Nasepte 18:5 - Zo Bible

⁵ Macedonia gam panin Silas le Timothy a tun ciengin Paul thuhil lamah kitahla-in Messiah in Jesu ahi hi, ci-in Jew mite kungah teci a pang hi.

LAISIENGTHOU CL Bible (BSI)

⁵ Silas leh Timothi Masidonia gam akipat ahing tun tah un, Paul in Hagau theisahnain thu ngentang genin aumta a, Judate kungah Jesu khu Khrist ahi chi theipina thu genin ahil chien zel hi.

Zokam International Version

⁵ Macedonia panin Silas le Timothy a tun uh ciangin Paul amahmah thuhilhna bekah kipumpiak a, Jew-te kiangah, "Jesu in Christ a hi," ci-in a hilh hi.

Nasepte 18:5 ပူးပေါင်းရင်းမြစ်များ

Jeremiah 20:9

Keima in, “A min ka gen sih ding a, ama’ min ka lo nawn sih ding hi,” ci nanleng zong, ka lungsim sungah meikuong bangin a om a, ka gu sung ei zen hi; ka ki-ip na lamin ka gim a, lah ka ki-ip zo tuom sih hi.

Jeremiah 6:11

Ahi vangin keima pen Topa’ thangpaina tawh ka kidim a, ka sunga ka khol ding zong ka cimtah ta hi.

Ezekiel 3:14

Hlagau in keima ei domsangin ei puomang hi; keima tungah Topa’ khut a hat seng ziehin lungthah le hlasie-in ka pei hi.

Micah 3:8

Ahi vangin kei ka hileh, Jacob’ khielna le Israel’ mawna a pulah dingin, vanglietna, Topa’ hlagau, thutang le hatna tawh ka kidim hi.

Luke 12:50

Ka ki-baptize nading baptize-na khat ka nei a, tuami a kicin masangsie ka lung a nuom thei sih ding hi!

Luke 16:28

Azieh pen keima in sanggam pasal nga ka nei a, tami bawlsietna munah amate ang tun lo nadingun ama in ei va hilpieh taheh,’ a ci hi.

John 1:41

Ama in a sanggampa Simon mu masa pen a, ama kungah, “Messiah (Sathau kinupa a ci nopna) ka mu ta uhi,” a ci hi.

John 10:24

a kimkotah Jew mite kikhawmin ama kungah, “Nang in bang tanvei lung nawngkai-in kote ei koi ding na hei? Messiah na hi leh siengtahin ei gen pai ta’n” a ci uhi.

John 15:27

A cil a kipanin kei tawh omton na hi ziehun note in zong keima tungtang teci na pang ding uhi.

John 3:28

‘Kei, Messiah ka hi sih a, a masanga ei kisawl pa ka hi bo hi,’ ci-a ka gen khu nomate mama ka teci na hi uhi.

Nasepte 10:42

Ama pen misite le a hinglai mite thu khen dingin Pasien in a sekhol pa ahi hi, ci thu mite tunga tangko ding le teci pang dingin Pasien in kote thu ei pie zo hi.

Nasepte 15:22

Tua ciengin sawltahpite, upate le hlattuom pawlpi buppi in amate sung panin mi pawlkhat teelin Antioch khuo ah Paul le Barnabas peitonsah dingin a khensat uhi. Amate in sanggamte lahah makai ahi Barsabbas a kici Judas le Silas a sawl vua,

Nasepte 16:1

Paul peisuoh lai-in Derbe le Lystra khuo ah a tung a, tua munah thu um Jew mi numei khat’ tapa Timothy a kici nuazui khat a om hi; ahi vangin a pa pen Greek mi ahi hi.

Nasepte 16:12

tua mun panin Macedonia gamkhen sunga khuo thupi pen le Rome mite tenna Philipi khuo ah ka tung uhi. Tami khuo ah ni tampi sung ka tam uhi.

Nasepte 16:9

Zanlai-in Paul in mang khat a mu hi; tua munah Macedonia mi khat dingin, “Macedonia gamah hing galkai inlen kote ei hu in,” ci-in a thum hi.

Nasepte 17:3

Messiah in gimna thuohin misite lah panin a thawkia ding a kisapna thute hilcienin lahtel a, “Note kunga kang tangko Jesu khu Messiah ahi hi,” a ci hi.

Nasepte 18:28

Azieh pen ama in mipi mai-ah Jew mite khautahin niel gawp a, Messiah pen Jesu ahi hi, ci-in Lai Siengtho pansia-in amate a lah hi.

Nasepte 2:36

Tua ahi ziehin note in na khailia uh tua Jesu, Pasien in Topa le Messiah a suohsah zo ta hi, ci thu Israel innkuon buppi in teltahin thei ta uheh,” a ci hi.

Nasepte 20:21

Keima in Jew mite le Greek-te tungah Pasien lama kisiakiana thu le Topa Jesu lama upna thute teci ka pan zo lam noma ma in na thei uhi.

Nasepte 20:23

Tuale khuopi zosie-ah thongkiehna le bawlsietnate in ei ngah gige a hina thu Hlagau Siengtho in kei tungah teci a pang hi.

Nasepte 20:24

Ahi vangin Pasien’ hepina ziehin Topa Jesu kung pana ka nga lungdamna thu ka teci pan nading ahi ka lampi le ka nasepnate ka zaw thei nading ahi nah po leh kei adingin ka hinna man nei-in ka ngaisun sih hi.

Nasepte 4:20

Bangzieh ahei cile kote in ka musa ule ka zahsa uh thute gen loin ka om thei sih uhi,” ci-in a dawng uhi.

Nasepte 9:22

Saul vang nei semsem a, Jesu in Messiah ahi hi, ci-in a hilcien ziehin ama in Damascus-a teng Jew mite a amtumsah hi.

2 Corinth-te 1:19

Azieh pen Silvanus, Timothy le keima in note lahah kang hil uh Pasien’ Tapa Jesu Khris pen, “Ing heh,” ci-in, “Hi sih,” a cikia nianua pa hi lo hi; ama sungah, “Hi hi,” a ci vive ahi zaw hi.

2 Corinth-te 11:9

Note tawh omtonin kisapna ka nei ciengin Macedonia gam pana ang pei ka lawmte in ka sapnate ei sih ziehun koima vangih ka suon sih hi. Tuaci’n lam khatpopo-ah note’ vangih ka suo lo nadingin ka kideh a, ka kideh lai ding hi.

2 Corinth-te 5:14

Bangzieh ahei cile mi zosie adingin mi khat si zo hi, ci thu thei ka hi ziehun tua Khris’ itna in kote ei thuzaw hi; tua ahi ziehin mi zosie a si uhi.

Philippi-te 1:23

Tami thu nite kikalah teel zawh kuom ding mel thei loin tangciehin ka om hi: ka lunggul pen ahile peikhie dawhin Khris tawh ka omton nuom hi, bangzieh ahei cile tua pen nahpi tahin hoizaw tham hi.

1 THESSALONIKA 3:2

tuale na upna uh ang thakhausah ding le ang hanthawn dingin Khris lungdamna thu tangkona ah Pasien’ na ka seppi uh i sanggam pa Timothy kang sawl vua,

1 THESSALONIKA 3:6

Ahi vangin tu-in no kung panin ko kungah Timothy ang tung pan lien ahi a, ama in ko tungah na upna ule nei itna uh lungdamna thu thate ei puoh hi. Note kang munop ma bangun note in limtahin kote ei phawhin nei munopna thu zong ama in ei gen zo ta hi.

1 Peter 5:12

Keima in sanggam muonhuoi khat a ka ngaituo Silvanus tungtawnin note hanthot nading le tam pen Pasien’ hepina tahtah ahina thu teci ka pan nadingin tami laihlah tomno kang giel ahi hi. Tua thu-ah kip un.