Nasepte 3:16 - Zo Bible

¹⁶ Ama’ min upna hang tawh tua ama’ min mama in na mu ule na thei uh ahi tua pa a thakhausah zo hi. Jesu tung pana kinga upna in note zosie mai-ah dam siengthona ama a pie zo hi.

LAISIENGTHOU CL Bible (BSI)

¹⁶ Ama min agintat ziehin, Amin in tam mipa na mu u’leh na thei uh khu asuhatta hi; Ahi, Jesu zieha ginna hing um in, na un ua mitmuin asudam sieng vilvelta hi.

Zokam International Version

¹⁶ Note in na muh uh le na theih uh hih mipa Jesu min upna hangin kihatsak hi. Note khempeuh in na muh uh bangin ama tunga damsiangna a pia pen Jesu min le ama tungtawna hong pai upna ahi hi.

Nasepte 3:16 ပူးပေါင်းရင်းမြစ်များ

Matthew 14:29

Ama in, “Hing pei in,” a ci hi. Tuaci’n gunkuong tung panin Peter kumin Jesu lam zuonin tui tungah a pei hi.

Matthew 9:22

Jesu zong kinuahei-in tua nu a mu ciengin ama in, “Ka tanu aw, lungmuongin om in; na upna in ang damsah zo ta hi,” a ci hi. Tuale thakhatthu-in numei nu a dam pai hi.

John 14:12

A tahtah a kang ci-in, keima ei um mi in keima’ sep nate ma a sem ding a, kei Pa kungah pei ta ding ka hi ziehin tamte sangin a lienzaw nasepte a sem lai ding uhi.

John 7:23

Moses’ thukham a kipalsat lo nadingin sabbath ni-in mi khat’ tep kitan thei ahileh sabbath ni-in mi khat’ pumpi ka damsah ziehin bang dingin kei tungah lungthah na hi uh ahei?

Nasepte 14:9

Paul in thu a gen laitahin tua pa in a ngai hi. Tuale Paul in limtahin en a, tua pa in dam thei nading upna a nei lam mu ahi ziehin,

Nasepte 16:18

Tua bangin ni tampi sung a awng den mielmuol hi. Ahi vangin Paul in tuapa seda mama a, tuale ama kihei-in tua hlagau kungah, “Tam nu sung panin na pusuo nadingin Jesu Khris’ minin thu kang pie hi,” a ci hi. Tua hun lien ma-in tua hlagau a pusuoh pai hi.

Nasepte 3:6

Ahi vangin Peter in, “Ngun le kham ka nei poma sih hi, hizongle ka nei pen kang pie hi; Nazareth mi Jesu Khris’ min tawh ding inlen lam pei in,” a ci hi.

Nasepte 3:8

Ama kitomin dingto a, lam pei pai-in amate tawh biehinnpi sungah lut a, a lam pei kawmin dieng vazawhin Pasien min’ a phat hi.

Nasepte 4:10

note zosie le Israel-te zosie in kithei ta un. A dam sienga na mai vua ang ding tam mipa pen singlamte tunga na khailia uh, Pasien in misite lah pan a thawsahkia pa Nazareth mi Jesu Khris’ min zieha dam ahi hi.

Nasepte 4:30

Cinate dam nadingin na khut zah inlen, a siengtho na nasempa Jesu’ minin lim le na lamdangte kibawl heh,” a ci uhi.

Nasepte 4:7

A laikim vuah thongkie tegel dingsahin, “No gel in bang thuneina le bang min tawh tami na bawl uh ahei,’ ci-in a dong uhi.

Rome-te 3:22

Tua khu a um mi vannuoi adingin Jesu Khris upna tungtawna a kipie Pasien’ dihna ahi hi. Tua ahi zieh in kilamdanna a om sih hi.

1 Corinth-te 13:2

Keima in kamsan theina nei-in thuthuh zosie le theina zosie zong nei-in, muolte kinsah zawh nading upna ka nei phiel ta zongin itna ka nei sih leh kei bangma ka hi tuon sih hi.

Thupiakkikna 32:4

Ama suongpi hi a, a nasepte bukimin a lampite zosie khu dihtatna ahi hi. A zuou lo thuman Pasien ahi a, midih le mi thutang ahi hi;