Nasepte 16:19 - Zo Bible

¹⁹ Ahi vangin a pute in a sum mu nading uh lametna tawp zo hi, ci-in a thei bepun amate in Paul le Silas-te a man vua, tuale vanzuana mun thuneite mai-ah a kaiphit uhi.

LAISIENGTHOU CL Bible (BSI)

¹⁹ Hinanleh tua suohnu putein asum muna uh abeita chi athei tahun, Paul leh Sailas aman ua, vanzuona mun lah ah akai ua, thuneite mai ah alutpita uhi.

Zokam International Version

¹⁹ Tua silanu a neite in a sum muhna uh bei ta cih a theih uh ciangin Paul le Silas man uh a, thuneite mai-a ding dingin vanzuakna mun sumbuk tualah a kaigawp uh hi.

Nasepte 16:19 ပူးပေါင်းရင်းမြစ်များ

Daniel 6:12

Tua ciengin amate in kumpipa kung a neh vua, tuale thupiehna lai tawh kisai-in, “Kumpipa aw! Ni sawmthum sungin nang kung longal pasien ahi sihle mihing tunga thu ngen poma humpi kuo sungah kikhie ding hi, ci-in thupiehna lai tungah suoi kai zo hi lo na mah?” a ci uhi. Kumpipa in, “ Medes-te le Persia-te upadi a kiphel thei lo ma bangin tam thu pen thukip ahi hi,” ci-in a dawng hi.

Matthew 24:9

“Tua ciengin amate in bawlsiet ding le tha dingin note ang pie ding vua, tuale keima’ min ziehin minam zosie in ang muda ding uhi.

Mark 13:9

“Noma na hi uleh na kikemsiem un; azieh pen amate in thukhenna zumah ang tut ding a, kikhopna inn sungah zong ang kisat ding uhi; keima ziehin gam-uhte le kumpite mai-ah teci-in na ding ding uhi.

Nasepte 14:19

Ahi vangin Antioch le Iconium khuo panin tua munah Jew mite pei-in mihonpi a thuzaw gawp uhi. Tua ciengin amate in suong tawh Paul a sep gawp vua, a si hi ta va ci-in khuo pulamah a kaiphit uhi.

Nasepte 14:5

Gentile-te le Jew mite in a uliente utawh sawltahpite bawlsie-in suong tawh se ding a hanciem vua,

Nasepte 15:22

Tua ciengin sawltahpite, upate le hlattuom pawlpi buppi in amate sung panin mi pawlkhat teelin Antioch khuo ah Paul le Barnabas peitonsah dingin a khensat uhi. Amate in sanggamte lahah makai ahi Barsabbas a kici Judas le Silas a sawl vua,

Nasepte 15:26

Ama gel pen i Topa Jesu Khris’ min ziehin a hinna uh a pie ngamte ahi uhi.

Nasepte 15:40

Hizongle Paul in Silas teel a, Topa’ hepina sungah thu um mite in ama apin a kuonkhie uhi.

Nasepte 16:16

Nikhat, thungetna mun zuona ka pei laitahun, dawi lawm nei, mailam thugenna tawh a pute sum tampi a suipieh sila numei khat tawh ka kituoh kha uhi.

Nasepte 16:20

Thukhenmangte kung a tut uh ciengin amate in, “Tam mite in i khuo sung a buoisah uhi; ama gel pen Jew mite ahi vua,

Nasepte 16:25

Zankim pawlin Paul le Silas in thu ngenin Pasien tungah phatna late a sa vua, tuale thongkiete in a ngai uhi.

Nasepte 16:29

Thongcing pa in meivah ngenin thong sung a nawlut pai a, Paul le Silas-te mai-ah a citunsa-in a khupbawh hi.

Nasepte 17:6

Ama gel a mul zo lo bepun amate in Jason le thu umte pawlkhat kaiphitin khuopi thuneite’ mai-ah a tut vua, “Leitung kikhulehsah tam mite tami munah zong ang tung ta vua,

Nasepte 21:30

Tua ciengin khuozang buppi buoi a, mite zong a hontai uhi. Amate in Paul a man vua, biehinnpi sung panin ama kaiphitin thakhatin kotpite a kha pai uhi.

Nasepte 8:3

Hinanle inn khat zaw inn khatah Saul lutin hlattuom pawlpi susie a, numei le pasalte kaiphitin thong sungah a khum hi.

Nasepte 9:16

Ama in keima’ min ziehin bangza-in gimna thuoh ding ahei, ci pen kei mama in ama ka lah ding hi,” a ci hi.

2 Corinth-te 6:5

satnate, thongkiehnate, buoinate, na ham sepnate, zanlai-a kimutmaw law nate, le gilkielnate ahi a;

Philippi-te 1:30

Ka thuohsa bangin note in zong na thuoh lam uh na thei lang kalsie uh tu-in thuoh ding a nei lai ka hi lam zong thei ta un.

1 THESSALONIKA 2:2

Hizongle na theisa ma bangun Philippi khuo ah gimna thuohin zumhuoi tahin ei kibawlsie a, langpanna nasie tahin a op vangin, na kung vuah Pasien’ lungdamna thu a gen dingin i Pasien sungah hansanna ka nei uhi.

1 Timothy 6:10

Bang ding ahei cile sum deigawna in sietna namkim’ zungpi hi a, a hau nop luotna ziehun upna panin mi pawlkhat pielin lungkhamna tampi a thuohlaw uhi.

James 2:6

Ahi vangin note in mizawngte na simmaw bawl uhi. No ang gawtte, mihaute hi lo uh amah? Thukhenna zumah ang kaite zong amate hi lo uh amah?