Nasepte 21:13 - Zo Bible

¹³ Tua ciengin Paul in, “Bang dingin note tam bangin kapin ka lungsim kitapkhap nadingin gamta na hi uh ahei? Bangzieh ahei cile hencipna hi khop loin Topa Jesu’ min adingin Jerusalem ah sina nangawn a thuoh dinga a kithawisa ka hi hi,” ci-in a dawng hi.

LAISIENGTHOU CL Bible (BSI)

¹³ Tuachi’n Paul in nouten kap a na hing hasietsah uh “Bang na china uh ahiei? Mangpa Jesu min a Jerusalem a kaan a um bep hilouin shi ding nangawn ngap ka hi,” chi’n adawng hi.

Zokam International Version

¹³ Tua ciangin Paul in, "Bang hangin note kapa, ka lungtang tamkhamsak na hi uh hiam? Hong kihen bek tham loin Topa Jesu min hangin Jerusalem a sih ding nangawn a kigingkholsa ka hi hi," hong ci hi.

Nasepte 21:13 ပူးပေါင်းရင်းမြစ်များ

1 Khangthute 11:18

Tua ciengin Thumte in Philistia-te’ giephuol a phukeh vua, Bethlehem tunkot gei-a tui tawi-in David kungah a peipi uhi. Ahi vangin David in tua tui a dawn sih hi; ama in Topa adingin tua tui sungsuh a,

Isaiah 3:15

Note in ka mite na suhguoina ule mizawngte’ maitang na gawizanna uh bang na deina uh ahei?” Vanglien Topa in ci hi.

Jeremiah 40:1

Babylon gamah saltang dingin Jerusalem le Judah gam sunga saltang zosiete tawh kol kibulin kumpi cing galkapmangpa Nebuzaradan in Ramah panin ama a peisah zaw ciengin Jeremiah kungah Topa’ thu a tung hi.

Ezekiel 18:2

“Nu le pate lengga thua neh, a tate ha a za hi,” ci-in Israel gam tawh kisai-in tami paunah na gengen pen uh bang na cinopna uh ahei?”

Jonah 1:6

Tembaw uhpa pei-in ama kungah, “Bangci banga hici kimut ziuzieu thei na hei? Tho inlen, na pasien kungah thu ngen ven! Tua pasien in eite si loin i suotah thei nadingin ei ngaisutpieh maw lo ding hi,” a ci hi.

Nasepte 20:24

Ahi vangin Pasien’ hepina ziehin Topa Jesu kung pana ka nga lungdamna thu ka teci pan nading ahi ka lampi le ka nasepnate ka zaw thei nading ahi nah po leh kei adingin ka hinna man nei-in ka ngaisun sih hi.

Nasepte 20:37

Amate zosie nahpi-in kapin Paul kawi-in a nam vua,

Nasepte 5:41

Biehna uliente kung pan a peikhiet ciengun amate in ama’ min ziehin mindaina thuoh tah sa-in a lungdam mama uhi.

Nasepte 9:16

Ama in keima’ min ziehin bangza-in gimna thuoh ding ahei, ci pen kei mama in ama ka lah ding hi,” a ci hi.

1 Corinth-te 15:31

Sanggamte aw, note ziehin i Topa Jesu Khris sungah ka kisahthei zakhat ma bangin nisimin sina a thuohthuoh ka hi hi!

Philippi-te 2:17

Ahi vangin na upna ziehun silpieh ding le biehpiehna-a gaw dingin ei kisungsuh nanle note zosie tawh lungdamin ka kipah veve hi.

Philippi-te 2:26

Bangzieh ahei cile ama in note zosie ang ngai ngetngut a, note in a dam lona thu na zah ziehun ama zong a lunghel mama hi.

Colosse-te 1:24

Tu-in keima in note dinga ka thuoh gimnate-ah ka lung a dam a, ka tahsa-a ka thuoh gimnate tawh hlattuom pawlpi ahi ama’ pumpi tangin Khris in a thuoh ding a kisam lai teng thuohin a bukimsah ka hi hi.

2 Timothy 1:4

Lungnopna tawh ka kidim thei nadingin na hlitui luonnate phawhkia-in kang mu ding kal ka ngahla mama hi.

2 Timothy 4:6

Azieh pen kei ka hi leh dawnthei biehna banga sun dingin a kithawi sa-in ka om zo a, ka pei ding hun ang tung ta hi.

2 Peter 1:14

Keima tungah i Topa Jesu Khris in teltahin ei lahsa ma bangin ka sina ding ang tung bai ta ding hi, ci ka thei hi.

Kilaakna 12:11

Hizongle amate in Tuuno sisan zieh le amau’ teci panna thu ziehin ama a zo uhi. Azieh pen amate in sina a thuoh dongun a nuntahna nangawn uh a it sih uhi.

Kilaakna 3:10

Lungduoi tahin thuohzawhna thu tawh kisai ka thu zui zo na hi ziehin, leitunga teng mite sittel nadingin leitung buppi-a ang tung ding hahsatna hun panin kang kem ding hi.

1 Samuel 1:8

A pasal Elkanah in, “Hannah, bang zieha kap na hiei? Bang dinga an na neh lo ahiei? Bang dinga lungkham na hiei? Nang adingin tapa sawm sangin manphazaw hi lo ka mah?” a ci hi.

1 Samuel 15:14

Ahi vangin Samuel in, “Tua ahile ka bila ka zah tuu hamte le bawng hamte bang ahiei?” a ci hi.