Nasepte 24:14 - Zo Bible

¹⁴ Hizongle keima in pawltuom a ci uh tami Lampi zui-in ka pu ka pate’ Pasien ka bie a, thukham laibu sung le kamsangte’ laibu sunga a kigielsa thu zosie ka um hi, ci thu na kungah kang pulah hi.

LAISIENGTHOU CL Bible (BSI)

¹⁴ Hinanleh tam thu na kungah ka phuong ahi, Amaun bieh dan tuom achi uh Lam zui in ka pu leh pate uh Pasian ka bie a, dan leh guolneite laibu a kigiel zousie gingta ka hi.

Zokam International Version

¹⁴ Bangbang ahi zongin amaute in biakna pawltuam khat a cih uh Lampi nungzui ka hi bangin ka pate Pasian ka bia hi, cih kong pulak hi. Thukham tawh a kituak le Kamsangte lai sunga kigelhsa peuhmah ka um hi.

Nasepte 24:14 ပူးပေါင်းရင်းမြစ်များ

1 Khangthute 29:18

Ka pu ka pate uh Abraham, Isaac, le Israel Pasien, Topa aw, na mite’ lungsim sungah tua bang ngimnate le ngaisutnate omsah zing inlen, nangma lamah amau’ lungsim kai in.

Phatna-late 119:46

Kumpite mai-ah zong nangma’ thukipte ka gen ding a, maizumna ka thuoh sih ding hi.

Paikhiatna 3:15

Pasien in zong Moses kungah, “Tam bangin Israel-te kungah, ‘Topa, na pate uh’ Pasien, Abraham’ Pasien, Isaac’ Pasien, le Jacob’ Pasien in na kung vuah kei ei sawl hi,’ na ci ding uhi: Tam pen keima min’ hi tawntung ding a, tam pen khang tawntungin ei kilawna hi ding hi.

Amos 8:14

Samaria’ pasien Ashimah minin kiciem a, “Dan aw, na pasien pen a hing zing ahi ma bangin,” a cite le “Beer-sheba lampi a hing zing ahi ma bangin,” a ci amate a pua ding vua, a thokia nawn sih ding uhi,” a ci hi.

Micah 4:2

minam tampite zong ang pei in: “Hing pei un, ama in a lampi ei hilin, a lampite i zui thei nadingin, Topa’ muol tung, Jacob Pasien’ biehinn ah va kato va vui,” a ci ding uhi. Azieh pen Zion panin thuhilna ang pei ding a, Jerusalem panin Topa’ kammal ang pei ding hi.

Matthew 10:32

“Tua ahi ziehin midangte mai-a ei hum mi zosie, vantung ka Pa mai-ah ken zong ka hum ding hi;

Matthew 22:40

Thukham zosie le kamsangte’ thuhil zosie tami thupieh nite tunga kikhai ahi hi,” a ci hi.

Matthew 7:12

“Na tung vua ang kibawl ding na dei bangun midangte tungah bawl un; azieh pen tami khu Moses’ thukham le kamsangte thugen bulpi ahi hi.

Luke 1:70

Bangzieh ahei cile ama in tanglai-a kipan a siengtho a kamsangte tung panin a na gensa bangin,

Luke 16:16

“John hun cieng dong thukham le kamsangte’ thu na kizang hi; tua zaw lang kalsie Pasien’ manggam lungdamna thu kihil a, tua gam sungah mi zosie in pau lut ding a hanciem uhi.

Luke 16:29

Abraham in, ‘Amate in Moses le kamsangte a nei uhi; amate’ thu na ngai ta uheh,’ a ci hi.

Luke 24:27

Tua ciengin Jesu in Moses le kamsang zosie tawh thu pan a, ama tawh kisai Lai Siengtho sunga kigen zosie ama gel kungah a hilcien hi.

Luke 24:44

Tua ciengin Jesu in amate kungah, “Note tawh ka opton lai-a na kung vua kang gen, Moses’ thukham laibu sung, kamsangte laibu sung, le late laibu sunga kigiel keima’ thu zosie ang tangtung valon ding hi, ka ci pen tami thu ahi hi,” a ci hi.

John 1:45

Philip in Nathanael mu a, ama kungah, “Moses in thukham laibu sunga a giel, kamsangte in zong a na giel Nazareth khuomi Joseph’ tapa Jesu i mu ta uhi,” a ci hi.

Nasepte 10:43

Ama a um tapo in ama’ min ziehin mawmaina a nga ding uhi, ci-in kamsang zosie in ama thu teci a pang zo uhi,” a ci hi.

Nasepte 13:15

Amate in thukham laibu le kamsangte’ laibute a sim zaw ciengun biehinn uhpa in amate kungah mi sawlin, “Sanggamte aw, mite adingin hanthotna thu na gen nop uleh gen un,” a cisah hi.

Nasepte 15:5

Ahi vangin Pharisee pawlte sung panin thu um mi pawlkhat ding to-in, “Amate in Moses’ thukham zui-in a tep uh a tan nadingun thu i pieh uh kul hi,” a ci uhi.

Nasepte 19:23

Khum hun pawlin Lampi thu tawh kisai buoina lienpi a tung hi.

Nasepte 19:9

Mi pawlkhat a lung uh khau a, amate in um nuom loin mipite mai-ah tua Lampi thu a gensiet ciengun amate kung panin nuazuite tawh Paul kihem dawhin Tyrannus thuhilna innpi sungah nisielin thu a kikuppi hi.

Nasepte 22:14

Tua ciengin ama in, “I pu i pate’ Pasien in ama’ deina a thei ding, Midih Pa a mu ding le ama’ aw a za dingin nang ang teel zo hi.

Nasepte 24:22

Hinanle Lampi thu a theizaw Felix in a thu khen ding sot to a, “Galkapmangpa Lysias ang tun ciengin keima in na thu uh kang khenpieh ding hi,” ci-in a gen hi.

Nasepte 24:5

Kote in tam mipa pen buoina a piengsah pa ahi a, leitung bup Jew mite lahah mi holtuo pa khat le Nazareth pawlte’ makai pa khat ahi lam ka thei zo ta uhi.

Nasepte 25:8

Paul in a kisutna ah, “Jew mite’ thukham tungah hile, biehinnpi tungah hile, kumpipa tungah hile bangma khielna ka bawl sih hi,” a ci hi.

Nasepte 26:22

Keima in Pasien kung panin huna ka nga a, tuni cieng dongin tam munah dingin, a neu a lien tungah teci ka pang a, bangma dang gen loin Moses le kamsangte in ang pieng ding hi, ci-a a gensa uh thu ma ka gen hi:

Nasepte 26:27

Kumpi Agrippa aw, kamsangte na um ei mah? Na up lam ka thei hi,” a ci hi.

Nasepte 26:4

“A cila patin Jerusalem khuo ka mipite lahah hinkhuo ka na zang a, ka khangno lai-a kipanin Jew mite zosie in keima’ hindan ei na theisiem uhi.

Nasepte 26:6

Pasien in ka pu ka pate uh a na pieh kamciem ka lamet ziehin tu-in tam munah thusitna thuoha a ding ka hi hi.

Nasepte 28:22

Ahi vangin mun zosie-ah tam biehna pawlte’ thu a kigensie hi, ci thei ka hi ziehun, nang tung panin na ngaisutnate ka za nuom uhi,” a ci uhi.

Nasepte 28:23

Ama tawh a kimu nading uh ni khat a se zaw ciengun Paul zintunna-ah mi tampitah a va haw ta uhi. Ama in zingmawng panin nitah dongin Moses’ thukham le kamsangte’ laibu panin amate thuhil a, Pasien’ manggam thu teci pangin Jesu’ thu lamah amate a thuzaw ding a hanciem hi.

Nasepte 3:13

I pupite ahi Abraham, Isaac, le Jacob-te’ Pasien in a nasempa Jesu a minthangsah zo hi. Tua pa pen Pilat in hla dingin a khensat vangin note in ama na niel vua, Pilat mai-ah tha dingin na pie ta uhi.

Nasepte 5:30

I pu i pate’ Pasien in singkhuom tunga na khailia pa uh Jesu a thokiasah zo hi.

Nasepte 7:32

‘Kei pen na pu na pate uh’ Pasien, Abraham, Isaac, le Jacob-te’ Pasien ka hi hi,’ a ci hi. Moses citun gawpin a en ngam sih hi.

Nasepte 9:2

tua Lampi a zui numei pasal a mu popo uh hensa-in Jerusalem a tut thei nadingun ama in Damascus khuo-a biehinn uhte kungah phalna lai ngen hi.

Rome-te 1:9

Bangzieh ahei cile tatsat loin ka thungetnate ah note kang phawden lamtah, ama tapa’ lungdamna thu hilin ka lungsim tahpi tawh ama’ na ka seppieh Pasien ka teci ahi hi.

Rome-te 3:21

Hizongle tu-in ahile thukham loin Pasien’ dihna kilang zo ta a, thukham le kamsangte in tam thu-ah teci a pang uhi.

1 Corinth-te 11:19

A tahtahin note lahah kikhenna a om ding ma ahi hi, azieh pen tua bang cieng ma behin note lahah a tahtah teng ang kitel pan ding hi.

Galatia-te 5:20

milim biehna, mibumna, mudana, kimat lona, thangsietna, lungthahna, kihauna, kilungtawh lona, kipawl khenna;

2 Timothy 1:3

Ka thungetna ah sun le zanin nang kang phaw zing ciengin, ka pu ka pate ma bangin lungsim siengtho tawh a na ka seppieh Pasien tungah lungdam thu ka tut hi.

Titus 3:10

Kikhen nading a piengsah mi poma khatvei ahi sihle nivei thu na hil zaw ciengin na thudon nawn sin.

1 Peter 1:11

amate sunga om Khris’ Hlagau in Khris’ thuoh dinga a kisesa teng le tua zaw cienga a nga ding minthanna thu teci a pankhol lai-in, koi a cina ahi a, bang hun ding ahei ci-in a kan hi.

Kilaakna 19:10

Tua ciengin ama bie dingin a ke phungah ka bawh a, hinanle ama in kei kungah, “Tam bang bawl sin! Kei pen nang le Jesu teci panna a pom na kithuopi mite tawh na semton ka hi bo hi. Pasien bie zaw’n! Bangzieh ahei cile tua Jesu’ teci panna pen kamsanna’ lungsim ahi hi,” ei ci hi.