Kilaakna 2:23 - Zo Bible

²³ tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.

LAISIENGTHOU CL Bible (BSI)

²³ Tualeh atate shina in ka thatgam dinga, tualeh hattuom zousie in kei khu, lungsim leh lungtang enchienpa ka hi chi athei ding uhi. Tualeh noute na nasep dungzui un ka hing pe chiet ding hi.

Zokam International Version

²³ A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

Kilaakna 2:23 ပူးပေါင်းရင်းမြစ်များ

1 Khangthute 17:18

Na nasempa na patawina ziehin David in nang tungah bang ang gen be thei lai ding ahei? Na nasempa nangma in na thei hi.

1 Khangthute 28:9

“Nang, ka tapa Solomon aw, na pa’ Pasien thei inlen, lungsim khat le lawpna lungtang tawh ama’ na sem in; azieh pen Topa in lungsim zosie sui a, gelna le ngaisutna zosie thei hi. Nang in ama na sui leh ama in nang ang mu ding a, ama na elngat leh ama in zong a tawntungin nang ang nuasie ding hi.

1 Khangthute 29:17

Ka Pasien aw, lungtang na sui a, thutangah na lungkim lam ka thei hi; ka lungsim dihna tawh tam sil zosie kang pie zo hi. Tu-in keima in nangma tungah suohta tah le kipahtaha ang pie, tam sunga om na mite ka mu zo hi.

2 Khangthute 6:30

na tenna van panin za-in ngaidam inlen, amau’ gamtatna tawh kizui-in nangma in a lungsim uh na thei bangin bawlpieh in, azieh pen nangma beh in mihing’ lungsim na thei hi.

Job 24:23

Ama in amate bihna pie a, amate huoi-in panpi hi; ama’ mit in a lampi uh a kaihlit den hi.

Phatna-late 139:1

Topa aw, nang in kei nei kan a, nei thei zo ta hi.

Phatna-late 26:2

Topa aw, ei ze-et inlen ei sin in. Ka lungtang le ka lungsim ei sittel in.

Phatna-late 44:21

Pasien in tam thu mu loin a om mawh ding amah? Bangzieh ahei cile ama in lungsima phuolselte a thei hi.

Phatna-late 62:12

Topa aw, itna kip nangma-a’ ahi hi. Azieh pen nangma in a sepna utawh kituohin amate na thuhkia hi.

Phatna-late 7:9

Lungsim le lungtang a sittel a thuman Pasien aw, migilote’ gitlona tawpsah inlen, mi thumante sukip in.

Jeremiah 11:20

Ahi vangin thu mantaha a khen, mihing’ lungsim le ngaisutna a encien Vanglien Topa aw, amate na thuhkiana ei musah in, bangzieh ahei cile ka vai zosie nangma kang ap zo ta hi.

Jeremiah 17:10

Keima Topa in amau’ gamtatna le amau’ sep thaman zui-a a pie dingin lungsim ka sittel a, lungtang zong ka sui hi.

Jeremiah 20:12

Vanglien Topa aw, nangma in midihte na sittel a, nangma in mihing’ lungtang le a lungsim na mu hi; nangma in amate tunga na thuhkiana ei musah in, azieh pen nangma tungah ka vaite kang ap zo hi.

Zephaniah 1:11

Mortar Venga tengte aw, kap unlen mau un. Bangzieh ahei cile sumbawlte a kisie sieng ta vua, ngun tawi a te mite zosie kisumaimang zo hi.

Matthew 16:27

“Azieh pen a Pa’ minthanna vang le a vantung mite tawh Mihing Tapa ang pei ding a, tua ciengin ama in a sepna utawh kizui-in mi zosie a thuhkia ding hi.

Luke 16:15

Tuaci’n amate kungah, “Mite mai-ah no le no na kidihsah vangun Pasien in na lungtang uh a thei hi; azieh pen mihingte in manpha a sah mama uh nate pen Pasien’ muna-ah a kidahhuoi ahi hi.

John 21:17

Ama in, “John’ tapa Simon aw, kei nei it ei mah?” ci-in a thumveina dong leuleu hi. “Nang in kei nei it ei mah?” ci-in thumvei a dawh ziehin Peter da mama a, tua ahi ziehin, “Topa, na zosie na thei a, ke’n nang kang it lam zong na thei hi,” a ci hi. Jesu in ama kungah, “Ka tuute na cing in.

John 4:16

Jesu in tua nu kungah, “Va pei-in na pasal va hlan ta’nlen tanah hing peikia in,” a ci hi.

Nasepte 1:24

Tua ciengin amate in thu ngenin, “Topa aw, nangma in mi zosie’ lungsim na thei hi.

Rome-te 14:12

Tua ahi ciengin eite khat ciet in Pasien kungah i kungtung ciet i kisut ding uhi.

Rome-te 8:27

Lungsim a sui Pasien in tua Hlagau’ lungsim a thei hi, bangzieh ahei cile Pasien’ deina dung zui-in Hlagau in misiengthote adingin a thumpieh hi.

2 Corinth-te 5:10

Bangzieh ahei cile Khris’ thukhenna topha mai-ah eite zosie i unpi-un i kilaa valon ding vua, tuaci’n i pumpi-a i bawlsa i gamtatna utawh kizui-in a sie ahi a, a pha ahi zongin a nga ciet ding i hi hi.

Galatia-te 6:5

Bangzieh ahei cile mi zosie in amau’ van ciet a puo ding uhi.

Thupiakkikna 13:11

Tua ciengin Israel-te zosie in tua thu za-in a zausi ding vua, tua bang gitlona a bawlkia ngai nawn sih ding uhi.

Thupiakkikna 17:13

Mi zosie in za-in a zausi ding vua, a valkai-in a gamta nawn sih ding uhi.

Thupiakkikna 19:20

A omlai mite in za-in a zau ding vua, note lahah tam bang mawna lien a bawlkia ngai nawn sih ding uhi.

Thupiakkikna 21:21

Tua ciengin khuo pasal zosie in suong tawh ama seplia ding uhi. Tuaci’n na laizang vuah sietna na hemkhie ding uhi; tuale Israel-te zosie in za-in zau ding uhi.

Hebrews 4:13

A mai-ah a kiselcip thei a kipiengsah na khat beh a om sih a, i thu tut nading pa mitmu ah na zosie a lie a dal om loin kilang sinsen hi.

1 Peter 1:17

A gamtatnate utawh kizui-in mi zosie tungah deidat nei lo-a thu a khen pa tungah Pa bangin thu na nget uleh, na galtai uh hun sungin ama giingin gamta un.

Kilaakna 2:11

Hlattuom pawlpite tunga Hlagau thugen khu bil nei poma in za taheh. A guolzo poma nivei sina in a gimsah sih ding hi.

Kilaakna 2:7

Hlagau in hlattuom pawlpite tunga a thugente khu bil nei poma in za taheh. Keima in a guolzo mi zosie tungah Pasien’ paradise sunga a om hinna singkung neh theina thu ka pie ding hi.

Kilaakna 20:12

Tuale kumpi topha mai-a a ding a sisa a lien a neu ka mu a, tuaci’n laibute zong kiphen hi. Hinna laibu ahi laibu dang khat zong kiphen hi. A sisate tungah a gamtatnasate uh laibu sunga kiciemte tawh kizui-in thu kikhen hi.

Kilaakna 20:13

Tuipi in a sunga om misite puohto-in, Sina le Misi khuo in zong amate sunga om misite hing puohto a, a sepnasa uh tawh kizui-in a unpi-un amate tungah thu kikhen hi.

Kilaakna 22:12

“En in, kang pei bai ta ding hi! Mi zosie a gamtatna uh tawh kizui-in a thuhkia dingin keima kungah ka thaman a om hi.

Kilaakna 6:8

Ka khuodah leh sakol kang daang khat na om hi! A tunga tuong pa’ min pen Sina hi a, Misi khuo in ama nua a zui hi. Amate in namsau, kielpi, pulnatna, le gamsate tawh leitung seli-suo-sekhat a tha thei nadingun thuneina kipie hi.

1 Samuel 16:7

Hinanle Topa in Samuel kungah, “A melpuoh ahi sihle a duong sanna lam en sin, azieh pen keima in ama ka nuol zo hi; bangzieh ahei cile Topa in mihingte’ mu bangin a mu sih hi; amate in a putham melpuoh dan en a, hinanle Topa in lungtang a en hi,” a ci hi.