Misimna 24:18 - Zo Bible

¹⁸ Edom pen mi’ neisa suoh ding a, Seir zong a galte’ neisa a suoh ding hi. Tua laitahin Israel mite in hangsan tahin sem ding uhi.

LAISIENGTHOU CL Bible (BSI)

¹⁸ Tualeh Edom khu atan ahita dinga, Seir zong amelmate tan ahita ding hi, Israel in hangsan tahin abawl ding hi.

Zokam International Version

¹⁸ Edom kizo ding hi; ama gal Seir kizo dinga, ahi hangin Israel a thakhauh lai ding hi.

Misimna 24:18 ပူးပေါင်းရင်းမြစ်များ

Piancilna 27:29

Mite in na na semin, na mai-ah minamte kun uheh. Na sangamte tungah a topa hi inlen, na mai-ah na nu’ tapate kun uheh. Nang ang samsie poma samsiet hi hinlen, nang thupha ang pie poma thupha nga hi taheh!” a ci hi.

Piancilna 27:40

Na namsau tawh na nungta ding a, nang in na sanggampa’ na na sem ding hi. Hizongle ama na ledo ciengin, na ngawng panin a hahkol na kuoitan ding hi,” a ci hi.

Piancilna 32:3

Jacob in a sanggampa Esau opna mun Edom gam Seir leitangah kamtaite a masangah sawlin

2 Samuel 8:14

Ama in Edom ah khuocingte a koi hi; ama in Edom gam mun zosie-ah khuocingte koi a, tuale Edom-te zosie David’ nasemte a suoh uhi. Tuale a peina popo-ah Topa in David guolzawna a pie hi.

1 Kumpite 11:14

Tua ciengin Solomon a langpang dingin Topa in Edom-te Hadad a khangsah hi; ama pen Edom kumpi innsung mi khat ahi hi.

1 Kumpite 11:15

Bangzieh ahei cile Edom gamah David a op lai-in misi vui dingin galkapmang Joab kuonto-in Edom gam sunga pasal zosie that hi.

Phatna-late 60:1

Pasien aw, kote nei nuol zo a, ka kidalnate uh na satguoi zo hi; nang na lungthah zo ta hi; tu-in ka ngaingai uh ei bangsahkia in!

Isaiah 34:5

Ka namsau in vantungte ah a khamtahin a dawn zo a, en un, Edom-te tung le suhmang dinga ka sesa mite tungah thukhen dingin ang kumsuh ding hi.

Isaiah 63:1

“Edom gam Bozrah panin puon sandup silin ang pei, tua banga puon tawh thupitah a kivon, a thahatna tawh ang kal suon mipa koi ahei?” “A hundam dinga a thahat, dih tansahna a genkhie keima ka hi hi.”

Amos 9:11

Khum ni ciengin a puasa David’ buh phongto-in a vang teng ka phawbih ding a, a kisie teng zong phongto-in tanglai huna bangin ka lamphakia ding hi;

Amos 9:12

tua khu amate in Edom a omlai teng le ka mina a kihlan minam zosie a luo thei nading uh ahi hi, tami a bawl Topa in ci hi.

Obadiah 1:2

Minamte lahah a neu penin kang bawl valon ding hi; nang pen nahpitahin ang kisimmaw ding hi.

Misimna 20:18

Ahi vangin Edom in ama kungah, “Ka gam sung na nawh thei sih ding uhi; nang nawh paupau uleh no ang do dingin namsau tawh kang kuon ding uhi,” a ci hi.

Misimna 24:19

Jacob sung panin uhpa khat ang pieng ding a, Ir khuopi sunga a suohtate kisusie ding hi,” a ci hi.