Malachi 2:7 - Zo Bible

⁷ Bangzieh ahei cile siempu pa’ kam in theina a kep kul a, Vanglien Topa’ kamtaipa ahi ziehin mite in ama’ kam panin thuhilna a sui ding uh ahi hi.

LAISIENGTHOU CL Bible (BSI)

⁷ Aziehpen siempute muh in theina akep ding ahi a, tualeh miten akam apat dan asui dinguh ahi, aziehpen ama galkapte Mangpa thupopa ahi.

Zokam International Version

⁷ Siampipa kam in theihna a kep kula a mukpanin mite in hilhna a zong ding uh hi - bang hang hiam cih leh amah Thahatpen TOPA thupuakpa ahi hi.

Malachi 2:7 ပူးပေါင်းရင်းမြစ်များ

2 Kumpite 16:11

Siempu Uriah in maitam a bawl hi; Damascus panin Kumpi Ahaz in a hlah bang dan tawh kizui-in Kumpi Ahaz a tun masangin Damascus panin siempu Uriah in maitam na bawl hi.

2 Kumpite 16:16

Siempu Uriah in kumpi Ahaz’ thupieh zosie a bawl hi.

2 Khangthute 30:22

Hezekiah in Topa’ nasepna-ah a siemna uh a lah thei Levi-te zosie tungah hanthotna thu a gen hi. Tuaci’n mite in ni sagi sung pawi an ne-in thunuom biehpiehnate a pie vua, a pu a pate uh’ Pasien, Topa tungah lungdam a ko uhi.

2 Khangthute 31:4

Siempute le Levi-te in Topa’ thukham sungah a kipumpieh thei nadingun, Jerusalem-a teng mite in amau’ nga dinga a kilawm a tanh uh a pieh nadingun ama in thu a pie hi.

Ezra 7:10

Bangzieh ahei cile Ezra in a lungtang sungah Topa’ thukham kanin tuate zui ding le Israel gam sungah thukhamte le ngaina kipte hil a sawm hi.

Ezra 7:25

“Tua hi a, nang Ezra in na nei dinga ang kipie Pasien’ pilna tawh kizui-in, Gungal gam sunga a om na Pasien’ thukhamte a thei mi zosie tunga thu khen dingin ulien vaihawmte le thukhente koi in. Nang in Pasien’ thukham a thei lote na hil ding hi.

Paunakte 5:2

Thu khinkhai theina tukip in, tua hile na kam in theina a kem thei ding hi.

Thuhilhna 5:5

Na kiciemna na tangtunsah lo sangin na kiciem lo hoizaw hi.

Isaiah 42:19

Ka nasem pa longal koi a mit taw a, ka sawl ka kamtai pa bangin koi bil bing ahei? A kipumpieh mite bangin koi a mit taw a, Topa’ nasem pa bangin koi a mit a taw ahei?

Isaiah 44:26

a nasem pa’ thu kipsahin, a kamtaite’ thugente a tangtun pa; Jerusalem kungah, “Mi ang teng ding hi,” ci-in, Judah khuopite kungah, “Amahaw kilam ta ding hi,” a ci pa, tua a kisiesate ka dingsah ding hi,’ a ci pa;

Jeremiah 15:19

Tua ahi ziehin Topa in tam bangin ci hi: Nang kilekia leh kang lakia ding a, ka na na semkia ding hi. Kimanna nei lo thute gen loin thu manphate na gen leh, ka kamsang na hi ding hi. Na kunga ang pei ding pen amate ahi vua, amate kunga a pei ding pen nang na hi sih hi.

Jeremiah 18:18

Tua ciengin amate in, “Hing pei un, Jeremiah sawmsim va vui, azieh pen thu ei hil ding siempu, i thu dawh ding mipil le Pasien’ kammal ei gen ding kamsang i kitasam sih ding uhi. Hing pei un, ama mawsiet vai-in a thugen khat mama zong mang sih vai,” ei ci uhi.

Jeremiah 2:8

Siempute in, “Topa hei-ah om ahei” ci loin, thukham zangte in zong ei thei sih vua, Keima tungah makaite in khielna a bawl vua, kamsangte in Baal min tawh thu genin, amate in phattuomna a pie lo nate’ nua a zui uhi.

Ezekiel 22:26

Ka thuhilna tungah a siempute uh ngongtatin ka sil siengthote buasah uhi; amate in sil sieng le sil maimai khen loin, sil sieng le sil sieng lo a kilamdanna zong a hil sih uhi. Ka sabbath-te a thudon sih vua, tuaci’n amate lahah ei buasah uhi.

Ezekiel 7:26

Gimna khat zaw gimna khat tungin, kam baleng khat zaw khat kiza hi; kamsangte tung panin mangmuna a suisui ding uhi; siempute tung panin thuhilna mangthai ding a, upate kung panin thumopna mangthai ding hi.

Daniel 11:33

Mite lahah mipilte in mi tampi tungah theitelna a neisah ding uhi; ahi vangin ni tomkal sungin meikuong le namsau tawh amate a si ding vua, sal dingin kipeipi-in kitomgam ding hi.

Hosea 4:6

Theina a kitasap ziehin ka mite a kisie uhi; nang in theina na nual ziehin ka siempu dingin nang kang nuol hi. Note in na Pasien uh’ thukham na mangngil ziehun, keima in zong na tate uh ka mangngil ding hi.

Siampi Laibu 10:11

tuale Topa in Moses tung tawna a gensa thukham zosie Israel mite na hil ding uhi,” a ci hi.

Zephaniah 3:4

A kamsangte uzong ngaisutna le upna nei lote ahi uhi; a siempute in a siengtho nate buasahin, thukham tungah a tatsie uhi.

Haggai 1:13

Tua ciengin Topa’ kamtai Haggai in mite tungah Topa’ thugente gen a, note kang ompi hi, Topa in ci hi, ci-in a gen hi.

Zechariah 7:3

Vanglien Topa’ inn sunga siempute le kamsangte kungah, “Kum tampi sung ka bawlsa bangin a hla ngana sung kapin antang lai ding ka hi uh amah?” ci-in a dongsah hi.

Malachi 3:1

En un, ka lampi siel dingin ka mai-ah ka kamtaipa ka sawl ding a, note in na suisui uh Topa a biehinnpi ah thakhatin ang pei ding hi. Note in na hlagul uh thuciemna kamtaipa ang pei ding hi,” Vanglien Topa in ci hi.

Misimna 27:21

Ahi vangin Topa mai-ah Urim tawh ama dinga thu a dawhpieh ding siempu Eleazar mai-ah ama a ding ding hi; ama’ thu tawh ama le a oppi Israel-te zosie, le mihon vannuoi pusuoh ding a, ama’ thu ma tawh a sungtum ding uhi,” a ci hi.

John 13:20

A tahtah a kang ci-in, ka sawl mi a sang poma in kei zong ei sang hi a, kei ei sang mi poma in kei ei sawl pa zong a sang ahi hi,” a ci hi.

John 20:21

Jesu in amate kungah, “Note tawh nopna om taheh. Pa in kei ei sawl bangin note kang sawl hi,” a cikia hi.

Nasepte 16:17

Tua nu in Paul le ko ei zui laitahin, “Tam mite pen na kung vua hutdamna lampi ang tangko Sangpen Pasien’ silate ahi uhi,” ci-in ang kiko hi.

2 Corinth-te 5:20

Tuaci’n kote pen Khris adingin palaite ka hi uhi; Pasien tawh na kilem un, ci-in Pasien in kote tungtawnin ang thum ma bangin kote in zong Khris tangin kang thum uhi.

Galatia-te 4:14

Ka omdan pen note adingin ze-etna a suo vangin ei muda-in nei simmaw tuon sih vua, Khris Jesu le Pasien’ vantungmi khat bangin nei limbawl zawsop uhi.

Thupiakkikna 21:5

Tua ciengin Topa na Pasien un a na sem ding le Topa’ min tawh thupha a pie dinga Levi siempute a teelsa ahi ziehin amate pei-in kithuneina le kihauna zosie amau’ thu tawh kikhen ding hi.

Thupiakkikna 24:8

Phah natna na vei lo nadingun kikemcing siem mama un; keima in amate ka thupieh bangin Levi siempute in ang hil bangun na gamta ding uhi.

1 THESSALONIKA 4:8

Tua ahi ziehin tam thu a niel mi poma pen mihing thuneina a niel hi loin, note tungah ama’ Hlagau Siengtho ang pie pa Pasien a niel ahi zaw hi.

1 Samuel 2:17

Tam bangin Topa muna-ah tangvalte’ khielna a sie huoi mama hi; azieh pen amate in Topa’ biehnate a simmaw bawl uhi.