Nasepte 22:1 - Zo Bible

¹ “Sanggamte le pate aw, tu-in na mai vuah ka kihutna dinga kang gen thu ngai un,” a ci hi.

LAISIENGTHOU CL Bible (BSI)

¹ “Sanggamte leh pate aw, tuin na kung uah ka dihna thu ka gen ding hi,” na ngai un.

Zokam International Version

¹ "Sanggamte le pate aw, tu-in kei kihutna thu na ngai un," a ci hi.

Nasepte 22:1 ပူးပေါင်းရင်းမြစ်များ

Luke 12:11

Amate in kikhopna innte-ah hile, vaihawmte le thuneite mai-ah hile ang peipi ciengun bangci kihutin bang thu gen ding ka hei ci-in lunghimaw sih un.

Luke 21:14

Tuaci’n note in na lungsim sung vuah na kihut nading uh ngaisun masa sih un;

Nasepte 13:26

“Abraham innkuon’ suonlehlah ka sanggamte le note lahah Pasien a giing midangte aw, note kungah tami hutdamna thu ang kipuoh zo ta hi.

Nasepte 23:1

Paul in biehna uliente a etcien laitahin ama in, “Sanggamte aw, keima in tuni cieng dongin Pasien mai-ah lungsim kisuonna om loin hinkhuo ka na mang hi,” a ci hi.

Nasepte 23:6

Mi pawlkhatte pen Sadducees-te hi a, adangte Pharisees-te ahi lam Paul in a thei bepin ama in, “Sanggamte aw, kei zong Pharisees-te’ tapa, Pharisee mi khat ma ka hi hi. Misite thawkia tawh kisai lametna thu ziehin thusitna thuoh ka hi hi,” ci-in biehna uliente mai-ah a kiko hi.

Nasepte 24:10

Uhpi pa in thu gen dingin Paul lamah khut a van ciengin ama in, “Nangma in tam minam tungah kum tampi sung thukhenpa na hi lam ka thei ziehin lungdam tahin ka kisutna ding thu ang gen ka hi hi.

Nasepte 25:16

Keima in amate kungah, “Mawsahna a thuohte in a mawsahte tawh kimaituo-in a kimawsahna thu a phel thei nadingin hun lemtang khat a nga masangsie, a mawsahte’ khut sungah mi khatpo ap ding pen Rome ngaina hi lo hi, ci-in amate kungah ka gen hi.

Nasepte 25:8

Paul in a kisutna ah, “Jew mite’ thukham tungah hile, biehinnpi tungah hile, kumpipa tungah hile bangma khielna ka bawl sih hi,” a ci hi.

Nasepte 26:24

Ama in tami a kisutna thu a gen laitahin Festus in, “Paul aw, nang mimaw na hi hi! Na pilna tampi sinna in nang ang lemotsah ta hi!” ci-in nahpitahin ama a kiko hi.

Nasepte 28:17

Ni thum zaw ciengin ama in tuol sung Jew makaite a kikhawmsah hi. Amate a kikhop ciengun ama in amate kungah, “Sanggamte aw, keima in i mipite tungah hile, i pu i pate’ ngaina tungah hile ka sepkhiel bangma om lo napi-in, amate in Jerusalem khuo ah ei manin thong ei khie vua, tua panin Rome-te’ khut sungah ei ap uhi.

Nasepte 7:2

Stephen in: “Sanggamte le pate aw, na ngai un. Haran khuo ah i pu uh Abraham a ten masang, Mesopotamia gama a op lai-in ama kungah vanglien Pasien na kilah a,

Rome-te 2:15

A lungsim sung vuah thukham in a kalh thute kigiel hi, ci-in amate in a lah vua, amau’ kitheina lungsim in zong teci a pang hi. A kitukal a lungsimte un amate mawsah zelin maisah zel a,

1 Corinth-te 9:3

Kei ei sittel mite tungah ka kidalna tami ahi hi.

2 Corinth-te 12:19

Note mai-ah koma le koma a kiphelphelin ei ngaisun na hi uh amah? Kote pen Khris sunga omte bangin Pasien mai-a thugengen ka hi uhi. Ka itte aw, ka sepna zosie uh pen note kilamkip nading ahi hi.

2 Corinth-te 7:11

Bangzieh ahei cile tami Pasien lama dana in note sungah bang citahna, no le no kisiensuo nadingin bang lawpna, bang lungthahna, bang patauna, bang lunggulna, bang pawnthawna, bang gawtnate piengsah ahei ci thu en un! Note in tami thu-ah bang mun bang munah na maw lo lam uh na kilangsah zo ta uhi.

Philippi-te 1:17

adangte in lungsimtahpi tawh hi loin, ka thongkiehna-a ka gim thuohte a kibelap thei nading bepin angsung khuolna tawh Khris’ thu a gen zawsop uhi.

Philippi-te 1:7

Na lungsim sung vuah nei vei ziehun note zosie tam bang dan a kang ngaisut ding pen kei adingin a man ahi hi, azieh pen ka thongkiehna, lungdamna thu ka hunna le ka kipsahna ah keima tawh kibangin note zosie in zong Pasien’ hepina na tang uhi.

2 Timothy 4:16

Keima’ kihutna thu ka gen masah lai-in koima in ei panpi sih a, mi zosie in ei taisan sieng uhi. Tua thu ziehin amate kimawsah da kon heh!

1 Peter 3:15

Hinanle na lungsim sung vuah Khris pen Topa bangin zatah un. Na sung vua om lametna thu ang dong popo a hilcien thei dingin a kigingsa-in om zing un;