Nasepte 11:22 - Zo Bible

²² Jerusalem-a om hlattuom pawlpite in tami thu thate a zah ciengun Antioch khuo ah Barnabas a sawl uhi.

LAISIENGTHOU CL Bible (BSI)

²² Tuachi’n tam thute Jerusalem khuo a um hattuomten azata ua, tualeh Antiok tandong va haw ding in Barnaba asawl uhi.

Zokam International Version

²² Hih thu Jerusalem a pawlpite in na za uh a, Antioch ah Barnabas a sawl uh hi.

Nasepte 11:22 ပူးပေါင်းရင်းမြစ်များ

Nasepte 11:1

Tu-in Gentile-te in zong Pasien’ thu sang zo ta uhi, ci thu Judea gama om sawltahpite le thu umte in a za uhi.

Nasepte 11:19

Stephen tungah bawlsietna a tun ziehin a kithethangte in Phoenicia gam, Cyprus tuikul, le Antioch dongin a banzin vua, amate in Jew mite kung simlo koima kungah thu a hil sih uhi.

Nasepte 11:20

Ahi vangin Antioch khuo-a pei, Cyprus tuikul le Cyrene khuo mite pawlkhat in Greek ham a zang Jew mite kungah zong Topa Jesu’ thu a tangko uhi.

Nasepte 11:26

tuale ama a mu ciengin Antioch khuo ah a zawpi hi. Ama gel zong kum khat sung tungtawn hlattuom pawlpi mite tawh kimu-in mi tampi thu a hil uhi. “Tapidawte” ci-in a min kilo masa pente Antioch khuo-a nuazuite ahi uhi.

Nasepte 11:27

Tua hunin Jerusalem panin Antioch ah kamsangte a peisuh uhi.

Nasepte 15:2

Paul le Barnabas in amate tawh nahpitahin kinielna le kiselna a nei zaw ciengun, tam thudawhna tawh kisai-in sawltahpite le upate tawh Jerusalem ah peito-in thu kikum dingin Paul, Barnabas, le adang pawlkhat kise hi.

Nasepte 15:22

Tua ciengin sawltahpite, upate le hlattuom pawlpi buppi in amate sung panin mi pawlkhat teelin Antioch khuo ah Paul le Barnabas peitonsah dingin a khensat uhi. Amate in sanggamte lahah makai ahi Barsabbas a kici Judas le Silas a sawl vua,

Nasepte 18:22

Caesarea khuo a tun ciengin Jerusalem ah peito-in hlattuom pawlpite hopi a, tua ciengin Antioch-ah a peisuh hi.

Nasepte 6:5

Amau’ thugen in mi honpite lungkimsah ahi ziehin, amate in upna le Hlagau Siengtho tawh a kidim Stephen, Philip, Prochorus, Nicanor, Timon, Parmenas, le Judah biehna panin a kikhel Antioch khuomi Nicolas-te a teel uhi.

Nasepte 8:14

Samaria-te in Pasien’ thu sang thei ta uhi, ci thu Jerusalem-a om sawltahpite in a zah ciengun amate kungah Peter le John a sawl uhi.

Nasepte 9:27

Hizongle Barnabas in Saul hlanin sawltahpite kungah peipi a, a lam pei laitaha ama a hopi Topa a mu dan, Damascus khuo-a Jesu min’ tawh hangtaha a thugen dan zosie teng amate a hilcien hi.

Galatia-te 2:11

Hinanle Antioch khuo ah Peter ang tun ciengin ama mawsah nading thu om ahi ziehin a maitangah ka sel pai hi,

1 THESSALONIKA 3:6

Ahi vangin tu-in no kung panin ko kungah Timothy ang tung pan lien ahi a, ama in ko tungah na upna ule nei itna uh lungdamna thu thate ei puoh hi. Note kang munop ma bangun note in limtahin kote ei phawhin nei munopna thu zong ama in ei gen zo ta hi.