Nasepte 16:6 - Zo Bible

⁶ Hlagau Siengtho in Asia gam sungah Pasien thu a hil ding uh phal lo ahi ziehin Phrygia le Galatia gam tengah a zin uhi.

LAISIENGTHOU CL Bible (BSI)

⁶ Tuin Paul leh alawmten Phrigia gam leh Galatia gam atotsuoh zou un, Hagau Siengthou in Asia gam a thugen akhamta hi.

Zokam International Version

⁶ Paul le a lawmte Phrygia le Galatia kual khempeuh ah zin kawikawi uh a, Asia gama thu a hilh ding uh Khasiangtho in a phal kei hi.

Nasepte 16:6 ပူးပေါင်းရင်းမြစ်များ

Isaiah 30:21

Ziet lama na kihei cieng uh hile, vei lama na kihei cieng uh hile, na nua panin na bil un, “Tami lampi ahi hi, tami zui un,” a ci a za ding hi.

Luke 1:2

tuate pen a cil a kipanin mit tawh a mu mite le tua thu a na gente in ei na hilsawn bang tehteh ahi hi.

Nasepte 10:19

A mang muna thu Peter in a ngaisut laitahin Hlagau in ama kungah, “En in, mihing thum in nang ang sui uhi.

Nasepte 11:12

Eite le amau’ kikalah khentuom ci nei loin amate tawh a zawhton dingin kei kungah Hlagau in ei gen zo hi. Tami i sanggam guhte in zong ei zui vua, tua mipa’ inn ah ka tung uhi.

Nasepte 16:7

Mysia gamgi a tun uh ciengin Bithynia gam a lut sawm vangun Jesu’ Hlagau in amate a phal sih hi;

Nasepte 18:23

Tua tahah bakhat sung hun a zah zaw ciengin peikia a, Galatia le Phrygia gam sung tengah mun khat zaw mun khat pei kawikawi-in nuazui zosie a va thakhausah ta hi.

Nasepte 19:10

Asia gam sunga a teng Jew mite le Greek-te in a unpi-un Topa’ thu a zah thei nadingun tam bangin kum ni sung a zomsuoh hi.

Nasepte 20:16

Azieh pen Paul in Asia gam sungah a hun zang loin Ephesus khuo nawtsuoh dinga a khensatsa ahi hi; ahi theile Pentcost pawi ni-in Jerusalem-ah a om nuom mama hi.

Nasepte 20:28

Pasien in a Tapa’ sisan tawh a leisa ama’ hlattuom pawlpi a vah dingin, Hla Siengtho in note’ khut sunga ang koi na tuuhon zosie ule noma ma limtahin na kem un.

Nasepte 20:4

Beroea khuomite Pyrrhus’ tapa Sopater, Thessalonica khuomi Aristarchus le Secundus, Derbe khuo mite Gaius le Timothy, Asia gam pan Tychicus le Trophimus-te in ama a zui uhi.

Nasepte 21:27

Ni sagi a cin kuon ciengin Asia gam pana Jew mite in biehinnpi sungah ama a mu ciengun mihonte hantawhin a man vua,

Nasepte 6:9

Tua ciengin Suohta Mite’ kikhopna (amau’ kilawna) panin mi pawlkhat, Cyrene-te, Alexander-te, Cilicia gam le Asia gam panin mite in Stephen langpangin a kisel uhi.

Nasepte 8:29

Tua ciengin Hlagau in Philip kungah, “Pei inlen tami sakol leeng zui in,” a ci hi.

Rome-te 16:5

Ama gel’ inn a kikhawm hlattuom pawlpite zong ei na noset pieh un. Asia gamah Khris adinga a kikhel masa pen, ka lawm it Epaenetus ei na noset pieh un.

1 Corinth-te 12:11

Tam teng zosie a kibang hlagau khat guoh nasep ahi a, ama’ deina bangin mimal khat ciet tungah a hawmpieh hi.

1 Corinth-te 16:1

Tu-in misiengthote ading sumpi kaikhopna tawh kisai-in: Galati pawlpite in a zui ding uh thu ka piehsa bangin note in zong na bawl un.

1 Corinth-te 16:19

Asia gama hlattuom pawlpite in ang noset uhi. Aquila le Prisca-te in zong ama’ inn sunga a kikhawm hlattuom pawlpi mite tawh Topa sungah lungsim tah tawh ang noset uhi.

2 Corinth-te 1:8

Sanggamte aw, Asia gam sunga ka thuoh uh gimnate thei lo-a na op ding uh ka dei sih hi; bangzieh ahei cile kote in thuoh zawh lo ding za-in gimna ka thuoh vua, hin tu zo lo ding za-in ka lung uh a kie gawp hi.

Galatia-te 1:2

ka ompi Pasien’ innkuonpite zosie in, Galati gam hlattuom pawlpite tungah:

Galatia-te 3:1

No Galati mimawte! Koi in ang bumlawm ta uh ahei? Singlamte tungah Jesu Khris a kikhailia bangin na mitmu-un kicientahin ang kilah zo hi!

2 Timothy 1:15

Asia gam sunga om zosie in kei ei taisan vua, tuate lahah Phygelus le Hermogenes-te zong kihal hi, ci thu na thei uhi.

2 Timothy 4:10

Azieh pen Demas in tami leitung a it ziehin keima ei taisanin Thessalonica khuo ah a pei zo hi; Galatia gamah Crescens ama pei zo a, Dalmatia gamah Titus pei zo hi.

Hebrews 11:8

Upna tawh a gouluo nga nadinga a kiciemna mun pei dingin Abraham a kihlat lai-in, a pei nading mun nangawn thei lo napi, thumangin upna tawh a pei hi.

1 Peter 1:1

Jesu Khris’ sawltahpi keima Peter in, Pontius gam, Galatia gam, Cappadocia gam, Asia gam, le Bithynia gamte-ah galtai-a a Kithethang Mite kungah lai kang hlah hi.

Kilaakna 1:11

“Na mu teng laibu khatah giel inlen, hlattuom pawlpi sagite ahi Ephesus, Smyrna, Pergamum, Thyatira, Sardis, Philadelphia, le Laodecia-te tungah hlah in,” ei ci hi.

Kilaakna 1:4

John in Asia gam sunga om hlattuom pawlpi sagite kungah: Tuhun, a tawpsa hun, le mailam huna ang om lai ding pa le ama’ topha mai-a om hlagau sagite pan le,