamdang thupite bawl a,

Nasepte 2:46

Amate in biehinnpi sungah nisimin hun tampitah zangtonin, inn ah khomun a phalsuo vua, kipahna le kiphalna lungsim tawh an a ne uhi.

Nasepte 28:9

Tami thu a pien zaw ciengin tuikul tunga om cina dangte zong hing pei-in damna a nga uhi.

Nasepte 3:11

Tua mipa in Peter le John a tuhdet laitahin mi zosie in lamdang a sa vua, amau’ opna Solomon Talap a kici innhlim lamah tai-in a kikhawm uhi.

Nasepte 4:30

Cinate dam nadingin na khut zah inlen, a siengtho na nasempa Jesu’ minin lim le na lamdangte kibawl heh,” a ci uhi.

Nasepte 9:33

Tua munah ama in a phalsi, kum giet sung lupmun tung ngah Aeneas kici mi khat a mu hi.

Nasepte 9:40

Peter in amate zosie pusuohsah a, tua ciengin ama khupdingin thu a ngen hi. Siluong lamah kihei-in, “Tibatha aw, tho in,” a ci hi. Tua ciengin tua nu a mit hah a, Peter a mu ciengin tho-in a to hi.

Rome-te 15:19

Pasien’ Hlagau vanglietna tawh lim le na lamdangte bawlin Jerusalem-a kipanin Illyricum gam dongah Khris’ lungdamna thu ka phuongzah sieng zo hi.

2 Corinth-te 12:12

Note lahah sawltahpi man khat’ hina a lah ahi limte, sil lamdangte, le vanglietna nasepnate kibawl zo hi.

Hebrews 2:4

Pasien in zong limte, a lamdangte, na lamdang tuomtuomte, le a deina banga a hawm Hlagau Siengtho letsongte tungtawnin tua thu teci a panbe hi.