Nasepte 2:32 - Zo Bible

³² Pasien in tua Jesu thosah zo a, tami thu-ah kote zosie teci ka hi uhi.

LAISIENGTHOU CL Bible (BSI)

³² Tam Jesu khu Pasian in akaithou kiata ngei a, ka unpi un tuami theipite ka hi uhi.

Zokam International Version

³² Pasian in hih Jesu thosakin nung tasaka, hih thu a taktak a hina kote khempeuh, teci ka hi uh hi.

Nasepte 2:32 ပူးပေါင်းရင်းမြစ်များ

John 15:27

A cil a kipanin kei tawh omton na hi ziehun note in zong keima tungtang teci na pang ding uhi.

Nasepte 1:22

John’ baptize-a kipanin vantungah Jesu a kilah dong, ama’ thawkiana thu-ah eite tawh teci a pangton mite lahah khat ahi kul hi,” a ci hi.

Nasepte 1:8

Ahi vangin na tung vuah Hlagau Siengtho ang tun ciengin vanglietna na nga ding vua, Jerusalem, Judea, Samaria le leimong dongin ka teci na hi ding uhi,” a ci hi.

Nasepte 13:30

Ahi vangin Pasien in misite lah panin ama thosah zo hi;

Nasepte 13:33

ei a tate adingin ama in Jesu a thawsahkiana tawh a tangtun zo hi. Late dawng nina sungah zong, ‘Nang ka Tapa na hi hi; tuni-in nang kang piengsah zo hi,’ ci-in kigiel hi.

Nasepte 17:31

Bangzieh ahei cile ama in a sesa mipa tungtawnin dihna tawh thu a khen nading ni khat a sekhol zo hi. Misite lah panin ama a thawsahkiana tawh tami thu a man a hina mi zosie tungah hla muonna a pie zo hi,” ci-in a gen hi.

Nasepte 2:24

Ahi vangin sina in ama tukip zo lo ahi ziehin Pasien in sina panin suohtasahin a thosah hi.

Nasepte 3:15

Note in Hinna a piengsah pa na that vua, hizongle Pasien in misite lah panin ama a thosah hi. Tam thu-ah kote teci ka hi uhi.

Nasepte 3:26

Pasien in a sila pa a thawsah ciengin na gitlona zosie panun kihei-in thupha ang pieh thei nadingin na kung vuah ama ang sawl masah ahi hi,” ci-in a gen hi.

Nasepte 4:10

note zosie le Israel-te zosie in kithei ta un. A dam sienga na mai vua ang ding tam mipa pen singlamte tunga na khailia uh, Pasien in misite lah pan a thawsahkia pa Nazareth mi Jesu Khris’ min zieha dam ahi hi.

Nasepte 4:33

Sawltahpite in vanglietna lienpi tawh Topa Jesu’ thawkiana thu teci a pang vua, amate zosie tungah Pasien’ hepina lienpi a tung hi.

Nasepte 5:30

I pu i pate’ Pasien in singkhuom tunga na khailia pa uh Jesu a thokiasah zo hi.

1 Corinth-te 15:15

Misite thokia lo hi, ci thu a man tahpi leh Pasien in Khris zong a thosah lo ahi hi. Pasien in sina panin Khris thosahkia zo hi, ci-in teci ka pan ziehun kote nangawn zong Pasien thu’ a man lopi-a genin ei kimu ding hi.

1 Corinth-te 6:14

Pasien in Topa thosah a, ama in eite zong a vanglietna tawh ei thosah ding hi.

2 Corinth-te 4:14

Bang ding ahei cile Topa Jesu a thosah pa in kote zong Jesu tawh ei thosah kia-in, note tawh ama opna-ah ei tun ding hi, ci ka thei uhi.

Galatia-te 1:1

Mihingte sawlna tawh ahi lo, thunei mihingte tung pan zong hi loin Jesu Khris le misite lah panin ama a thosah Pasien tung panin sawltahpi khat ahi keima Paul le

Ephesa-te 1:20

Pasien in sina panin ama thosahin, vantung munte sunga ama’ zietlamah a tosah lai-in Khris sungah na sem dingin tami vanglietna guonpieh a,

Colosse-te 2:12

Baptize-na sungah Khris tawh na kivuiton ciengun sina panin ama a thosah Pasien’ vanglietna sungah upna tungtawnin note zong ama tawh ang thotonsah kia ta hi.

Hebrews 13:20

Kumtawn thuciemna sisan ziehin tuucing lien pa, sina panin i Topa Jesu a thokiasah pa, kilemna Pasien in,

1 Peter 1:21

Pasien tungah na upna ule na lametna uh a kingah thei nadingin, ama tungtawnin sina panin ama a thosah le minthanna a pie pa Pasien sungah muonna a nei na hi uhi.